ଚଣ୍ଡିଗଡ଼ : ଗୁରୁଗ୍ରାମରେ ହନିଟ୍ରାପର ଏକ ଆଶ୍ଚର୍ଯ୍ୟକର ମାମଲା ସାମ୍ନାକୁ ଆସିଛି। ଏଠାରେ ଜଣେ ଲ୍ୟାବ୍ କର୍ମଚାରୀଙ୍କୁ ଜଣେ ଯୁବତୀ ବ୍ଲଡ୍ ସାମ୍ପଲ ବାହାନାରେ ଫ୍ଲାଟ୍କୁ ଡ଼ାକି ଥିଲେ ଏବଂ ସାଥିମାନଙ୍କ ସହ ମିଶି ମାରପିଟି କରି ତାଙ୍କର ନ୍ୟୁଡ୍ ଭିଡ଼ିଓ କରିଥିଲେ। ଅଭିଯୁକ୍ତମାନେ ପୀଡ଼ିତଙ୍କ ଠାରୁ ୧.୬୩ ଲକ୍ଷ ଟଙ୍କା ମଧ୍ୟ ଆଦାୟ କଲେ। ଅଭିଯୁକ୍ତ ପୀଡ଼ିତଙ୍କୁ ଆହୁରି ଟଙ୍କା ଦେବା ପାଇଁ ସମସ୍ୟାରେ ପକାଇଲେ ଏବଂ ୫ ଲକ୍ଷ ଟଙ୍କା ମାଗିବାକୁ ଲାଗିଲେ। ପୀଡ଼ିତ ପୁଲିସରେ ଅଭିଯୋଗ କରିଥିଲେ। ପୁଲିସ ୨୪ ବର୍ଷୀୟା ଜ୍ୟୋତି ଓ ତାଙ୍କର ଦୁଇ ଜଣ ସାଥିଙ୍କୁ ବ୍ଲାକମେଲିଂ ଅଭିଯୋଗରେ ଗିରଫ କରି ନେଇଛି।
ଅଭିଯୁକ୍ତମାନେ ରାଜସ୍ଥାନର ଅଲୱର ଜିଲ୍ଲାର ଗାଁ କାହନାବାସ ନିବାସୀ ହରିଶ ଯାଦବ ଓରଫ ମୋନୁ ଓ ହରିଆଣାର ମହେନ୍ଦ୍ରଗଡର ଗାଁ ଖୈରୋଲିରେ ରହୁଥିବା ଶ୍ୟାମ ସୁନ୍ଦର ଓରଫ ଅଶୋକ। ଜ୍ୟୋତି ଗୁରୁଗ୍ରାମର ତାଜନଗର ନିବାସୀ। ପୁଲିସ ଅଭିଯୁକ୍ତଙ୍କ ଠାରୁ ୧.୬୩ ଲକ୍ଷ ଟଙ୍କା , ସ୍କର୍ପିଓ ଗାଡ଼ି ଓ ୪ଟି ମୋବାଇଲ ଫୋନ୍ ଜବତ କରିଛି।
ପୀଡ଼ିତ ଯୁବକ ୬ ମାର୍ଚ୍ଚରେ ପୁଲିସକୁ ଦେଇଥିବା ଅଭିଯୋଗରେ କହିଥିଲେ ଯେ, ସେ ସେକ୍ଟର-୮୩ର ଏକ ଲ୍ୟାବରେ କାମ କରନ୍ତି। ୨୫ ଫେବ୍ରୁଆରୀରେ ଏହା ଏଭିଏଲ୍ ୩୬ ସୋସାଇଟି ମହମ୍ମଦପୁରରେ ଜ୍ୟୋତି ନାମକ ଯୁବତୀଙ୍କ ବ୍ଲଡ୍ ସାମ୍ପଲ ଆଣିବାକୁ ଯାଇଥିଲେ। ଜ୍ୟୋତି ବ୍ଲଡ୍ ରିପୋର୍ଟ ହ୍ୱାଟ୍ସଆପ୍ରେ ନେବା ପାଇଁ ତାଙ୍କର ମୋବାଇଲ ନମ୍ୱର ନେଇଥିଲେ। ଏହାପରେ ଜ୍ୟୋତି ବ୍ଲାକମେଲିଂର ଖେଳ ଆରମ୍ଭ କରିଥିଲା। ଦୁଇ ମାର୍ଚ୍ଚରେ ପୁଣି ଜ୍ୟୋତି ତାଙ୍କୁ ବ୍ଲଡ୍ ସାମ୍ପଲ ନେବାକୁ ଡାକି ଥିଲେ।
ଫ୍ଲାଟକୁ ଯିବାର କିଛି ସମୟ ପରେ ଜ୍ୟୋତି ଡୋର ଖୋଲି ଛାଡ଼ି ଦେଲେ, ସେତେବେଳେ ସେଠାକୁ ୨୪-୨୫ ବର୍ଷ ବୟସର ଦୁଇ ଜଣ ଯୁବକ ଆସିଲେ। ଉଭୟ ତାଙ୍କ ସହ ମାରପିଟି କରି ପୋଷାକ ଓହ୍ଲାଇ ଦେଲେ ଏବଂ ନ୍ୟୁଡ୍ ଭିଡ଼ିଓ କରିବାକୁ ଲାଗିଲେ। ଅଭିଯୁକ୍ତମାନେ ତାଙ୍କୁ ବ୍ଲାକମେଲ୍ କରି ଟଙ୍କା ଟ୍ରାନ୍ସଫର କରି ନେଲେ। ଏହାପରେ ତିନି ଜଣ ପୀଡ଼ିତଙ୍କୁ ସ୍କର୍ପିଓ ଗାଡ଼ିରେ ନେଇ ଯାଇ ମାଡ଼ ମାରିଲେ।
ଅଭିଯୁକ୍ତ ଫୋନ୍ କରି ଲଗାତାର ତାଙ୍କ ଉପରେ ଟଙ୍କା ପାଇଁ ଚାପ ପକାଇଲେ। ସେ ପୀଡ଼ିତଙ୍କୁ ପାଞ୍ଚ ଲକ୍ଷ ଟଙ୍କାର ଡିମାଣ୍ଡ କରିଥିଲେ। ଟଙ୍କା ନଦେବାରୁ ତାଙ୍କର ନ୍ୟୁଡ୍ ଭିଡ଼ିଓ ଭାଇରାଲ କରିବାର ଧମକ ଦେବାକୁ ଲାଗିଲେ। ପୀଡ଼ିତ ତାଙ୍କର ଜଣେ ପରିଚିତଙ୍କୁ ଘଟଣା ବିଷୟରେ କହିଲେ ଏବଂ ତାଙ୍କୁ ସାଥିରେ ନେଇ ସେକ୍ଟର -୩୭ ଥାନାରେ ଅଭିଯୋଗ ଦେଲେ। ଏହାପରେ ପୁଲିସ ସକ୍ରିୟ ହୋଇଥିଲା ଏବଂ ଜ୍ୟୋତି ଓ ତାଙ୍କର ଦୁଇ ସାଥି ହରିଶ ଯାଦବ ଓରଫ ସୋନୁ ଓ ଶ୍ୟାମ ସୁନ୍ଦର ଓରଫ ଅଶୋକଙ୍କୁ ବ୍ଲାମେଲିଂ ଅଭିଯୋଗରେ ଗିରଫ କରିଥିଲା।
