ନୂଆଦିଲ୍ଲୀ,୪।୪: ଲୋକସଭା ନିର୍ବାଚନ ୨୦୧୯ କୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଧୂଆଁଧାର ପ୍ରଚାର ଅଭିଯାନରେ ଲାଗିପଡିଛନ୍ତି। ଦେଶର ଭିନ୍ନ ଭିନ୍ନ ଭାଗରେ ପ୍ରତିଦିନ ୪ଟି ରାଲି କରୁଛନ୍ତି। ସମ୍ପୂର୍ଣ୍ଣ ନିର୍ବାଚନ ପ୍ରଚାର ସମୟରେ ଏଭଳି ଭାବରେ ତାଙ୍କୁ ୨୫୦ ଟି ରାଲିରେ ଯୋଗ ଦେଇ ଭାଷଣ ଦେବାର ଅଛି। ତେଣୁ ଏଭଳି ପରିସ୍ଥିତିରେ ସମସ୍ତଙ୍କ ମନକୁ ପ୍ରଶ୍ନ ଆସୁଛି ମୋଦି ନିଜକୁ ସୁସ୍ଥ ରଖିବା ସହ ନିଜ ଗଳାର କିଭଳି ଯତ୍ନ ନେଇଥାନ୍ତି? ଏବେ ଏହାର ଉତ୍ତର ମିଳିଯାଇଛି।
ସୁତ୍ରରୁ ମିଳିଥିବା ଖବର ଅନୁସାରେ ବନାରସର ଜଣେ ସନ୍ୟାସୀଙ୍କ ପରାମର୍ଶରେ ମୋଦି ପ୍ରତିଦିନ ସକାଳେ ଗରମ ପାଣି ସହିତ ତୁଳସୀ ପତ୍ର ଏବଂ ଗୋଲମରିଚ ପକାଇ ପିଇଥାନ୍ତି। ଯାହାଫଳରେ ଦିନରେ ଯେତେ ଭାଷଣ ଦେଲେ ମଧ୍ୟ ତାଙ୍କର ଗଳା ଠିକ୍ ରହୁଛି। କେବଳ ସେତିକି ନୁହେଁ ପ୍ରଧାନମନ୍ତ୍ରୀ ମୋଦି ପ୍ରତିଦିନ ସକାଳେ ଯୋଗ ଏବଂ ପ୍ରାଣାୟମ କରିବା ସହ ଶାକାହାରୀ ଖାଦ୍ୟ ଗ୍ରହଣ କରିଥାନ୍ତି।