ନୂଆଦିଲ୍ଲୀ,୨୭ା୧(ଏଜେନ୍ସି): କଂଗ୍ରେସ ଦଳର ନବନିଯୁକ୍ତ ସାଧାରଣ ସଂପାଦକ ପ୍ରିୟଙ୍କା ଗାନ୍ଧୀଙ୍କୁ ନେଇ ବିଜେପିର ବରିଷ୍ଠ ନେତା ତଥା ରାଜ୍ୟସଭା ସାଂସଦ ସୁବ୍ରମଣ୍ୟମ ସ୍ୱାମୀ ବିବାଦୀୟ ବୟାନ ଦେଇଛନ୍ତି ।ସେ କହିଛନ୍ତି ଯେ ପ୍ରିୟଙ୍କା ଗାନ୍ଧୀ ମାନସିକ ରୋଗରେ ପୀଡ଼ିତ । ଏହି ରୋଗକୁ ବାଇପୋଲାରିଟି ରୋଗ କୁହାଯାଏ । ଏଥିରେ ପୀଡ଼ିତ ବ୍ୟକ୍ତି ହିଂସାବାଦୀ ଚରିତ୍ରର ହୋଇଥାନ୍ତି ଏବଂ ସେ ଲୋକଙ୍କୁ ଅକସ୍ମାତ୍‌ ପିଟିଥାନ୍ତି । ଏଣୁ ସାର୍ବଜନୀନ ସ୍ତରରେ ସେ କାର୍ଯ୍ୟ କରିବା ବିପଦଜନକ ଅଟେ । ସ୍ୱାମୀ ଆହୁରି ମଧ୍ୟ କହିଛନ୍ତି ଯେ, ‘ପ୍ରିୟଙ୍କା କେତେବେଳେ ବି ନିଜ ଉପରୁ ସନ୍ତୁଳନ ହରାଇପାରନ୍ତି । ଏହା ଲୋକମାନେ ଜାଣିବା ଉଚିତ୍‌’ । ଏହା ପୂର୍ବରୁ ମଧ୍ୟ ସ୍ୱାମୀ ଅନେକ ଥର ପ୍ରିୟଙ୍କା ଗାନ୍ଧୀ ଏବଂ ରାହୁଲ ଗାନ୍ଧୀଙ୍କ ଉପରେ ବିବାଦୀୟ ବୟାନ ଦେଇଛନ୍ତି ।