ପ୍ରମୂଖ ଖବର
  • ଭୁବନେଶ୍ୱର: ୧୯ରେ ବିଜେଡି ବିଧାୟକ ଦଳ ବୈଠକ, ଅଧକ୍ଷତା କରିବେ ସୁପ୍ରିମୋ ନବୀନ ପଟ୍ଟନାୟକ
  • ||
  • ଦାର୍ଜିଲିଂରେ ଭୟଙ୍କର ଟ୍ରେନ୍ ଦୁର୍ଘଟଣା, ଏକ୍ସପ୍ରେସ୍ ଟ୍ରେନ୍‌କୁ ପଛ ପଟୁ ଧକ୍କା ଦେଲ ମାଲବାହୀ ଟ୍ରେନ୍, ୮ ଯାତ୍ରୀ ମୃତ, ୨୦ରୁ ଅଧିକ ଆହତ
  • ||
  • ନୀଳଗିରି: ରଜ ଉତ୍ସବରେ ଅଘଟଣ।ଝାଡ଼ାବାନ୍ତି ରେ ୯ ଗୁରୁତର ,୨ ଅସୁସ୍ଥ
  • ||
  • ଶ୍ରୀମନ୍ଦିରରେ ମହାପ୍ରଭୁଙ୍କ ରାଜେନ୍ଦ୍ରାଭିଷେକ ନୀତି, ମଙ୍ଗଳବାର ଋକ୍ମିଣୀ ବିବାହ ଉତ୍ସବ
  • ||
  • ସରିଲା ଗ୍ରୀଷ୍ମ ଛୁଟି, କାଲିଠୁ ଖୋଲିବ ସ୍କୁଲ: ଶିକ୍ଷକ ଆସି କରିବେ ସମସ୍ତ ବ୍ୟବସ୍ଥା
  • ||
  • ନୂଆପଡା ଲଛିପୁର ଛକରେ ଟ୍ରାକ୍ଟର୍କୁ ପିଟିଲା କାର, ମର୍ମନ୍ତୁଦ ଦୁର୍ଘଟଣାରେ ଚାଲିଗଲା ୪ ଜୀବନ
  • ||
  • ନାକେଦମ୍‌ କଲାଣି ଭୀଷଣ ତାତି ସାଙ୍ଗକୁ ଗୁଳୁଗୁଳି: ଆଗଉନି ମୌସୁମୀ, ବର୍ଷା ଗାଏବ
  • ||

ତମିଲନାଡ଼ୁ ବିଜେପିକୁ ବଡ଼ ଝଟ୍‌କା, ଆଇଟି ୱିଙ୍ଗର ୧୩ ପଦାଧିକାରୀ ଛାଡ଼ିଲେ ଦଳ

ଚେନ୍ନାଇ: ତମିଲନାଡ଼ୁ ବିଜେପିକୁ ବଡ଼ ଝଟ୍‌କା। ଚେନ୍ନାଇ ପଶ୍ଚିମରେ ଆଇଟି ୱିଙ୍ଗର ୧୩ ଜଣ ପଦାଧିକାରୀ ଏକାସହ ଦଳ ଛାଡ଼ିଛନ୍ତି। ଏହି ଇସ୍ତଫାକୁ ନେଇ ଆଇଟି ୱିଙ୍ଗର ୧୩ ଜଣ ପଦାଧିକାରୀ ବୟାନ ଜାରି କରିଛନ୍ତି। ଏଥିରେ ୧୦ ଜିଲ୍ଲା ସଚିବ ଓ ୨ ଜିଲ୍ଲା ଉପସଚିବଙ୍କ ହସ୍ତାକ୍ଷର ରହିଛି। ଏନେଇ ଆଇଟି ୱିଙ୍ଗର ଜିଲ୍ଲାଧ୍ୟକ୍ଷ ଅନବରାସନ କହିଛନ୍ତି ଯେ ବର୍ଷ ବର୍ଷ ଧରି କାମ କରିସାରିବା ପରେ ମଧ୍ୟ ଦଳରେ ଅସାମାନ୍ୟ ସ୍ଥିତି ଜାରି ରହିଛି। ଏଥିପାଇଁ ଆମେ ଇସ୍ତଫା ଦେଇଛୁ।

