ମୁମ୍ବାଇ,୨/୩ : ଟାଇଗର ଶ୍ରାଫ ଆଜି ନିଜ ୩୫ତମ ଜନ୍ମଦିନ ପାଳନ କରିଛନ୍ତି । ସୋସିଆଲ ମିଡ଼ିଆରେ ଅଭିନେତାଙ୍କ ଏକ ଭିଡ଼ିଓ ସାମ୍ନାକୁ ଆସିଛି । ଯେଉଁଥିରେ ସେ ନିଜ ଟିମ୍ ମଧ୍ୟରେ କେକ୍ କାଟୁଛନ୍ତି । ଟାଇଗର ଶ୍ରାଫଙ୍କ ହେୟାର ଷ୍ଟାଇଲିଷ୍ଟ ଅମିତ ୟଶଓ୍ବନ୍ତ ନିଜ ଇନଷ୍ଟାଗ୍ରାମରେ ଏକ ଭିଡ଼ିଓ ସେୟାର କରିଛନ୍ତି । ଯେଉଁଥିରେ ଅଭିନେତା କେକ୍ କାଟିବା ଏବଂ ତାଙ୍କ ପୂରା ଟିମ୍ ତାଙ୍କୁ ଶୁଭେଚ୍ଛା ଦେବାର ନଜର ଆସିଛନ୍ତି । ଅମିତ ସେୟାର କରିଥିବା ଭିଡ଼ିଓ ସହ କ୍ୟାପଶନରେ ଲେଖିଛନ୍ତି କି ହାପି ବର୍ଥଡେ ଭାଇ ।
ଭିଡ଼ିଓରେ ଟାଇଗର କେକ୍ କାଟି ନିଜେ ଖାଉଛନ୍ତି ଏବଂ ଟିମ୍ ସହ ହସ- ମଜାକ୍ କରୁଥିବା କ୍ୟାମେରାରେ କଏଦ୍ ହୋଇଛି । ଆକ୍ସନରେ ପରଫେକ୍ଟ ହେବା ସହ ଭଲ ଡ୍ୟାନ୍ସର ରୂପରେ ଲୋକପ୍ରିୟ ଟାଇଗରଙ୍କ ଅଭିନୟ କ୍ୟାରିୟର ଉପରେ ଯଦି ଆମେ ନଜର ପକାଇବା ତେବେ ସାଜିତ ନାଡିୟାଡଓ୍ବାଲା ‘ହିରୋପନ୍ତି’ରେ ଲଞ୍ଚ୍ କରିଥିଲେ । ଫିଲ୍ମରେ ଟାଇଗରଙ୍କ ସହ କୃତି ସେନନ ମୁଖ୍ୟ ଭୂମିକାରେ ନଜର ଆସିଥିଲେ । ପ୍ରଥମ ଫିଲ୍ମରେ ହିଁ ତାଙ୍କ ଡ୍ୟାନ୍ସିଂ ସ୍କିଲ୍ ଏବଂ ଅଭିୟନର ଯାଦୁ ଦେଖିବାକୁ ମିଳିଥିଲା ।
