PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆପଡା ସାଲେଭଟା ଛକରେ ରକ୍ତାକ୍ତ ଅବସ୍ଥାରେ ଯୁବକ-ଯୁବତୀ ଉଦ୍ଧାର
  • ||
  • ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷାରେ ଗୁରୁତର ତ୍ରୁଟି, ହେଲିକପ୍ଟର ଉଡାଣ ଭରିବା କ୍ଷଣି ମଝି ଆକାଶରେ ଦେଖାଗଲା କଳା ବେଲୁନ୍, ୪ କଂଗ୍ରେସ କର୍ମୀ ଗିରଫ
  • ||
  • ବିଧାନସଭା ଭିତରକୁ ଧସେଇ ପଶିବାକୁ ଉଦ୍ୟମ ବେଳେ ପୋଲିସ-ଛାତ୍ର କଂଗ୍ରେସ ମଧ୍ୟରେ ଧସ୍ତାଧସ୍ତି
  • ||
  • ନୂଆପଡା ଉଦ୍ୟାନବନ୍ଧ କ୍ରିଷ୍ଣା ଛକରେ ଟ୍ରକ ଧକ୍କାରେ ୪ ଜଣଙ୍କ ମୃତ୍ୟୁ
  • ||
  • ବୌଦ୍ଧ : କଣ୍ଟାମାଳ ବ୍ଲକ୍ ମନମୁଣ୍ଡା ରେଞ୍ଜ୍ ଅନ୍ତର୍ଗତ ରତାଖଣ୍ଡି ସଂରକ୍ଷିତ ଜଙ୍ଗଲରେ ଫାଶରେ ପଡ଼ି ଏକ ଭାଲୁର ମୃତ୍ୟୁ
  • ||
  • କୋଲକାତା : ମାତ୍ର ୭୫ ଟଙ୍କା ପାଉଣା ଫେରସ୍ତ ଦାବିରେ ଦେଖାଦେଇଥିଲା ଅଶାନ୍ତି, ନମାଜ ପଢ଼ି ଫେରିବା ବାଟରେ ବୃଦ୍ଧଙ୍କୁ ପିଟିପିଟି ହତ୍ୟା
  • ||
  • ଭୁବନେଶ୍ବର : ୨୦୧୯ ରୁ ୨୦୨୨ ମଧ୍ୟରେ ରାଜ୍ୟରେ ପଞ୍ଜିକୃତ ହୋଇଛି ୧୦ ହଜାର ୧୨୯ ଦୁଷ୍କର୍ମ ମାମଲା : ଗୃହରାଷ୍ଟ୍ର ମନ୍ତ୍ରୀ
  • ||
  • ଭୁବନେଶ୍ବର : ଜୁଲାଇ ୬ରେ ମାଟ୍ରିକ ପରୀକ୍ଷା ଫଳ ଘୋଷଣା । ଦିନ ୧ଟାରେ ପ୍ରକାଶ ପାଇପ ରେଜଲ୍ଟ । ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ସୂଚନା ।
  • ||
  • ଗୋଚ୍ଛାପଡ଼ା/ଫୁଲବାଣୀ : ବହୁଚର୍ଚ୍ଚିତ ଯୋଡ଼ାମୁଣ୍ଡ ଶିଶୁ ଜଗାର ଖପୁରି ୩ ବର୍ଷ ମଧ୍ୟରେ ପ୍ରତିରୋପଣ କରାଯିବ । ଦିଲ୍ଲୀ ଏମସ୍‌ ନ୍ୟୁରୋ ସର୍ଜରୀ ଡାକ୍ତର ଦୀପକ ଗୁପ୍ତାଙ୍କ ସୂଚନା ।
  • ||
  • ନୂଆଦିଲ୍ଲୀ : ଆନ୍ଧ୍ରପ୍ରଦେଶ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅଲ୍ଲୁରୀ ସୀତାରାମ ରାଜୁଙ୍କ ପ୍ରତିମୂର୍ତ୍ତି କରିବେ ଉନ୍ମୋଚନ
  • ||
  • କୋଟପାଡ଼ : କୋଟପାଡ଼ ମୀନାବଜାରରେ ଦୋଳି ଖେଳୁଥିବା ବେଳେ ଜଣେ ନାବଳିକାଙ୍କ ହୃଦ୍‌ଘାତରେ ମୃତ୍ୟୁ
  • ||
  • ମୁମ୍ବାଇ: ମହାରାଷ୍ଟ୍ର ରାଜନୀତିରେ ପୁଣିଥରେ ଏକନାଥଙ୍କ ବାଜିମାତ୍। ଫ୍ଳୋର ଟେଷ୍ଟରେ ବହୁମତ ହାସଲ କରିଛନ୍ତି ସିନ୍ଦେ। ସିନ୍ଦେଙ୍କୁ ୧୬୪ ସଦସ୍ୟ ସମର୍ଥନ କରିଥିବା ସୂଚନା।
  • ||
  • ଧର୍ମଗଡ଼ : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଚଞ୍ଚରମୁଣ୍ଡା ଛକ ବିଜୁ ଏକ୍ସପ୍ରେସ୍ ରାସ୍ତା କଡ଼ରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ନୂଆଦିଲ୍ଲୀ : ହିମାଚଳ ପ୍ରଦେଶର କୁଲ୍ଲୁରେ ବସ୍ ଦୁର୍ଘଟଣା, ସ୍କୁଲ ପିଲାଙ୍କ ସମେତ ୧୬ଜଣଙ୍କର ମୃତ୍ୟୁ ଆଶଙ୍କା
  • ||
  • ନୂଆଦିଲ୍ଲୀ : ମିସ୍ ଇଣ୍ଡିଆ ୱାର୍ଲ୍ଡ ୨୦୨୨ : ବିଜୟ ମୁକୁଟ ପିନ୍ଧିଲେ ସିନି ଶେଟ୍ଟୀ
  • ||
  • ନୂଆଦିଲ୍ଲୀ : ଭାଙ୍ଗିଗଲା ଆଲପାଇନ୍ ଗ୍ଲାସିୟରର ବିଶାଳ ଖଣ୍ଡ, ୫ ମୃତ
  • ||
  • ଭୁବନେଶ୍ବର : ମାଟ୍ରିକ୍ ରେଜଲ୍ଟ ପ୍ରକାଶ ନେଇ ବୋର୍ଡର ସମସ୍ତ ପ୍ରସ୍ତୁତି ଶେଷ, ସଚିବାଳୟରେ ଆଜି ନିଆଯିବ ଚୂଡ଼ାନ୍ତ ନିଷ୍ପତ୍ତି
  • ||
  • ବାଲିପାଟଣା : ବାଲିଘାଟକୁ କେନ୍ଦ୍ର କରି ଯୁବକଙ୍କୁ ଖଣ୍ଡାମାଡ଼, ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି
  • ||
  • ନୂଆଦିଲ୍ଲୀ : ଆଇସିୟୁରେ ଭର୍ତ୍ତି ହେଲେ ଲାଲୁ ଯାଦବ, ପଡ଼ିଯିବା କାରଣରୁ ହୋଇଥିଲେ ଆହତ
  • ||
  • ଡେନମାର୍କ : ଡେନମାର୍କର ସପିଂ ମଲରେ ଫୁଟିଲା ଗୁଳି, ୩ଜଣଙ୍କର ମୃତ୍ୟୁ
  • ||

