ନୂଆଦିଲ୍ଲୀ,୧।୩: ଭାରତୀୟ ବାୟୁସେନାର ଇତିହାସରେ ଯୋଡି ହେଲା ନୂଆ ଅଧ୍ୟାୟ। ଫ୍ଲାଇଂ ଅଫିସର ତନୁଷ୍କା ସିଂହ ରଚିଲେ ଇତିହାସ। ଜାଗୁଆର ଫାଇଟର ଜେଟ୍ ସ୍ବାର୍ଡନ୍ରେ ନିଯୁକ୍ତ ହୋଇଥିବା ପ୍ରଥମ ମହିଳା ପାଲଇଟ୍ ଭାବରେ ଅର୍ଜନ କଲେ ଗୌରବ। ଏହା ତାଙ୍କର କେବଳ ବ୍ୟକ୍ତିଗତ ଉପଲବ୍ଧି ନୁହେଁ, ବଂର ଭାରତୀୟ ବାୟୁସେନାରେ ମହିଳାଙ୍କ ବଢୁଥିବା ଭାଗିଦାରୀର ବଡ ସଙ୍କେତ।
ଇତିହାସ ରଚିଲେ ଭାତୀୟ ମହିଳା ପାଇଲଟରଙ୍କ ତନୁଷ୍କା ସିଂହ। ଏବେ ଉଡାଇବେ ଫାଇଟର ଜେଟ୍ ଜାଗୁଆର। ତାଙ୍କ ଏହି ସଫଳତା ଅନେକ ମହିଳାଙ୍କ ସ୍ବପ୍ନ ପୂରଣ କରିବା ଦିଗରେ ବଡ଼ ପଦକ୍ଷେପ। ତନୁଷ୍କାଙ୍କ ବିଷୟରେ ଯଦି କଥା ହେବା ତେବେ ତାଙ୍କର ପୁରା ପରିବାର ଦେଶ ସେବାରେ ନିଜକୁ ଉତ୍ସର୍ଗୀକୃତ କରିଛନ୍ତି। ତାଙ୍କ ବାପା ଓ ଜେଜେ ବାପା ନିଜର ସେବା ଦେଇସାରିଛନ୍ତି। ଏହି କାରଣରୁ ତାଙ୍କ ଭିତରେ ପିଲାବେଳୁ ରାଷ୍ଟ୍ରସେବାର ମନୋଭାବ ରହିଛି। ପିଲାବେଳୁ ସେନାରେ ଯିବାର ଖୁବ୍ ଇଛା ଥିଲା। କିନ୍ତୁ ପରେ ବାୟୁସେନାରେ ଯୋଗ ଦେଇଥିଲେ। ତାମିଲନାଡୁର ଡୁଡିଗଲ ଏୟାରଫୋର୍ସ ଏକାଡେମୀରେ କଡା ଟ୍ରେନିଂ ପରେ ହକ୍ ଏମ୍କେ ୧୩୨ ବିମାନ ଉଡାଣ ନେଇ ସ୍ବତନ୍ତ୍ର ପ୍ରଶିକ୍ଷଣ ନେଇଥିଲେ। ଯଦିଓ କିଛି ମହିଳା ପାଇଲଟ୍ ଟ୍ରେନିଂ ବେଳେ ଜାଗୁଆର ଫାଇଟର ଜେଟ୍ ଚଳାଇଥିଲେ, କିନ୍ତୁ ଫ୍ଲାଇଂ ଅଫିସର ତନୁଷ୍କାଙ୍କୁ ଏହି ସ୍ବାର୍ଡନ୍ରେ ସାମିଲ କରାଯାଇଥିଲା। ଏହି ଯୁଦ୍ଧ ବିମାନ ଭାରତୀୟ ବାୟୁସେନାରେ ନିଜର ଟାକ୍ଟିକାଲ ଷ୍ଟ୍ରାଇକ୍ କ୍ଷମତା ଓ ନିଜର ସଠିକ୍ ଆକ୍ରମଣର ଶକ୍ତି ପାଇଁ ଜଣାଯାଏ।
