ପ୍ରମୂଖ ଖବର
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ହୋଟେଲ ରୁମରୁ ୩ କୁଖ୍ୟାତ ଲୁଟେରା ଗ୍ୟାଙ୍ଗକୁ କାବୁ କଲା ପୋଲିସ

ବସ୍ତା, ୨୩।୫: ଖଡ଼ଗପୁରରୁ ଲୁଟି ବସ୍ତା ଅଞ୍ଚଳର ଏକ ହୋଟେଲରେ ଲୁଚିଥିଲେ ୩ କୁଖ୍ଯାତ ଲୁଟେରା । ବିଭିନ୍ନ ମାରଣାସ୍ତ୍ର ଦେଖାଇ କୌଶଳ ପୂର୍ବକ ଖଡ଼ଗପୁର ଅଞ୍ଚଳରୁ ରେଳ ସୁରକ୍ଷା କର୍ମଚାରୀ ନିକଟରୁ କରିଥିଲେ ଚିନତାଇ । ପରେ ବସ୍ତା ଥାନା ଜାତୀୟ ରାଜପଥ ଅମର୍ଦ୍ଦାରୋଡ ନିକଟ ଏକ ହୋଟେଲରେ ନିଜକୁ ରେଳ ସୁରକ୍ଷା ବଳର ଅଧିକାରୀ ପରିଚୟ ଦେଇ ସେଠାରେ ରୁମ୍ ନେଇଥିଲେ । ବିଳମ୍ବିତ ରାତିରେ ହୋଟେଲରେ ଭିଆଇଥିଲେ ଆତଙ୍କ ରାଜ୍ । ହୋଟେଲ କର୍ମଚାରୀଙ୍କ ମୋବାଇଲ ଚୋରିକୁ ନେଇ ତନାଘନା ସହିତ ସମସ୍ତ ଅପରାଧିକ କାର୍ଯ୍ୟକଳାପ ସିସିଟିଭି ଯାଞ୍ଚରୁ ଜଣାପଡ଼ିଥିଲା ।

ଶେଷରେ ବସ୍ତା ପୋଲିସ ଦ୍ବାରା ୩ କୁଖ୍ୟାତ ଲୁଟେରା ଗ୍ୟାଙ୍ଗକୁ କାବୁ କରି ଥାନାକୁ ଅଣାଯାଇଥିବା ଦେଖିବାକୁ ମିଳିଛି । ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ତିନି ଜଣ ସଂପୃକ୍ତ ଅପରାଧୀ ନିଜକୁ ରେଳ ସୁରକ୍ଷା ଅଧିକାରୀ କହି ରୁମ୍ ନେଇଥିଲେ । ପରେ ବିଳମ୍ବିତ ରାତିରେ ସମସ୍ତ କର୍ମଚାରୀ ଶୋଇଯିବା ପରେ ହୋଟେଲରେ ଅପରାଧୀ ନିଜେ ସମ୍ପୂର୍ଣ୍ଣ ଉଲଗ୍ନ ହୋଇ ଅତ୍ୟଧିକ ମଦ୍ୟପାନ କରିଥିଲେ । ପରେ ହୋଟେଲରେ ଥିବା ବିଭିନ୍ନ ଗୁରୁତ୍ଵପୂର୍ଣ୍ଣ ଜିନିଷ ସହିତ ହୋଟେଲରେ ଥିବା କର୍ମଚାରୀଙ୍କ ମୋବାଇଲ ଚୋରି କରିଥିଲେ । ପରେ ଅନ୍ୟ ରୁମରେ ଥିବା ବ୍ୟକ୍ତିଙ୍କ କବାଟ ବାଡ଼େଇଥିଲେ ଅପରାଧୀ ।

ଏନେଇ ହୋଟେଲ ମ୍ୟାନେଜରଙ୍କୁ ଅବଗତ କରାଇଥିଲେ ଅନ୍ୟ ରୁମରେ ଥିବା ହୋଟେଲ ଗ୍ରାହକ । କର୍ମଚାରୀମାନେ ମୋବାଇଲ ଖୋଜାଖୋଜି କରିବା ସହିତ ମୋବାଇଲ ନ ପାଇ ହୋଟେଲ ମାଲିକଙ୍କୁ ଖବର ଦେଇଥିଲେ । ମାଲିକଙ୍କ ଅନୁମତିରେ ହୋଟେଲରେ ଥିବା ବିଭିନ୍ନ ସିସିଟିଭି ଫୁଟେଜ ଯାଞ୍ଚ କରାଯିବା ପରେ ସମ୍ପୃକ୍ତ ୩ ଜଣଙ୍କ ଅପରାଧିକ କାର୍ଯ୍ୟକଳାପ ସାମ୍ନାକୁ ଆସିଥିଲା । ଅପରାଧୀମାନେ ସମ୍ପୂର୍ଣ ଉଲଗ୍ନ ହୋଇ ମୋବାଇଲ ସିମ୍ ବଦଳ କରିବା ସହିତ ଅଶାଳୀନ ଫଟୋ ସହିତ ଅଶ୍ଳୀଳ ଭିଡିଓ ରେକଡ଼ିଂ କରିଥିଲେ । ହୋଟେଲ କର୍ମଚାରୀ ଏହି ସବୁ ଘଟଣା ସମ୍ପର୍କରେ ବସ୍ତା ପୋଲିସକୁ ଜଣାଇଥିଲେ । ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ପରେ ସମୂର୍ଣ୍ଣ ଘଟଣା ସାମ୍ନାକୁ ଆସିଥିଲା । ଅପରାଧୀମାନେ ଖଡ଼ଗପୁରରୁ ଲୁଟି ଏକ ହୋଟେଲରେ ଲୁଚିଥିବା ବେଳେ ତାଙ୍କ ନିକଟରୁ ବେଆଇନ ପରିଚୟ ପତ୍ର ସହିତ ଏକ ବ୍ୟାଗ୍, ବିଭିନ୍ନ ମାରଣାସ୍ତ୍ର ଓ ଚୋରି ସାମଗ୍ରୀ ଜବତ କରିଥିଲା ପୋଲିସ । ଏଥି ସହିତ ୩ ଅପରାଧୀଙ୍କୁ ଥାନାକୁ ଆଣି ଅଧିକ ତଦନ୍ତ କରୁଛି ପୋଲିସ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.