PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁନ୍ଦରଗଡ଼ : ସୁନ୍ଦରଗଡ଼ ଟାଉନ ଥାନା ଅନ୍ତର୍ଗତ ରିଜେଣ୍ଟ ମାର୍କେଟ୍‌ ଅଞ୍ଚଳରେ ଏକ ସମ୍ପ୍ରଦାୟର ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ, ଫାଙ୍କା ଗୁଳି ଚାଳନା କରି ୧୦ ଅଟକ
  • ||
  • ସୁନ୍ଦରଗଡ଼ : ସୁନ୍ଦରଗଡ଼ ଟେନ୍ସା ଗୀତାରାଣୀ ମାଇନ୍ସ ସମ୍ମୁଖରେ ଅଘଟଣ, ହାଇଓ୍ୱା ସହ ଜିଅନ୍ତା ଜଳିଗଲେ ଡ୍ରାଇଭର
  • ||
  • ବଡ଼ବିଲ : କେନ୍ଦୁଝର ଜିଲ୍ଲା ବାମେବାରୀ ଥାନା ବସନ୍ତପୁର ମାଝୀ ସାହିରେ ପୂର୍ବ ଶତ୍ରୁତାକୁ କେନ୍ଦ୍ର କରି ବିଭତ୍ସ ହତ୍ୟାକାଣ୍ଡ, କଟୁରୀରେ ହାଣି ମୁଣ୍ଡଗଣ୍ଡି ଅଲଗା କରିଦେଲା ଦୁର୍ବୃତ୍ତ
  • ||
  • ବାରିପଦା : ବାରିପଦା ଷ୍ଟେସନ ଠାରେ ଗଛ ପଡ଼ି ଇଲେକ୍ଟ୍ରିକ ତାର ଛିଡି ଅଟକିଲା ଟ୍ରେନ, ବିଳମ୍ବରେ ଚାଲିବ ଟ୍ରେନ
  • ||
  • ଭଦ୍ରକ : ସମ୍ଭାବ୍ୟ ବନ୍ୟା ଲାଗି ଛୁଟି ବାତିଲ, ମୁକାବିଲା ପାଇଁ ଓଡ୍ରାଫ-ଏନ୍‌ଡିଆରଏଫ୍‌-ଅଗ୍ନିଶମ ବାହିନୀ ପ୍ରସ୍ତୁତ
  • ||
  • ବାରିପଦା : ବିଶୋଇ ଥାନା ଲୋହାକାନି ଭୋଳ ବେଡା ଗ୍ରାମରେ ବିଳମ୍ୱିତ ରାତିରେ ଭୁଷୁଡିଲା ଘରର କାନ୍ଥ, ଚାଲିଗଲା ଦୁଇ ଭଉଣୀଙ୍କ ଜୀବନ
  • ||
  • ଲକ୍ଷ୍ନୌ : ଭୂକମ୍ପରେ ଥରିଲା ଲକ୍ଷ୍ନୌ ସମେତ ୟୁପିର କେତେକ ଜିଲ୍ଲା , କୌଣସି କ୍ଷୟକ୍ଷତି ହୋଇନଥିବା ସୂଚନା
  • ||
  • ପୁରୀ : ଶ୍ରଦ୍ଧାଳୁଙ୍କ ବେକରେ ବ୍ଲେଡ୍‌ ମାରି ସୁନା ଚେନ୍‌ ଲୁଟ ଉଦ୍ୟମ ଫେଲ୍, ଧରାପଡି ଛେଚା ଖାଇଲେ ୩ ଲୁଟେରା