ଅଳିଆଗଦାରୁ ମିଳିଥିଲା ବସ୍ତାଏ ନର କଙ୍କାଳ, ୨ ମାସ ପରେ ବି ପୁଲିସ ହାତ ଖାଲି

ଭୁବନେଶ୍ୱର,୨୫/୫ : ମଞ୍ଚେଶ୍ୱର ଥାନା ଅଧୀନ ଇଞ୍ଜଣା ବ୍ରିଜ ତଳ ଅଳିଆଗଦାରୁ ମିଳିଥିଲା  ୧୪ଟି ଖପୁରୀ, ୨ ବସ୍ତା ନର କଙ୍କାଳ । ଏହି ଘଟଣାକୁ ଇତିମଧ୍ୟରେ ୨ ମାସ ବିତିଗଲାଣି । ହେଲେ ଖପୁରୀ ଗୁଡ଼ିକର ଚିହ୍ନଟ ହୋଇ ପାରିଲାନି । ଖପୁରୀ ଓ ନରକଙ୍କାଳଗୁଡିକ କୁତ୍ରିମ ଭାବେ ନିର୍ମିତ କି ମଣିଷର ତାହାର ସ୍ପଷ୍ଟ ଚିତ୍ର ମିଳିଲାନି । ଏତେ ମାତ୍ରାରେ ଖପୁରୀ, କଙ୍କାଳ କେଉଁଠୁ ଆସିଲା? କିଏ ଫିଙ୍ଗିଲା? ଗୁଣିଗାରେଡି଼ରେ ବ୍ୟବହାର ହେଉଥିଲା କି? ଗଣହତ୍ୟା ଜନିତ କି? ଏସବୁ ଅସମାହିତ ପ୍ରଶ୍ନରୁ ଏଯାଏଁ ପରଦା ହଟି ପାରିଲାନି ।

