ଗଡ଼ମଧୁପୁର, ୩୧/୧0 :  ଚଣ୍ଡିଖୋଲ -ଡ଼ୁବୁରୀ ୫୩ ନମ୍ବର ଜାତୀୟ ରାଜପଥର ବରଡ଼ା ଛକ ନିକଟସ୍ଥ ବେହେରା ପେଟ୍ରୋଲ ପମ୍ପଠାରେ ଘଟିଛି ଏକ ମର୍ମନ୍ତୁଦ ଦୁର୍ଘଟଣା l ଗୋଟିଏ ବାଇକ ଅନ୍ୟ ଏକ ବାଇକକୁ ଧକ୍କା ଦେବା ଫଳରେ ୨ଟି ବାଇକରେ ଥିବା ୪ଜଣ ଆରୋହୀ ଗୁରୁତର ଅବସ୍ଥାରେ ବଡ଼ଚଣା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଥିବା ଜଣାପଡିଛି l ପଲସର ବାଇକରେ ଥିବା ଦୁଇ ଜଣ ହେଲେ ଜେନାପୁର ଥାନା ଅନ୍ତର୍ଗତ ଡଙ୍କାରୀ ଗ୍ରାମର ଜିତୁ ସାମଲ (୨୪ ) ବାପା ବିଶିଆ ସାମଲ ଓ ଶିବୁ ସାମଲ (୨ ୧ ) ବାପା ସୁର ସାମଲ ଏବଂ ଅନ୍ୟ ଦୁଇ ଜଣ ହେଲେ ମକ୍କା ବିରୁଆ ଏବଂ ସତ୍ୟରଞ୍ଜନ l 

ଏହି ଦୁଇ ଜଣ ବାହାର ଜିଲ୍ଲାର ଯୁବକ l ବରଡ଼ା ଗାଁରେ ରହି ଡ଼ଙ୍ଗୀ ଚମ୍ପାନୀରେ କାମ କରୁଥିବା ଜଣା ପଡିଛି l ଘଟଣା ମୁତାବକ ଗତ ଗୁରୁବାର ସନ୍ଧ୍ୟା ପ୍ରାୟ ୭ ଟା  ସମୟରେ ଛଡ଼େଇ ଧରା ଛକ ପଟରୁ ଆସୁଥିବା ଓ ଆର 0୪ଇଉ୩୯ 0୧ ପଲସର ସାମ୍ନାରେ ଯାଉଥିବା ଓଡି୧0 ଏଫ ୩୯୮୮ହିରୋ ଡିଲକ୍ସ ନାଲି ରଙ୍ଗର ବାଇକକୁ ଦ୍ରୁତଗତିରେ ଆସି ଧକ୍କା ଦେଇଥିଲା l ଛଡେଇଧରା ପଟୁ ଆସୁଥିବା ପଲସରର ଗତି ଏତେ ଦ୍ରୁତ ଥିଲା ଯେ ସାମ୍ନା ବାଇକକୁ ପାଖାପାଖି ତିରିଶ ପୁଟ ପର୍ଯ୍ୟନ୍ତ ଠେଲି ଠେଲି ନେଇ ଯାଇଥିଲି l ଯାହାଦ୍ୱାରା ଉଭୟ ଚାରିଜଣଙ୍କର ଅବସ୍ଥା ଅତି ଶଙ୍କଟାପର୍ଣ୍ଣ ହୋଇଥିଲା l ସ୍ଥାନୀୟ ଲୋକମାନଙ୍କ ଖବରପାଇ ଚଡେଇଧରା ଫାଣ୍ଡି ପୁଲିସଙ୍କ ସହଯୋଗରେ ଚଡେଇଧରା ଅଗ୍ନିଶମ ବିଭାଗ ଓ ଧର୍ମଶାଳାର ୧ 0 ୮ଯୋଗ ବଡ଼ଚଣା ସ୍ୱାସ୍ଥ୍ୟକେନ୍ଦ୍ରକୁ ପଠେଇଥିବା ଜଣାପଡିଛି l 

ସେଠରେ ସଙ୍କଟାମ୍ପର୍ଣ୍ଣ ହେବାରୁ ତାଙ୍କୁ କଟକ ବଡ ଡାକ୍ତରଖାନାକୁ ପଠେଇଥିବା ଜଣାପଡିଛି l ପ୍ରକାଶ ଯେ, ଏହି ଜାତୀୟ ରାଜପଥର ଦୁର୍ଘଟଣା ଘଟିଥିବା ସ୍ଥାନରେ ରାସ୍ତା ସାମ୍ପ୍ରସାରଣ ନିମିତ୍ତ ଗୋଟିଏ ପଟର ରାସ୍ତା ବନ୍ଦ ରହିଛି  ତେବେ ଅନ୍ୟ ରାସ୍ତାରେ ପଥିକମାନେ ଯାତାୟାତ ହେଉଥିବାରୁ ଏହି ଦୁର୍ଘଟଣା ହୋଇଥିବା ସ୍ଥାନୀୟ ଲୋକମାନେ କହିଛନ୍ତି l