  • ||
  • ସମ୍ବଲପୁର : ୬୨୧.୦୨ ଫୁଟ୍‌କୁ ଖସିଲା ହୀରାକୁଦ ଜଳଭଣ୍ଡାର ଜଳସ୍ତର, ୨୦ ଗେଟ ଦେଇ ଚାଲିଛି ବନ୍ୟାଜଳ ନିଷ୍କାସନ
  • ||
  • ଭୁବନେଶ୍ୱର : ୨୧ରୁ ବନ୍ୟାଞ୍ଚଳ ଗସ୍ତ କରିବ ପିସିସି ଟିମ୍‌, ୨୩ ସୁଦ୍ଧା ଦେବେ ରିପୋର୍ଟ
  • ||
  • ବାଲିଗୁଡ଼ା : ଦାରିଙ୍ଗବାଡ଼ି ବ୍ଲକ ତିଲୋରୀ ପଞ୍ଚାୟତର ସିମନବାଡ଼ି ଗ୍ରାମ ନିକଟରେ ଥିବା ପୋଲର ପାର୍ଶ୍ଵ ରାସ୍ତା ଧସି ଯାଇଛି, ବସ୍ ଚଳାଚଳ ସମ୍ପୂର୍ଣ୍ଣ ଠପ୍
  • ||
  • କେନ୍ଦୁଝର : କେନ୍ଦୁଝର ଜିଲ୍ଲା ସଦର ବ୍ଲକ ମହାଦେଇଯୋଡ଼ା ପଞ୍ଚାୟତ ଟିକରପଡ଼ାରେ ଲଗାଣ ବର୍ଷାରେ କାନ୍ଥ ଭୁଷୁଡ଼ି ସ୍ତ୍ରୀ ମୃତ, ସ୍ୱାମୀ ଗୁରୁତର
  • ||
  • ଜୟପୁର/ଦିଲ୍ଲୀ : ମର୍ମନ୍ତୁଦ ସଡ଼କ ଦୁର୍ଘଟଣାରେ ଚାଲିଗଲା ୬ଶ୍ରଦ୍ଧାଳୁଙ୍କ ଜୀବନ : ୨୦ରୁ ଅଧିକ ଆହତ, ପ୍ରଧାନମନ୍ତ୍ରୀଙ୍କ ଶୋକପ୍ରକାଶ
  • ||
  • ନୂଆଦିଲ୍ଲୀ : ବାଙ୍କ ବିହାରୀ ମନ୍ଦିରରେ ବଡ଼ ଧରଣ ଅଘଟଣ, ମଙ୍ଗଳା ଆରତୀ ସମୟରେ ଦଳା ଚକଟାରେ ଦୁଇ ମୃତ
  • ||

ଶିକ୍ଷା ଋଣକୁ କଣ୍ଟା ଶିକ୍ଷିତ ବେକାର: ଗ୍ୟାରେଣ୍ଟର ରୁହନ୍ତୁ ପିତାମାତା, ଏନ୍‌ପିଏ କମିବ

ଭୁବନେଶ୍ୱର,୫ା୨(ବ୍ୟୁରୋ): ରାଜ୍ୟ ତଥା ଦେଶର ବହୁ ଛାତ୍ରଛାତ୍ରୀ ବୈଷୟିକ ଶିକ୍ଷାଲାଭ ପରେ ବି ନିଯୁକ୍ତି ପାଇବାରେ ବିଫଳ ହେଉଛନ୍ତି । ଏହି ଶିକ୍ଷିତ ବେକାର ହିଁ ବ୍ୟାଙ୍କଗୁଡ଼ିକ ଦ୍ୱାରା ଶିକ୍ଷା ଋଣ ପ୍ରଦାନରେ ପ୍ରତିବନ୍ଧକ ସାଜୁଛନ୍ତି । ରାଷ୍ଟ୍ରୀୟ କୃଷି ଓ ଗ୍ରାମୀଣ ବିକାଶ ବ୍ୟାଙ୍କ (ନାବାର୍ଡ) ନିଜ ରିପୋର୍ଟରେ ଏଭଳି ସୂଚନା ଦେଇଛି ।
