ନୂଆଦିଲ୍ଲୀ,୩୧/୦୩; ରାଜନୈତିକ ମହଲରୁ ଏବେ ବଡ଼ ଖବର ସାମ୍ନାକୁ ଆସୁଛି । ପ୍ରସିଦ୍ଧ ପୂର୍ବତନ ଟେନିସ୍ ଖେଳାଳି ଲିଆଣ୍ଡର ପେସ୍ ବିଜେପିରେ ଯୋଗ ଦେଇଛନ୍ତି । କେନ୍ଦ୍ର ମନ୍ତ୍ରୀ କିରେନ ରିଜିଜୁ ଏବଂ ସୁକାନ୍ତ ମଜୁମଦାରଙ୍କ ଉପସ୍ଥିତିରେ ଦଳରେ ସାମିଲ ହୋଇଛନ୍ତି । ପଶ୍ଚିମବଙ୍ଗ ରାଜନୀତି ପୂର୍ବରୁ ବିଜେପି ଶିବିରରେ ସାମିଲ ହୋଇଛନ୍ତି ପୂର୍ବତନ ଟେନିସ ଖେଳାଳି । ଦିଲ୍ଲୀ ବିଜେପି ମୁଖ୍ୟାଳୟରେ ଦଳରେ ସାମିଲ ହୋଇଛନ୍ତି ଲିଆଣ୍ଡର ପେସ୍ । ଲିଆଣ୍ଡର ନିକଟରେ ପଶ୍ଚିମବଙ୍ଗ ଗସ୍ତ ସମୟରେ ବିଜେପି ଅଧ୍ୟକ୍ଷ ନୀତିନ ନବୀନଙ୍କୁ ଭେଟିଥିଲେ । ଏହି ସାକ୍ଷାତ ସମୟରେ ସୌମିକ ଭଟ୍ଟାଚାର୍ଯ୍ୟ ମଧ୍ୟ ଉପସ୍ଥିତ ଥିଲେ।​​​​​​​୧୯୯୬ରେ ଆଣ୍ଟ୍ରାଟିକା ଅଲମ୍ପିକ୍ସରେ ୪୪ ବର୍ଷ ପରେ ଭାରତ ପାଇଁ ଟେନିସରେ ପ୍ରଥମ ପଦକ ଜିତିଥିଲେ । ଐତିହାସିକ ବ୍ରୋଞ୍ଚ ପଦକ ଜିତି ଦେଶ ପାଇଁ ଗର୍ବ ଓ ଗୌରବ ଆଣିଥିଲେ ।

​​​​​​​ଲିଆଣ୍ଡର ପେସ ବିଜେପିରେ ଯୋଗ ଦେବାକୁ ନେଇ କେନ୍ଦ୍ର ମନ୍ତ୍ରୀ କିରେନ ରିଜିଜୁ କହିଛନ୍ତି, ଲିଜେଣ୍ଡ ଲିଆଣ୍ଡର ପେସଙ୍କ ପରିଚୟ ଦେବାର କୌଣସି ଆବଶ୍ୟକତା ନାହିଁ । ଲିଆଣ୍ଡର ପେସ୍ ବିଜେପିରେ ଯୋଗଦେବାରୁ ଏହା ଉତ୍ସବ ପାଳନ କରିବାର ଏକ ମୁହୂର୍ତ୍ତ । ମୁଁ ସ୍ପଷ୍ଟ ଭାବରେ ଅନୁମାନ କରୁଛି ଯେ ଆପଣ ବିଜେପି ପ୍ଲାଟଫର୍ମରେ ଏକ ବଡ଼ ଇନିଂସ ଖେଳିବେ । ଆପଣଙ୍କ ବିଜେପିରେ ଯୋଗଦାନ ଖେଲୋ ଇଣ୍ଡିଆ ଆନ୍ଦୋଳନକୁ ଆହୁରି ଗତି ଦେବ । ଭାରତୀୟ ଜନତା ପାର୍ଟି ପରିବାରରେ ଲିଆଣ୍ଡର ପେସଙ୍କ ଏଣ୍ଟ୍ରୀ ଐତିହାସିକ । ପ୍ରଧାନମନ୍ତ୍ରୀ ଖେଳ ଏବଂ ଖେଳାଳିଙ୍କ ପାଇଁ ୧୨ ହେବ ଯାହା କରିଛନ୍ତି ସେଥିରୁ ଅନୁପ୍ରାଣିତ ହୋଇ ଆଜି ଲିଆଣ୍ଡର ପେସ୍ ଆମ ଗହଣରେ ଅଛନ୍ତି । ଭାରତୀୟ ଜନତା ପାର୍ଟିର ସଦସ୍ୟ  ହୋଇଛନ୍ତି । "

​​​​​​​#WATCH | Delhi: Former ace Tennis star Leander Paes joins the BJP, in the presence of Union Ministers Kiren Rijiju and Sukanta Majumdar. pic.twitter.com/qIDW1OovWz