ପୁଣି ସଂଖାରୀ ସାହିରେ ଅଜଣା ଜନ୍ତୁ ଆତଙ୍କ

ବିରିଡି, ୧୮।୩ ବିରିଡି  ବ୍ଲକ ୨୨ ମୌଜା ସଂଖାରୀ ସାହିରେ ଶନିବାର ପୁଣି ଅଜଣା ଜନ୍ତୁ ଆତଙ୍କ ଦେଖାଦେଇଛି। ଗ୍ରାମର ରମେଶ ଭୋଇଙ୍କ ଏକ ଛେଳି ତଣ୍ଟିକୁ କଣା କରିଛି। ଶୁକ୍ରବାର ବିଳମ୍ବିତ ରାତିରେ ଏହି ଘଟଣା ଘଟିଛି। ଛେଳିଟି ବୋବାଇବାରୁ ରମେଶ ଓ ତାଙ୍କ ସ୍ତ୍ରୀ ଆସି ଗୁହାଳେ ପହଞ୍ଚି ଦେଖିଲା ବେଳକୁ ସେଠାରେ କେହି ହେଲେ ନ ଥିଲେ। ମାତ୍ର ଛେଳିର ବେକ କଣା ହୋଇ ରକ୍ତ ବାହାରୁଥିବା ଦେଖିଥିଲେ। ସମସ୍ତଙ୍କୁ ଏହା ଆଶ୍ଚର୍ଯ୍ୟ କରିଥିଲା। ତେବେ ଏହି ଘଟଣା ଉପରେ ନଜର ରଖିବା ପାଇଁ ଜିଲ୍ଲା ବନ ବିଭାଗର ଏକ ଟିମ୍ ଡେରା ପକାଇଥିଲେ ବି କିଛି ସୁରାକ ମିଳିପାରୁ ନାହିଁ।