ଶ୍ରୀନଗର,୮।୩:  ଗତକାଲି ଜମ୍ମୁର ମୁଖ୍ୟ ବସ ଷ୍ଟାଣ୍ଡରେ ହୋଇଥିବା ଗ୍ରେନେଡ ବିସ୍ଫୋରଣ ଘଟଣାରେ ଜଣେ ୧୫ ବର୍ଷୀୟ ନାବାଳକୁ ଗିରଫ କରାଯାଇଛି। ୫୦ ହଜାର ଟଙ୍କା ପାଇଁ ସେ ବସ୍ ଭିତରେ ଗ୍ରେନେଡ୍ ମାଡ କରିଥିଲା। ତାକୁ ପଚରା ଉଚରା କରିବା ପରେ ସେ କହିଛି ହିଜବୁଲ ମୁଝାହିଦ୍ଦିନର ଜଣେ ଆତଙ୍କବାଦୀ ତାକୁ ଏଭଳି କରିବା ପାଇଁ ୫୦ ହଜାର ଟଙ୍କା ଦେଇଥିଲା। ଏହି ବିସ୍ଫୋରଣରେ   ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୩୨ ଜଣ ଆହତ ହୋଇଥିଲେ।ପୋଲିସ ଅଧିକାରୀଙ୍କ ସୂଚନା ଅନୁସାରେ ଳତିତ ମାସ ୧୨ ତାରିଖରେ ତାକୁ ୧୬ ବର୍ଷ ହେବାକୁ ଯାଉଛି । ତା’ର ଆଧାରକାର୍ଡ ଓ ସ୍କୁଲ ରେକର୍ଡ ସହିତ ପରିଚୟ ପତ୍ରରୁ ସହିତ ଅନ୍ୟ କାଗଜପତ୍ରରୁ ତା’ର ଜନ୍ମ ୧୨ ମାର୍ଚ ୨୦୦୩ରେ ବୋଲି ଜଣାପଡିଛି।  

{"id":6778,"width":754,"height":423}

ଜମ୍ମୁ ଆଇଜି ଏମକେ ସିହ୍ନାଙ୍କ କହିବା ଅନୁଯାୟୀ, ଏହି ଆକ୍ରମଣ ପଛରେ ହିଜ୍‌ବୁଲ୍‌ ମୁଜାହିଦ୍ଦିନ୍‌ର ହାତ ଅଛି। ହିଜ୍‌ବୁଲ୍‌ର ମୁଖ୍ୟ ଫୟାଜ ଜମ୍ମୁର କୌଣସି ଗହଳିପୂର୍ଣ୍ଣ ସ୍ଥାନରେ ଗ୍ରେନେଡ ଫୋପାଡିବା ପାଇଁ ନିଜ ସଂଗଠନର ଜଣେ କର୍ମୀକୁ ମୁଜାମିଲକୁ କହିଥିଲା। ତେବେ ମୁଜାମିଲ ମନା କରିବା ପରେ ସେ ଏହି ନାବାଳକକୁ ଗ୍ରେନେଡ୍‌ ଫୋପାଡ଼ିବାକୁ କହିଥିଲା। ଛୋଟୁ (ଛଦ୍ମନାମ)ତିନି ଭାଇ-ଭଉଣୀଙ୍କ ମଧ୍ୟରେ ସବୁଠାରୁ ବଡ। ସେ ନବମ ଶ୍ରେଣୀରେ ପଢୁଛି ଓ ତା ବାପା ଜଣେ ପେଣ୍ଟର।