PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜସ୍ଥାନରେ ବାୟୁସେନାର ବିମାନ କ୍ରାସ୍‌: ଖସିବା ମାତ୍ରେ ଲାଗିଲା ନିଆଁ, ପ୍ରଚଣ୍ଡ ଶବ୍ଦରେ ଥରି ଉଠିଲା ପୁରା ଗାଁ
  • ||
  • ଧାନବାଦ: ହସ୍ପିଟାଲରେ ଭୀଷଣ ଅଗ୍ନିକାଣ୍ଡ ଯୋଗୁଁ ଡାକ୍ତର ଦମ୍ପତ୍ତିଙ୍କ ସହ ୬ ମୃତ, ଅଳ୍ପକେ ଉଦ୍ଧାର ହେଲେ ରୋଗୀ
  • ||
  • ମଧ୍ୟପ୍ରଦେଶରେ ବାୟୁସେନାର ଯୁଦ୍ଧ ବିମାନ ସୁଖୋଇ ଓ ମିରାଜ ୨୦୦୦ ଦୁର୍ଘଟଣାଗ୍ରସ୍ତ
  • ||

ଖାଦ୍ୟ ସୁରକ୍ଷା ବିଭାଗ ପକ୍ଷରୁ ଚଢାଉ, ନିମ୍ନ ମାନର ଖାଦ୍ୟ ପରସିବା ଅଭିଯୋଗରେ ହୋଟେଲ ସ୍ୱାଗତର ରେଷ୍ଟୁରାଣ୍ଟ ବନ୍ଦ

ମାଲକାନଗିରି,୯।୧୨(ଆପ୍ର):ଖାଦ୍ୟ ସୁରକ୍ଷା ବିଭାଗ ପକ୍ଷରୁ ଆଜି ସନ୍ଦ୍ୟାରେ ମାଲକାନଗିରି ସହରର ଏକ ପ୍ରସିଦ୍ଧ ହୋଟେଲ ସ୍ୱାଗତର ରେଷ୍ଟୁରାଣ୍ଟ ଉପରେ ଚଡଉ କରାଯାଇଛି। ନିମ୍ନ ମାନର ବାସୀ ଖାଦ୍ୟ ପରସିବା ଅଭିଯୋଗରେ ହୋଟେଲ ସ୍ୱାଗତର ରେଷ୍ଟୁରାଣ୍ଟକୁ ବନ୍ଦ କରାଯାଇ କୈଫିୟତ ମଗା ଯାଇଥିବାର ଜିଲ୍ଲା ଖାଦ୍ୟ ସୁରକ୍ଷା ଅଧିକାରୀ ପ୍ରଭାଶ କୁମାର ସେଠୀ କହିଛନ୍ତି। ମାଲକାନଗିରି ଜିଲ୍ଲାର ଷ୍ଟାର ହୋଟେଲ ସ୍ୱାଗତ । ଯେଉଁଠି ଦିର୍ଘ ଦିନ ଧରି ଗ୍ରାହକ ମାନଙ୍କୁ କଞ୍ଚା ଓ ପଚା ଖାଦ୍ୟ ଦେବାର ବାରମ୍ବାର ଅଭିଯୋଗ ହୋଇ ଆସୁଥିଲା । ଆଜି କିଛି ଗ୍ରାହକ ଙ୍କ ଅଭିଯୋଗ ପାଇବା ପରେ ମାଲକାନଗିରି ଜିଲ୍ଲା ଖାଦ୍ୟ ସୁରକ୍ଷା ଅଧିକାରୀ ଏକ ଟିମ କୁ ନେଇ ପହଁଛି ଥିଲେ ହୋଟେଲ ସ୍ୱାଗତରେ । ଯେଉଁଠି ରେଫ୍ରିଜେଟରରେ ପୁରୁଣା ବାସୀଖାଦ୍ୟ ରଖା ଯାଇ ଗ୍ରାହକଙ୍କୁ ପରସୁଥିବା ଦେଖିବାକୁ ପାଇଥିଲେ । ଏହା ପରେ ଆଇନ ଅନୁଯାୟୀ ତୁରନ୍ତ କାର୍ଯ୍ୟନୁଷ୍ଠାନ ମଧ୍ୟ ଗ୍ରହଣ କରିଥିଲେ ।

ଖାଦ୍ୟ ସୁରକ୍ଷା ଅଧିକାରୀଙ୍କ ନିକଟରେ ହୋଟେଲ କର୍ମଚାରୀ ମାନେ ନିଜ ଭୁଲ ସ୍ୱୀକାର କରିଥିବା ବେଳେ ପୂର୍ବରୁ ମଧ୍ୟ ନିମ୍ନ ମାନର ଖାଦ୍ୟ ଲୋକଙ୍କୁ ପ୍ରଦାନ କରାଯିବାର ଅଭିଯୋଗ ହୋଇଥିବା ବେଳେ ଖାଦ୍ୟ ସୁରକ୍ଷା ବିଭାଗ ପକ୍ଷରୁ ମଧ୍ୟ ହୋଟେଲ ସ୍ୱାଗତର ରେଷ୍ଟୁରାଣ୍ଟକୁ ନୋଟିସ କରଯାଇଥିଲା। ଖାଦ୍ୟ ସୁରକ୍ଷା ବିଭାଗ କୁ ହୋଟେଲ ସ୍ୱାଗତ ପକ୍ଷରୁ କୌଣସି ଉତ୍ତର ଦିଆଯାଇ ନଥିବାରୁ ଏହାକୁ ଦେଖି ପୂର୍ବରୁ ପାଞ୍ଚ ହଜାର ଟଙ୍କାର ଜୋରିମାନା ହୋଟେଲ ସ୍ୱାଗତକୁ ମଧ୍ୟ କରା ଯାଇଥିଲା ତେବେ ଚଳିତ ଥର କିନ୍ତୁ ସେକ୍ସସନ୫୫ ଓ୫୬ ଅନୁସାରେ ନୋଟିସ କରାଯାଇ ହୋଟେଲ ସ୍ୱାଗତକୁ ବନ୍ଦ କରାଯାଇଛି । ତେବେ ବିଭାଗ ପକ୍ଷରୁ ନୋଟିସ ପାଇବା ପରେ ହୋଟେଲ କର୍ତ୍ତୃପକ୍ଷ ତୁରନ୍ତ ଖାଦ୍ୟ ସୁରକ୍ଷା ବିଭାଗ ନିକଟରେ ହାଜିର ନ ହେଲେ ଆଇନ ଅନୁଯାୟୀ ଦୁଇ ଲକ୍ଷ ଟଙ୍କାର ଫାଇନ ସହ ଅନଦିଷ୍ଟ ସମୟ ଲାଗି ହୋଟେଲ ସ୍ୱାଗତର ରେଷ୍ଟୁରାଣ୍ଟକୁ ବନ୍ଧ କରି ଦିଆଯିବ ବୋଲି ଖାଦ୍ୟ ସୁରକ୍ଷା ଅଧିକାରୀ ସୂଚନା ଦେଇଛନ୍ତି ।