ଏବେ ହାଫିଜ ସଇଦ ଓ ଆଝାର ବିରୋଧରେ ହେଉ କାର୍ଯ୍ୟାନୁଷ୍ଠାନ: ଓଓ୍ବେସୀ
ନୂଆଦିଲ୍ଲୀ,୨୬।୨: ପୁଲଓ୍ବାମା ଆତଙ୍କବାଦୀ ଆକ୍ରମଣ ପରେ ସାରାଦେଶ ପାକିସ୍ତାନ ବିରୋଧରେ ରହିଛି। ଭାରତୀୟ ବାୟୁସେନାର ସର୍ଜିକାଲ ଷ୍ଟ୍ରାଇକ୍ କରି ପାକିସ୍ତାନରେ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦର କ୍ୟାମ୍ପ ଏବଂ ଲଞ୍ଚ ପ୍ୟାଡ୍ ଧ୍ବଂସ କରିଦେଇଛି। ଏହି ଘଟଣା ପରେ ଏଆଇଏମଆଇଏମର ନେତା ଅସଦୁଦ୍ଦିନ ଓଓ୍ବେସୀ ଏହାର ପ୍ରଶଂସା କରିଛନ୍ତି। ଏହାକୁ ନେଇ ସେ କହିଛନ୍ତି ପୁଲଓ୍ବାମା ଆକ୍ରମଣର ୨-୩ ଦିନ ଭିତରେ ଏଭଳି ପ୍ରତିକ୍ରୀୟ ଆଶା କରୁଥିଲି। ମୁଁ ଏହାକୁ ସ୍ବାଗତ କରୁଛି। ମୁଁ ସରକାରଙ୍କ ସହ ରହିଛି। ଯଦିଓ ବିଦେଶୀ ପ୍ରତିପକ୍ଷ ଏହାକୁ ବେଆଇନ ସେନା କାର୍ଯ୍ୟାନୁଷ୍ଠାନ କହୁଛି କିନ୍ତୁ ଏହା ଏଭଳି ଏକ ପଦକ୍ଷେପ ଯାହାର ଆଶା ମୁଁ କରୁଥିଲି। ମୋତେ ଲାଗୁଥିଲା ସରକାରଙ୍କୁ ଏଥିରେ ସମୟ ଲାଗିବ। ଏବେ ମୋର ଆଶା ସରକାର ମାସୁଦ ଆଝାର ଓ ହାଫିଜ ସଇଦ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ।
