ପ୍ରମୁଖ ଖବର
  • ପଦ୍ମ ଧରିଲେ ପ୍ରଶାନ୍ତ ଜଗଦେବ, ବିଜେଡିରୁ ହୋଇଥିଲେ ୨ ଥରର ବିଧାୟକ
  • ||
  • ରତ୍ନଭଣ୍ଡାର ଅଳଙ୍କାର ଲିଷ୍ଟ ପାଇଁ କମିଟି ଗଠନ, ୧୨ ଜଣିଆ କମିଟି ଗଠନ ନେଇ ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • ଶ୍ରୀମନ୍ଦିର ପରିଚାଳନା କମିଟି ବୈଠକ ଆରମ୍ଭ, ମହାରାଜ ଗଜପତିଙ୍କ ଅଧ୍ୟକ୍ଷତାରେ ବସିଛି ମିଟିଂ
  • ||
  • ମାର୍ଚ୍ଚ ୫​‌ରେ ଓଡ଼ିଶା ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଚଣ୍ଡିଖୋଲର ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||
  • ହିମାଚଳର ୬ ବିଦ୍ରୋହୀ କଂଗ୍ରେସ ବିଧାୟକଙ୍କ ସଦସ୍ୟତା ରଦ୍ଦ
  • ||
  • ଉଦଳା: ସ୍କୁଟି- ବାଇକ୍ ଧକ୍କାରେ ଚାଲିଗଲା ୩ ଜଣ ଜୀବନ
  • ||
  • ୧୦ ବର୍ଷର ପ୍ରତୀକ୍ଷାର ଅନ୍ତ: ଆଜି ବକ୍ସ ଡ୍ରେନ୍‌ ଲୋକାର୍ପଣ କରିବେ ମୁଖ୍ୟମନ୍ତ୍ରୀ, ୪୫୦ କୋଟିରେ ହୋଇଛି ନିର୍ମାଣ
  • ||
  • ଭିଜିଲାନ୍ସ ଜାଲରେ ରାଉରକେଲା ESIC ସିନିଅର ଆସିଷ୍ଟାଣ୍ଟ ଅଭିରାମ ସାହୁ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ବିଜେପି ସିଇସିର ପ୍ରଥମ ବୈଠକ: ଆଜି ୧୨୦ ପ୍ରାର୍ଥୀଙ୍କ ତାଲିକା ଜାରି କରିପାରେ ଦଳ
  • ||
  • ପଦ୍ମ ଧରିବେ ପ୍ରଶାନ୍ତ, ମନ୍ମଥ ! ଖୁବଶୀଘ୍ର ହୋଇପାରେ କିଛି ବଡ଼ ଘୋଷଣା
  • ||
  • ଜଳ ସମ୍ପଦ ବିଭାଗ କନିଷ୍ଠ ଯନ୍ତ୍ରୀଙ୍କ ଆତ୍ମହତ୍ୟା, ଫ୍ୟାନ୍‌ରେ ଝୁଲିପଡିଲେ ପ୍ରଦୀପ କୁମାର ଘୋଷ
  • ||
  • ସରିବ ଖଣ୍ଡଗିରି ଯାତ୍ରା ମହାକୁମ୍ଭ, ଆଜି ବିଦାୟ ନେବେ ୬ ଅପେରା ପାର୍ଟି
  • ||
  • ଟ୍ରକ୍ ସହ ବସ୍ ମୁହାଁମୁହିଁ ଧକ୍କା, ଜଣେ ମୃତ ୬ ଗୁରୁତର
  • ||
