PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦୁଝର ସଦର : କେନ୍ଦୁଝର ଜିଲ୍ଲା ସଦର ଥାନା ସୁଆକାଠି ନିକଟରୁ ଦୁଇଟି ବଳଦ ବୋଝେଇ ଗାଡ଼ି ଜବତ
  • ||
  • କଣ୍ଟାବାଞ୍ଜି : ପ୍ରାଥମିକ ବିଦ୍ୟାଳୟର ତାଲା ଭାଙ୍ଗି ଲୁଟ୍
  • ||

ଅଜ୍ଞାତ ବ୍ୟକ୍ତିଙ୍କ ବିରୋଧରେ ଏଫ୍ଆଇଆର୍ ଦାଖଲ କଲା ଟି-ସିରିଜ୍, ଭୂଷଣ କୁମାରଙ୍କୁ ବଦନାମ କରିବାକୁ ଷଡଯନ୍ତ୍ର

ମୁମ୍ବାଇ ୨୧/୧୧: ଟି-ସିରିଜ୍ କିଛି ଅଜ୍ଞାତ ବ୍ୟକ୍ତିଙ୍କ ବିରୋଧରେ ଜାଲିଆତି ଏବଂ ଠକେଇ ଅଭିଯୋଗ କରିଛି। ତାଙ୍କ କହିବାର କଥା, ଏହି ଲୋକମାନେ ଟି-ସିରିଜ୍ ପରିଚାଳନା ନିର୍ଦ୍ଦେଶକ ଭୂଷଣ କୁମାରଙ୍କୁ ବଦନାମ କରିବାକୁ ଚେଷ୍ଟା କରୁଛନ୍ତି। ଏହି ମାମଲାରେ ଟି-ସିରିଜ୍ ଅଭିଯୁକ୍ତଙ୍କ ବିରୋଧରେ ଏଫ୍ଆଇଆର୍ ଦାଖଲ କରିଛି।

ଟି-ସିରିଜ୍ କହିଛି, ବିଦେଶୀ ଫୋନ୍ ନମ୍ବର ଏବଂ ଅନ୍ୟାନ୍ୟ ନମ୍ବର ବ୍ୟବହାର କରି ଅଭିଯୁକ୍ତ ନିଜକୁ ଭୂଷଣ କୁମାରଙ୍କ ଦର୍ଶାଇ ଅନେକ ଲୋକଙ୍କ ନିକଟରେ ପହଞ୍ଚି ମିଥ୍ୟା କଥା କହିଛି। ତେବେ ଭୂଷଣ କୁମାରଙ୍କୁ ବ୍ୟକ୍ତିଗତ ଭାବେ ଜାଣିଥିବା ଲୋକମାନେ ତୁରନ୍ତ ସେହି ଠକମାନଙ୍କୁ ଏଡାଇ ଦେଇଛନ୍ତି ଏବଂ ଭୂଷଣ କୁମାରଙ୍କୁ ଏହା ବିଷୟରେ ଜଣାଇଛନ୍ତି। ଟି-ସିରିଜ୍ ଏ ବିଷୟରେ ଜାଣିବା ମାତ୍ରେ ତୁରନ୍ତ ଅଭିଯୁକ୍ତଙ୍କ ବିରୋଧରେ ଏଫ୍ଆଇଆର୍ ଦାଖଲ କରିଛି। ବର୍ତ୍ତମାନ ପୋଲିସ ଏହି ଘଟଣାର ତଦନ୍ତ କରୁଛି।

ଟି-ସିରିଜ୍ କହିଛି, ଭୂଷଣ କୁମାରଙ୍କଠାରୁ ପ୍ରତିଶୋଧ ନେବା ଏବଂ ତାଙ୍କୁ ବଦନାମ କରିବା ପାଇଁ ଏସବୁ କରାଯାଉଛି। ଏହି ପ୍ରକାର କାମ କରୁଥିବା ଲୋକଙ୍କ ଉପରେ ଉପଯୁକ୍ତ କାର୍ଯ୍ୟ କରାଯିବ। ଏହି ଘଟଣାଗୁଡ଼ିକରେ ଭୂଷଣ କୁମାରଙ୍କର କୌଣସି ଭୂମିକା ନାହିଁ ବୋଲି ଟି-ସିରିଜ୍ ସ୍ପଷ୍ଟ କରିଛି। ସେ କହିଛି, ଯଦି କେହି ଆପଣଙ୍କ ସହିତ ଏହି ଉପାୟରେ ଯୋଗାଯୋଗ କରନ୍ତି, ତେବେ ସେମାନଙ୍କ ସହିତ କୌଣସି ପ୍ରକାର ବାର୍ତ୍ତାଳାପ କିମ୍ବା କାରବାରରେ ଜଡିତ ହେବେ ନାହିଁ।