ଏହି କମ୍ପାନୀ ନିର୍ମାଣ କଲା ଟଙ୍କାର ପାହାଡ, କାରଣ ଜାଣିଲେ ଆପଣ ହୋଇଯିବେ ଆଶ୍ଚର୍ଯ୍ୟ

ପାହାଡ ଶବ୍ଦ ଶୁଣିବା ମାତ୍ରେ ମନକୁ ଆସେ ଏକ ବଡ ବିରାଟ ବଡ ପଥରର ସମାହାର କିମ୍ବା ଏକ ଉଚ୍ଚତା ବିଶିଷ୍ଟ ପ୍ରାକୃତିକ ପଦାର୍ଥ ଯାହାକି ଗଛଲତାରେ ପରିପୂର୍ଣ୍ଣ । ତେବେ ଆପଣ କେବେ ଟଙ୍କାର ପାହାଡ କଥା ଶୁଣିଛନ୍ତି । ଆଜ୍ଞା ହଁ । ଆପଣ ଠିକ୍ ଶୁଣିଛନ୍ତି । ଆମେ ଟଙ୍କାର ପାହାଡ ବା କ୍ୟାଶ୍ ମାଉଣ୍ଟେନ୍ କଥା ହିଁ କହୁଛୁ । ଚାଇନାର ଏକ କମ୍ପାନୀ ନିଜ କର୍ମଚାରୀଙ୍କ ପାଇଁ ଏକ ଟଙ୍କାର ପାହାଡ ନିର୍ମାଣ କରିଛି । ତେବେ ଚାଲନ୍ତୁ ଜାଣିବା ଏହି ଟଙ୍କା ପାହାଡ ପଛର କାରଣ ।

ଏକ ଚାଇନିଜ୍ କମ୍ପାନୀ ନିଜ କର୍ମଚାରୀଙ୍କୁ ବୋନସ୍ ଦେବାପାଇଁ ନିର୍ମାଣ କରିଛି ଏହି ଟଙ୍କା ପାହାଡ । ବୋନସ୍ ପାଇବାର ଇଛା ପ୍ରତ୍ୟକ କର୍ମଚାରୀଙ୍କ ମନରେ ଥାଏ । ଏହି ଚାଇନିଜ୍ କମ୍ପାନୀ ନିଜ ୫ ହଜାର କର୍ମଚାରୀଙ୍କୁ ବୋନସ୍ ଦେବାପାଇଁ ୩୦୦ ମିଲିୟନ ୟୁଆନ୍(ଚାଇନାର ମୁଦ୍ରା) ନିର୍ମାଣ କରିଦେଲା । ତେବେ ଭାରତୀୟ ମୁଦ୍ରା ଅନୁସାରେ ଏହାର ମୂଲ୍ୟ ପ୍ରାୟ ୩୧୫ କୋଟି ଟଙ୍କା । ଏହି ପାହାଡକୁ ଦେଖି ଅନେକ ଲୋକ ତ ନିଜ ଆଖିକୁ ମଧ୍ୟ ବିଶ୍ୱାସ କରିପାରିଲେନି ।

ଚାଇନାର ପ୍ରତି ବର୍ଷ ଶେଷରେ କର୍ମଚାରୀଙ୍କୁ ବୋନସ୍ ଦେବାର ପରମ୍ପରା ରହିଆସିଛି । ଏହା ମାଧ୍ୟମରେ କମ୍ପାନୀଗୁଡିକ ପ୍ରତି କର୍ମଚାରୀଙ୍କୁ ଆର୍ଥିକ ରୂପେ ସକ୍ଷମ କରିବାକୁ ଚେଷ୍ଟା କରନ୍ତି । ୟାହା ଫଳରେ ସେମାନଙ୍କ ମନୋବଳ ଦୃଢ ହେବ । ଟଙ୍କାର ପାହାଡ ନିର୍ମାଣ କରିଥିବା ଏହି କମ୍ପାନୀ ଏକ ଷ୍ଟିଲ୍ କମ୍ପାନୀ । ଏହି କମ୍ପାନୀ ପ୍ରତି ବର୍ଷ ନିଜ କର୍ମଚାରୀଙ୍କୁ ଭିନ୍ନ ଉପାୟରେ ନୂଆ ବର୍ଷର ବୋନସ୍ ଦେଇଥାଏ । ପୂର୍ବ ବର୍ଷ କମ୍ପାନୀ କ୍ୟାଶ୍ ଗେମ୍ ଶୋ ରଖିଥିଲା ଯେଉଁଥିରେ ଯିଏ ଯେତେ ଚାହିଁବ ସେତେ କ୍ୟାଶ୍ ଘରକୁ ନେଇଯାଇପାରିବ ।