PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆପଡା ସାଲେଭଟା ଛକରେ ରକ୍ତାକ୍ତ ଅବସ୍ଥାରେ ଯୁବକ-ଯୁବତୀ ଉଦ୍ଧାର
  • ||
  • ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷାରେ ଗୁରୁତର ତ୍ରୁଟି, ହେଲିକପ୍ଟର ଉଡାଣ ଭରିବା କ୍ଷଣି ମଝି ଆକାଶରେ ଦେଖାଗଲା କଳା ବେଲୁନ୍, ୪ କଂଗ୍ରେସ କର୍ମୀ ଗିରଫ
  • ||
  • ବିଧାନସଭା ଭିତରକୁ ଧସେଇ ପଶିବାକୁ ଉଦ୍ୟମ ବେଳେ ପୋଲିସ-ଛାତ୍ର କଂଗ୍ରେସ ମଧ୍ୟରେ ଧସ୍ତାଧସ୍ତି
  • ||
  • ନୂଆପଡା ଉଦ୍ୟାନବନ୍ଧ କ୍ରିଷ୍ଣା ଛକରେ ଟ୍ରକ ଧକ୍କାରେ ୪ ଜଣଙ୍କ ମୃତ୍ୟୁ
  • ||
  • ବୌଦ୍ଧ : କଣ୍ଟାମାଳ ବ୍ଲକ୍ ମନମୁଣ୍ଡା ରେଞ୍ଜ୍ ଅନ୍ତର୍ଗତ ରତାଖଣ୍ଡି ସଂରକ୍ଷିତ ଜଙ୍ଗଲରେ ଫାଶରେ ପଡ଼ି ଏକ ଭାଲୁର ମୃତ୍ୟୁ
  • ||
  • କୋଲକାତା : ମାତ୍ର ୭୫ ଟଙ୍କା ପାଉଣା ଫେରସ୍ତ ଦାବିରେ ଦେଖାଦେଇଥିଲା ଅଶାନ୍ତି, ନମାଜ ପଢ଼ି ଫେରିବା ବାଟରେ ବୃଦ୍ଧଙ୍କୁ ପିଟିପିଟି ହତ୍ୟା
  • ||
  • ଭୁବନେଶ୍ବର : ୨୦୧୯ ରୁ ୨୦୨୨ ମଧ୍ୟରେ ରାଜ୍ୟରେ ପଞ୍ଜିକୃତ ହୋଇଛି ୧୦ ହଜାର ୧୨୯ ଦୁଷ୍କର୍ମ ମାମଲା : ଗୃହରାଷ୍ଟ୍ର ମନ୍ତ୍ରୀ
  • ||
  • ଭୁବନେଶ୍ବର : ଜୁଲାଇ ୬ରେ ମାଟ୍ରିକ ପରୀକ୍ଷା ଫଳ ଘୋଷଣା । ଦିନ ୧ଟାରେ ପ୍ରକାଶ ପାଇପ ରେଜଲ୍ଟ । ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ସୂଚନା ।
  • ||
  • ଗୋଚ୍ଛାପଡ଼ା/ଫୁଲବାଣୀ : ବହୁଚର୍ଚ୍ଚିତ ଯୋଡ଼ାମୁଣ୍ଡ ଶିଶୁ ଜଗାର ଖପୁରି ୩ ବର୍ଷ ମଧ୍ୟରେ ପ୍ରତିରୋପଣ କରାଯିବ । ଦିଲ୍ଲୀ ଏମସ୍‌ ନ୍ୟୁରୋ ସର୍ଜରୀ ଡାକ୍ତର ଦୀପକ ଗୁପ୍ତାଙ୍କ ସୂଚନା ।
  • ||
  • ନୂଆଦିଲ୍ଲୀ : ଆନ୍ଧ୍ରପ୍ରଦେଶ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅଲ୍ଲୁରୀ ସୀତାରାମ ରାଜୁଙ୍କ ପ୍ରତିମୂର୍ତ୍ତି କରିବେ ଉନ୍ମୋଚନ
  • ||
  • କୋଟପାଡ଼ : କୋଟପାଡ଼ ମୀନାବଜାରରେ ଦୋଳି ଖେଳୁଥିବା ବେଳେ ଜଣେ ନାବଳିକାଙ୍କ ହୃଦ୍‌ଘାତରେ ମୃତ୍ୟୁ