  • WPL-2024: ବିଜୟ ଖାତା ଖୋଲିଲା ୟୁପି ଓ୍ୱାରିୟର୍ସ, ୭ ୱିକେଟ୍‌ରେ ହାରିଲା ମୁମ୍ବାଇ ଇଣ୍ଡିଆନ୍ସ
  • ||
  • ଝଲସୁଛି ଉତ୍କଳ ବିଶ୍ୱବିଦ୍ୟାଳୟ, ୫୩ତମ ସମାବର୍ତ୍ତନ ଉତ୍ସବରେ ଯୋଗଦେବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ
  • ||
  • ରାଜ୍ୟର ୫ ଜିଲ୍ଲାରେ ହାଲୁକା ବର୍ଷା ସମ୍ଭାବନା, ଉପକୂଳ ଓଡ଼ିଶାରେ ବଢ଼ିବପାରେ ତାତି
  • ||

ସୁନ୍ଦରଗଡ଼ର ନାବାଳିକା ରାଜସ୍ଥାନରୁ ଉଦ୍ଧାର: ୮ ମାସର ଗର୍ଭବତୀ ଥିବା ସୂଚନା

ସମ୍ବଲପୁର,୭ା୨(ବ୍ୟୁରୋ): ଦୀର୍ଘ ୨ ବର୍ଷ ତଳେ ସୁନ୍ଦରଗଡ଼ ଜିଲ୍ଲାର ଲାଠିକଟା ଅଞ୍ଚଳର ଜଣେ ନାବାଳିକା ରାଜସ୍ଥାନରେ ବିକ୍ରି ହୋଇଥିବା ବେଳେ ତାକୁ ଉଦ୍ଧାର ପାଇଁ ସବୁ ଦୁଆରୁ ପିତା ନିରାଶ ହୋଇଥିଲେ । ହେଲେ ଶେଷରେ ଆଜି ଦିଲ୍ଲୀ ମହିଳା କମିସନ ଅଭିଯୋଗ ପାଇବାର ଦିନକ ମଧ୍ୟରେ ଉକ୍ତ ନାବାଳିକାକୁ ରାଜସ୍ଥାନରୁ ଉଦ୍ଧାର କରିବାରେ ସଫଳ ହୋଇଛି । ଉକ୍ତ ନାବାଳିକା ଯୌନ ଶୋଷଣର ଶିକାର ହୋଇ ବର୍ତ୍ତମାନ ୮ ମାସର ଗର୍ଭବତୀ ଥିବା ଜଣାପଡ଼ିଛି । ସେପଟେ ଦିଲ୍ଲୀ ମହିଳା କମିଶନ ଏହି ଘଟଣାକୁ ନେଇ ପରୋକ୍ଷରେ ଓଡ଼ିଶା ପୁଲିସ ପ୍ରଶାସନକୁ ଭର୍ତ୍ସନା କରିଛନ୍ତି ।
ସୂଚନାଯୋଗ୍ୟ, ଲାଠିକଟା ଅଞ୍ଚଳର ଆଦିବାସୀ ସଂପ୍ରଦାୟର ଜଣେ ୧୪ ବର୍ଷର ନାବାଳିକାକୁ ତାର ଭିଣୋଇ ଚନ୍ଦ୍ର ମଣ୍ଡଳ ୪ ଲକ୍ଷ ଟଙ୍କାରେ ରାଜସ୍ଥାନର କିଶନ ଅଗ୍ରୱାଲ ନାମକ ଜଣେ ବ୍ୟକ୍ତି ପାଖରେ ବିକ୍ରି କରିଥିଲା । ଚାକିରି ଆଶାରେ ଯାଇଥିବା ଉକ୍ତ ନାବାଳିକା ପ୍ରଥମ ଦିନରୁ ହିଁ ଯୌନ ଶୋଷଣର ଶିକାର ହୋଇଥିଲେ । ମଝିରେ ମଝିରେ ସୁଯୋଗ ଦେଖି ନିଜ ପିତାଙ୍କୁ ଫୋନ୍‌ କରି ଉଦ୍ଧାର ପାଇଁ ଆକୁଳ ନିବେଦନ କରୁଥିଲେ ।