ମଞ୍ଚେଶ୍ୱର ଥାନା ପୁଲିସ କହିଛି, ଏସବୁ କଙ୍କାଳ ଗୁଡି଼କ ଯାଞ୍ଚ ପାଇଁ ରସୁଲଗଡ଼ସ୍ଥିତ ରାଜ୍ୟ ଅପରାଧ ବିଧି ବିଜ୍ଞାନଗାରକୁ ପଠାଯାଇଥିଲା । ସେଠାରୁ ଏ ପର୍ଯ୍ୟନ୍ତ କିଛି ରିପୋର୍ଟ ହସ୍ତଗତ ହୋଇନାହିଁ । ତେଣୁ କଙ୍କାଳ ଓ ଖପୁରୀଗୁଡ଼ିକ କାହାର କହିହେବନି । ମାର୍ଚ୍ଚ ୨୩ ତାରିଖରେ ଏହି ପୋଲ ତଳେ ନରକଙ୍କାଳ ପଡ଼ିଥିବା ଜଣେ ଜରି ଗୋଟାଳି ଦେଖିଥିଲେ । ଖବର ପ୍ରଘଟ ହେବା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳି ଯାଇଥିଲା । କେହି ତନ୍ତ୍ର ସାଧକ ତନ୍ତ୍ର ସାଧନା ଆଉ ଗୁଣିଗାରେଡି଼ କରିବା ପରେ ସେଠାରେ ନର କଙ୍କାଳ ଫିଙ୍ଗି ଚାଲି ଯାଇଥିବ ବୋଲି ଚର୍ଚ୍ଚା ହୋଇଥିଲା । ପୁଲିସ ଅନୁମାନ କରିଥିଲା, ନରକଙ୍କାଳଗୁଡି଼କ ପାଖାପାଖି ୧୫ରୁ ୨୦ ବର୍ଷ ପୁରୁଣା  । କୌଣସି ନିର୍ମାଣ ପାଇଁ ମାଟି ଖୋଳିବା ବେଳେ ଏସବୁ ମିଳିଥିବ । ନିର୍ମାଣକାରୀ ସଂସ୍ଥା କର୍ମଚାରୀ ଭୟରେ ଏସବୁକୁ ଫିଙ୍ଗି ଚାଲି ଯାଇଥିବେ ।

ପୂର୍ବରୁ ୨ ଘଟଣାରେ ପୁଲିସ ଫେଲ୍‌

ଯାଁଳା ଫାଣ୍ଡିରେ ଥିବା ଜବତ କାର୍‌ ଭିତରୁ ୨୦୨୧ ମସିହା ଫେବ୍ରୁଆରୀ ୧୨ରେ ଏକ କଙ୍କାଳ ମିଳିଥିଲା । ପରୀକ୍ଷାରୁ କଙ୍କାଳଟି ଜଣେ ମହିଳାଙ୍କର ବୋଲି ଜଣାପଡ଼ିବା ପରେ ବିବାଦ ତେଜିଥିଲା । ମହିଳାଙ୍କୁ ବଳାତ୍କାର ପରେ ହତ୍ୟା କରି ମୃତଦେହ ଫିଙ୍ଗି ଦେଇଥିବା ଅଭିଯୋଗ ବି ଉଠିଥିଲା । କେହି ପାଗଳୀ ଉକ୍ତ କାରରେ ଫସି ରହି ମରି ଯାଇଥିବା କଥା ବି ପୁଲିସ ସନ୍ଦେହ ଘେରକୁ ଆସିଥିଲା । ଦାୟିତ୍ୱହୀନତା ଯୋଗୁଁ ଫାଣ୍ଡି ଇନ୍‌ଚାର୍ଜ ତଥା ସବ୍‌ଇନ୍ସପେକ୍ଟର ସତ୍ୟବ୍ରତ ଗ୍ରହାଚାର୍ଯ୍ୟ ନିଲମ୍ବିତ ହୋଇଥିଲେ । ପରିଚୟ ପାଇବା ଲାଗି ପୁଲିସ ବିଭିନ୍ନ ସ୍ଥାନରେ ମହିଳାଙ୍କ ସ୍କେଚ୍‌ ମାରିଥିଲା । ତଥାପି ମହିଳାଙ୍କ ପରିଚୟ ମିଳିଲାନି । ସେହିପରି ୨୦୧୯ ନଭେମ୍ବର ୨୯ରେ ନୂଆପଲ୍ଲୀ ଆଇଆର୍‌ସି ଭିଲେଜ ପାଖ ସରକାରୀ ସ୍କୁଲ ପରିସରରୁ ମଧ୍ୟ ଏକ ପଲିଥିନ ବ୍ୟାଗ ଭର୍ତ୍ତି ହାଡ଼ କଙ୍କାଳ ମିଳିଥିଲା । ଯାହାକୁ ନେଇ ଢେର୍‌ ଚର୍ଚ୍ଚା ଲାଗି ରହିଥିଲା । ସେହିମାସରେ ବରମୁଣ୍ଡା ଓଭରବ୍ରିଜ୍‌ ନିକଟ ଓୟୁଏଟି ଚାଷଜମିରେ ପ୍ରବାହିତ ନାଳରୁ ଏକ ମଣିଷ ଗୋଡ଼ ମିଳିଥିଲା । ଯାହାକୁ ନେଇ ହତ୍ୟାର ଚର୍ଚ୍ଚା ଲାଗିଥିଲା । ପରୀକ୍ଷାକୁ ୨୦ରୁ ୩୦ ବର୍ଷୀୟ ଯୁବକଙ୍କ ଗୋଡ଼ ବୋଲି ଜଣାପଡିଥିଲା । କିନ୍ତୁ ପୁଲିସ ଘଟଣାର ରହସ୍ୟ ଏଯାଏ ହଟାଇ ପାରିଲାନି ।