ନାବାର୍ଡ ଭୁବନେଶ୍ୱର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ ନିକଟରେ ପ୍ରକାଶିତ ଷ୍ଟେଟ୍‌ ଫୋକସ୍‌ ପେପର୍‌ ମୁତାବକ, ଆସନ୍ତା ଆର୍ଥିକ ବର୍ଷ ଅର୍ଥାତ୍‌ ୨୦୧୯-୨୦ରେ ଓଡ଼ିଶାକୁ ୧,୨୦୬ କୋଟି ୩୨ ଲକ୍ଷ ଟଙ୍କାର ଶିକ୍ଷା ଋଣ ଆବଶ୍ୟକ ହେବ । କିନ୍ତୁ ରାଜ୍ୟରେ ଶିକ୍ଷା ଋଣର ଟ୍ରେଣ୍ଡ ଯାହା କହୁଛି, ଏ ଲକ୍ଷ୍ୟର ଏକ ତୃତୀୟାଂଶ ପୂରଣ ହେବା କାଠିକର ହେବ ।
ତଥ୍ୟ ମୁତାବକ, ୨୦୧୭-୧୮ରେ ରାଜ୍ୟରେ ୧,୧୮୩ କୋଟି ଟଙ୍କାର ଶିକ୍ଷା ଋଣ ପ୍ରଦାନ ପାଇଁ ସୁଯୋଗ ରହିଥିଲା । କିନ୍ତୁ ଏ ଅବଧିରେ ବାଣିଜ୍ୟିକ ବ୍ୟାଙ୍କଗୁଡ଼ିକ କେବଳ ୪୦୮ କୋଟି ୪୪ ଲକ୍ଷ ଟଙ୍କାର ଶିକ୍ଷା ଋଣ ଯୋଗାଇ ଦେଇଥିଲେ । ସେହିଭଳି ଚଳିତ ଆର୍ଥିକ ବର୍ଷ ବ୍ୟାଙ୍କଗୁଡ଼ିକ ପାଇଁ ୧,୨୩୨ କୋଟି ଟଙ୍କାର ଶିକ୍ଷା ଋଣ ସୁଯୋଗ ରହିଛି । କିନ୍ତୁ ୨୦୧୮-୧୯ରେ ବର୍ତ୍ତମାନ ସୁଦ୍ଧା ବ୍ୟାଙ୍କଗୁଡ଼ିକ ପକ୍ଷରୁ କେତେ ପରିମାଣର ଶିକ୍ଷା ଋଣ ଯୋଗାଇ ଦିଆଯାଇଛି, ସେ ସମ୍ପର୍କରେ ସବିଶେଷ ତଥ୍ୟ ହାସଲ ହୋଇନାହିଁ ।
ଅପରପକ୍ଷରେ ନାବାର୍ଡ ନିଜ ଷ୍ଟେଟ୍‌ ଫୋକସ୍‌ ରିପୋର୍ଟରେ ଦର୍ଶାଇଛି, ବୈଷୟିକ ଶିକ୍ଷା ଗ୍ରହଣ ପରେ ବହୁ ଯୁବଗୋଷ୍ଠୀ ନିଯୁକ୍ତି ପାଇବାରୁ ବଞ୍ଚିତ ହେଉଛନ୍ତି । ଏଣୁ ସେମାନେ ପାଠପଢ଼ା ପାଇଁ ବ୍ୟାଙ୍କଗୁଡ଼ିକ ନିକଟରୁ ନେଇଥିବା ଋଣ ପରିଶୋଧରେ ବିଫଳ ହେଉଛନ୍ତି । ଫଳରେ ବ୍ୟାଙ୍କଗୁଡ଼ିକ ଶିକ୍ଷା ଋଣ ଦେବାକୁ ଅମଙ୍ଗ ହେଉଛନ୍ତି । ଏପରିକି ଘରୋଇ ବ୍ୟାଙ୍କଗୁଡ଼ିକ କେବଳ ଆଇଆଇଟି, ଆଇଆଇଏମ୍‌ ଭଳି ପ୍ରମୁଖ ଶିକ୍ଷାନୁଷ୍ଠାନରେ ପାଠ ପଢ଼ିବାକୁ ଯୋଗ୍ୟ ଛାତ୍ରଛାତ୍ରୀଙ୍କୁ ଶିକ୍ଷା ଋଣ ଦେବାକୁ ଆଗ୍ରହ ଦେଖାଉଛନ୍ତି ।
ରାଜ୍ୟରେ ଶିକ୍ଷା ଋଣ ପ୍ରତି ବ୍ୟାଙ୍କଗୁଡ଼ିକର ଆଗ୍ରହ ବଢ଼ାଇବା ଉଦ୍ଦେଶ୍ୟରେ ବ୍ୟାଙ୍କ ଓ ଶିକ୍ଷାନୁଷ୍ଠାନଗୁଡ଼ିକ ମଧ୍ୟରେ ସହଯୋଗିତା ପାଇଁ ନାବାର୍ଡ ସୁପାରିସ କରିଛି । ଏହା କହିଛି, ବ୍ୟାଙ୍କ ଓ ଶିକ୍ଷାନୁଷ୍ଠାନଗୁଡ଼ିକ ମିଳିତ ଭାବେ ଶିକ୍ଷା ଋଣ ଚାହିଦାକୁ ପରିଚାଳନା କରିବା ଉଚିତ । ପ୍ରକୃତ ପକ୍ଷେ ଶିକ୍ଷା ଋଣ ପାଇଁ ଯୋଗ୍ୟ ଛାତ୍ରଛାତ୍ରୀଙ୍କୁ ହିଁ ଏହାର ଫାଇଦା ଦେବା ଆବଶ୍ୟକ ।
ବର୍ଦ୍ଧିତ ଶିକ୍ଷା ଋଣ ଖିଲାପୀ ରୋକିବାକୁ ବ୍ୟାଙ୍କଗୁଡ଼ିକ ଶିକ୍ଷା ଋଣ ପ୍ରଦାନ ବେଳେ ପିତାମାତାଙ୍କୁ ମଧ୍ୟ କୋ-ଗ୍ୟାରେଣ୍ଟର ରଖିବା ଉଚିତ । ଫଳରେ ଯଦି ଋଣକର୍ତ୍ତା ବକେୟା ପରିଶୋଧରେ ବିଫଳ ହେବେ, ତାଙ୍କ ପିତାମାତାଙ୍କ ନିକଟରୁ ଏହାକୁ ଅସୁଲ କରାଯାଇପାରିବ । ଏହାଦ୍ୱାରା ଶିକ୍ଷା ଋଣ ଅନାଦାୟ ଋଣ (ଏନ୍‌ପିଏ)କୁ କମାଯାଇପାରିବ ।
ଏହାବାଦ୍‌ ଶିକ୍ଷା ଋଣରେ ରହିଥିବା ଏନ୍‌ପିଏକୁ ସରକାର ସମୀକ୍ଷା କରି ଉପଯୁକ୍ତ କାର୍ଯ୍ୟାନୁଷ୍ଠାନ ନେବା ପାଇଁ ସୁପାରିସ କରି ନାବାର୍ଡ କହିଛି, ବ୍ୟାଙ୍କଗୁଡ଼ିକ ଶିକ୍ଷା ଋଣରେ ଟ୍ୟୁସନ୍‌ ଫି’ ଓ ଅନ୍ୟାନ୍ୟ ବ୍ୟୟକୁ ମଧ୍ୟ ସମ୍ପୃକ୍ତ କରିବା ଆବଶ୍ୟକ । ଏବେ ଶିକ୍ଷା ଋଣରେ ନାମଲେଖା ଓ ବାର୍ଷିକ ଫି’ ପ୍ରଭୃତି ସାମିଲ ରହିଛି ।

ସମ୍ବନ୍ଧିତ ଖବର