ଖବର ସରବରାହ ସଂସ୍ଥା ଏଏନଆଇକୁ ପ୍ରତିକ୍ରିୟା ଦେଇ ଅନବରାସନ କହିଛନ୍ତି, ‘ମୁଁ ଅନେକ ବର୍ଷ ଧରି ବିଜେପି ପାଇଁ କାମ କରିଛି। ଲୋକମାନେ ଜାଣିଛନ୍ତି, ମୁଁ କେବେ କୌଣସି ପଦ ପାଇଁ ଆଶାୟୀନଥିଲି। ଗତ କିଛି ଦିନ ହେବ ଦଳରେ ଅସାମାନ୍ୟ ସ୍ଥିତି ଦେଖି ଇସ୍ତଫା ଦେଇଛି।’ ଏହି ବୟାନ ଉପରେ ଅନ୍ୟ ପଦାଧିକାରୀଙ୍କ ମଧ୍ୟ ହସ୍ତାକ୍ଷର ରହିଛି।

ଏହାରି ଭିତରେ ତାମିଲନାଡ଼ୁ ରାଜନୀତିରେ ବିଜେପି ଓ ଏଆଇଏଡିଏମକେ ମଧ୍ୟରେ ବୟାନବାଜୀ ଆରମ୍ଭ ହୋଇଛି। ବିଜେପିର କିଛି ପଦାଧିକାରୀ ଏଆଇଏଡିଏମକେରେ ସାମିଲ ହେବା ପରେ ତାମିଲନାଡ଼ୁ ବିଜେପି ରାଜ୍ୟ ଅଧ୍ୟକ୍ଷ ଅନ୍ନାମଲାଇଙ୍କ ପ୍ରତିକ୍ରିୟା ସାମ୍ନାକୁ ଆସିଛି। ସେ କହିଛନ୍ତି ଯେ ଇସ୍ତଫା ଦେଇଥିବା ନେତାମାନେ ବିଜେପିରେ ମିଶିବା ସମାନ ରାଜ୍ୟରେ ବିଜେପି ଆଗକୁ ବଢ଼ୁଛି। ଅନ୍ୟପଟେ ଏଆଇଏଡିଏମକେ ଏହାର ଜବାବ ରଖିଛି। ଦଳ କହିଛି, ୨୦୨୧ରେ ବିଜେପି ବିଧାୟକଙ୍କ ବିଜୟ ଏଆଇଏଡିଏମକେ ପାଇଁ ହୋଇଛି। କାରଣ ଏହା ପୂର୍ବରୁ ସେମାନଙ୍କୁ ନୋଟା ଠାରୁ ମଧ୍ୟ କମ ଭୋଟ ମିଳିଥିଲା।

ରାଜ୍ୟ ବିଜେପି ଅଧ୍ୟକ୍ଷ ଅନ୍ନାମଲାଇ କହିଛନ୍ତି, ବିଜେପିର ପ୍ରାୟ ୪ ଜଣ ନେତା ଏଆଇଏଡିଏମକେରେ ସାମିଲ ହୋଇଛନ୍ତି। ଏହା ରାଜ୍ୟ ପାଇଁ ଏକ ଦୁର୍ଭାଗ୍ୟପୂର୍ଣ୍ଣ ବିଷୟ। ଏଠାକାର ଦ୍ରାବିଡ଼ ନେତାମାନେ ଭାବୁଛନ୍ତି, ସେମାନେ ବଡ଼ ପାର୍ଟି ଚଳାଉଛନ୍ତି। ବିଜେପିକୁ ସୁବିଧାରେ ଶିକାର କରିବାକୁ ଚାହୁଁଛନ୍ତି ଏବଂ ନିଜ ଦଳର ବିକାଶ ପାଇଁ ଚାହୁଁଛନ୍ତି। ଏହାର ଅର୍ଥ ତାମିଲନାଡ଼ୁରେ ବିଜେପି ଆଗକୁ ବଢ଼ୁଛି। 

ଇରୋଡ଼ ଉପନିର୍ବାଚନ ସମୟରେ ମଧ୍ୟ ବିଜେପି ଓ ଏଆଇଏଡିଏମକେ ମଧ୍ୟରେ ବାକ ଯୁଦ୍ଧ ଦେଖିବାକୁ ମିଳିଥିଲା। ଯେଉଁଥିରେ ଏଆଇଏଡିଏମକେ କହିଥିଲା ଯେ ବିଜେପିର ଆଭ୍ୟନ୍ତରୀଣ ପ୍ରସଙ୍ଗରେ କୌଣସି ଭୂମିକା ନାହିଁ। ଏବେ ପୁଣି ଏହା ଚର୍ଚ୍ଚାର ବିଷୟ ପାଲଟିଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.