ଏନେଇ ଥାନାରେ ଉକ୍ତ ନାବାଳିକାର ବାପା ଅଭିଯୋଗ କରିବା ପରେ ପୁଲିସ ମାମଲା ରୁଜୁ କରି ନିରବ ବସିଗଲା । ନାବାଳିକାର ବାପା ୨ ବର୍ଷ ଧରି ନିଜ ଝିଅର ଉଦ୍ଧାର ପାଇଁ ପୁଲିସ ପ୍ରଶାସନର ସବୁ ଦୂଆରେ ନେହୁରା ହୋଇ ନିରାଶ ହୋଇଥିଲେ । ଏପରିକି ପଡ଼ୋଶୀ ଝାରସୁଗୁଡ଼ା ଜିଲ୍ଲାକୁ ଆସି ବି କାଳେ କୌଣସି ସହଯୋଗ ମିଳିବ ବୋଲି ଗୁହାରୀ କରିଥିଲେ । ତଥାପି କୌଣସି ସୁଫଳ ମିଳିନଥିଲା । ଦିନ ମଜୁରିଆ ଭାବେ କାମ କରୁଥିବା ନାବାଳିକାର ବାପା କୌଣସିମତେ ଅର୍ଥ ଯୋଗାଡ଼ କରି ଦୁଇ ଦିନ ତଳେ ଦିଲ୍ଲୀକୁ ଯାଇ ଦିଲ୍ଲୀ ମହିଳା କମିଶନଙ୍କ ଆଗରେ ଅଭିଯୋଗ କରିଥିଲେ ।
ତାଙ୍କ ଅଭିଯୋଗ ପାଇବା ପରେ କମିସନ ଅଧ୍ୟକ୍ଷା ସ୍ୱାତୀ ମାଲିୱାଲ ନିଜେ ତାଙ୍କ ପରିସୀମା ବାହାର ରାଜ୍ୟରେ ହେବା ସତ୍ତେ୍ୱ ଆଜି ଗୋଟିଏ ଦିନରେ ରାଜସ୍ଥାନରୁ ଉକ୍ତ ନାବାଳିକାକୁ ଉଦ୍ଧାର କରିବାରେ ସଫଳ ହୋଇଛନ୍ତି । ଏହାଛଡ଼ା ସେଠାରେ କଏଦ୍‌ ଥିବା ଆଉ କିଛି ଯୁବତୀଙ୍କୁ ମଧ୍ୟ ଉଦ୍ଧାର କରିଛନ୍ତି । ଉଦ୍ଧାର ହୋଇଥିବା ଲାଠିକଟାର ଏହି ନାବାଳିକା ବର୍ତ୍ତମାନ ୮ ମାସର ଗର୍ଭବତୀ ଥିବା ଜଣାପଡ଼ିଛି । ଏନେଇ ସ୍ୱାତୀ ଟ୍ୱିଟର୍‌ରେ ଓଡ଼ିଶା ପୁଲିସ ପ୍ରଶାସନକୁ ତୀବ୍ର ଭର୍ତ୍ସନା କରିଛନ୍ତି । ଯଦି ଗୋଟିଏ ଦିନରେ ହିଁ କମିସନଙ୍କ ଏରିଆ ବାହାରେ ଥିବା ନାବାଳିକା ଉଦ୍ଧାର ହୋଇପାରିଲା ତା’ହେଲେ ଦୀର୍ଘ ୨ ବର୍ଷ ଧରି କାହିଁକି କୌଣସି ପଦକ୍ଷେପ ନିଆଯାଇନଥିଲା ବୋଲି ସ୍ୱାତୀ ପ୍ରଶ୍ନ କରି ଉଦ୍‌ବେଗ ପ୍ରକାଶ କରିଛନ୍ତି ।
ସେପଟେ, ମିଳିଥିବା ସୂଚନା ଅନୁଯାୟୀ, ରାଉରକେଲା ପୁଲିସ ମାମଲାର ତଦନ୍ତ ପାଇଁ କେବଳ ନିଷ୍କ୍ରିୟତା ପ୍ରକାଶ କରିନାହିଁ, ବରଂ ମାମଲାକୁ ସ୍ଥାୟୀ ଭାବେ ଚପାଇ ଦେବା ପାଇଁ ଫାଇଲ୍‌ ବନ୍ଦ କରି ଦେଇଥିବା ଅଭିଯୋଗ ହୋଇଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.