ଭୁବନେଶ୍ୱର,୬ ।୨(ବ୍ୟୁରୋ): ଶିକ୍ଷା ଓ ଅନୁସନ୍ଧାନ (ଡିମ୍‌ଡ ଟୁ ବି ୟୁନିଭର୍ସିଟି) ଅଧୀନରେ ଥିବା ସମ୍‌ ହସ୍ପିଟାଲର ସ୍ତ୍ରୀ ରୋଗ ଓ ପ୍ରସୂତି, ପେଟ ଓ ଯକୃତ,ୟୁରୋଲୋଜି, ନ୍ୟୁରୋ ସାଇନ୍ସ ଓ ଏମରଜେନ୍ସି ଆଣ୍ଡ ଟ୍ରମାକେୟାର ବିଭାଗ ରାଜ୍ୟରେ ସବୁଠୁ ଭଲ । ବଡ଼ କର୍ପୋରେଟ ହସ୍ପିଟାଲକୁ ପଛରେ ପକାଇ ସମ୍‌ ଏହି ସଫଳତା ପାଇଛି । ସର୍ଭେରେ ସମ୍‌ର ୫ ବିଭାଗକୁ ୧ ନମ୍ବର ମାନ୍ୟତା ମିଳିଛି ।
ବଡ଼ କର୍ପୋରେଟ ହସ୍ପିଟାଲରେ ଏ ୫ ବିଭାଗରେ ଯେଉଁ ମାନର ଚିକିତ୍ସା ମିଳୁଛି । ସମ୍‌ରେ ଚିକିତ୍ସା ତାହାଠୁ ଭଲ । ଟାଇମ୍ସ ହେଲଥ୍‌ ସର୍ଭେ ଏମିତି ର‌୍ୟାଙ୍କ ଦେଇଛି ସମ୍‌ ହସ୍ପିଟାଲକୁ । କର୍କଟ, ହୃଦ୍‌ ବିଭାଗ ଓ ଶିଶୁ ବିଭାଗକୁ ମଧ୍ୟ ଦୁଇ ନମ୍ବର ମାନ୍ୟତା ମିଳିଛି ।
୯ଟି ବିଭାଗକୁ ନେଇ ପ୍ରାଇଭେଟ୍‌ ଓ କର୍ପୋରେଟ୍‌ ହସ୍ପିଟାଲକୁ ନେଇ ଟାଇମ୍ସ ହେଲଥ୍‌ ସର୍ଭେ କରାଯାଇଛି । ଜାତୀୟ, ଆଞ୍ଚଳିକ ଓ ରାଜ୍ୟକୁ ନେଇ ତିନୋଟି ଶ୍ରେଣୀରେ ସର୍ଭେ କରାଯାଇଛି । ପୂର୍ବାଞ୍ଚଳ ର‌୍ୟାଙ୍କିିଂରେ ସମ୍‌ର ୬ଟି ବିଭାଗ ଶ୍ରେଷ୍ଠ ୧୦ ତାଲିକା ମଧ୍ୟରେ ରହିଛି । ସେହିଭଳି ଜାତୀୟସ୍ତରର ଶ୍ରେଷ୍ଠ ୨୦ ଟି ବିଭାଗ ମଧ୍ୟରେ ତିନୋଟି ବିଭାଗ ରହିଛି । ଜାତୀୟସ୍ତରରେ ଶିଶୁ ବିଭାଗ ୧୪ ତମ, ନ୍ୟୁରୋ ସାଇନ୍ସ ବିଭାଗ ୧୭ ତମ ଓ ୟୁରୋଲୋଜି ବିଭାଗ ୧୯ ତମ ସ୍ଥାନ ହାସଲ କରିଛି । ପୂର୍ବାଞ୍ଚଳ ର‌୍ୟାଙ୍କିଂରେ ଶିଶୁ ବିଭାଗ ତୃତୀୟ,କର୍କଟ, ନ୍ୟୁରୋ ସାଇନ୍ସ, ପେଟ ଓ ଯକୃତ ଓ ଟ୍ରମା କେୟାର ବିଭାଗକୁ ୪ ନମ୍ବର ମାନ୍ୟତା ମିଳିଛି ।
ଏହି ସଫଳତା ସମ୍‌ ହସ୍ପିଟାଲ କର୍ତ୍ତୃପକ୍ଷଙ୍କୁ ଅଧିକ ଉତ୍ସାହିତ କରିଛି । ଆଗକୁ ଭଲ କାମ କରିବା ସହ ନୂଆ ନୂଆ ଟେକ୍ନୋଲୋଜିରେ ରୋଗୀଙ୍କୁ ଚିକିତ୍ସା ଦେବାକୁ ସମ୍‌ କାର୍ଯ୍ୟ କରିବ ବୋଲି କୁହାଯାଇଛି ।