  • ||
  • ମୁମ୍ବାଇ: ମହାରାଷ୍ଟ୍ର ରାଜନୀତିରେ ପୁଣିଥରେ ଏକନାଥଙ୍କ ବାଜିମାତ୍। ଫ୍ଳୋର ଟେଷ୍ଟରେ ବହୁମତ ହାସଲ କରିଛନ୍ତି ସିନ୍ଦେ। ସିନ୍ଦେଙ୍କୁ ୧୬୪ ସଦସ୍ୟ ସମର୍ଥନ କରିଥିବା ସୂଚନା।
  • ||
  • ଧର୍ମଗଡ଼ : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଚଞ୍ଚରମୁଣ୍ଡା ଛକ ବିଜୁ ଏକ୍ସପ୍ରେସ୍ ରାସ୍ତା କଡ଼ରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ନୂଆଦିଲ୍ଲୀ : ହିମାଚଳ ପ୍ରଦେଶର କୁଲ୍ଲୁରେ ବସ୍ ଦୁର୍ଘଟଣା, ସ୍କୁଲ ପିଲାଙ୍କ ସମେତ ୧୬ଜଣଙ୍କର ମୃତ୍ୟୁ ଆଶଙ୍କା
  • ||
  • ନୂଆଦିଲ୍ଲୀ : ମିସ୍ ଇଣ୍ଡିଆ ୱାର୍ଲ୍ଡ ୨୦୨୨ : ବିଜୟ ମୁକୁଟ ପିନ୍ଧିଲେ ସିନି ଶେଟ୍ଟୀ
  • ||
  • ନୂଆଦିଲ୍ଲୀ : ଭାଙ୍ଗିଗଲା ଆଲପାଇନ୍ ଗ୍ଲାସିୟରର ବିଶାଳ ଖଣ୍ଡ, ୫ ମୃତ
  • ||
  • ଭୁବନେଶ୍ବର : ମାଟ୍ରିକ୍ ରେଜଲ୍ଟ ପ୍ରକାଶ ନେଇ ବୋର୍ଡର ସମସ୍ତ ପ୍ରସ୍ତୁତି ଶେଷ, ସଚିବାଳୟରେ ଆଜି ନିଆଯିବ ଚୂଡ଼ାନ୍ତ ନିଷ୍ପତ୍ତି
  • ||
  • ବାଲିପାଟଣା : ବାଲିଘାଟକୁ କେନ୍ଦ୍ର କରି ଯୁବକଙ୍କୁ ଖଣ୍ଡାମାଡ଼, ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି
  • ||
  • ନୂଆଦିଲ୍ଲୀ : ଆଇସିୟୁରେ ଭର୍ତ୍ତି ହେଲେ ଲାଲୁ ଯାଦବ, ପଡ଼ିଯିବା କାରଣରୁ ହୋଇଥିଲେ ଆହତ
  • ||
  • ଡେନମାର୍କ : ଡେନମାର୍କର ସପିଂ ମଲରେ ଫୁଟିଲା ଗୁଳି, ୩ଜଣଙ୍କର ମୃତ୍ୟୁ
  • ||

ଜୀବନ ନେଲା ଟିକ୍‌ଟକ୍‍ ଆପ୍‍! ଫଟୋ ଭାଇରାଲ୍‌ ହେବାରୁ ଛାତ୍ରୀଙ୍କ ଆତ୍ମହତ୍ୟା

କେନ୍ଦ୍ରାପଡ଼ା/ମାର୍ଶାଘାଇ,୨୭ା୫(ଆପ୍ର): ସୋସିଆଲ ମିଡ଼ିଆରେ ଖୁବ୍‍ ଅଳ୍ପ ଦିନରେ ଲୋକପ୍ରିୟ ହୋଇପଡ଼ିଥିବା ଟିକ୍‌ଟକ୍‌ ଆପ୍‌ ପ୍ରାଣଘାତୀ ସାବ୍ୟସ୍ତ ହୋଇଛି । ଏହି ଆପ୍‌ରେ ନିଜ ଫଟୋ ଓ ଭିଡ଼ିଓ ଭାଇରାଲ୍‌ ହୋଇଥିବା ଜାଣି ମର୍ମାହତ ହୋଇ ଜଣେ ହାଇସ୍କୁଲ ଛାତ୍ରୀ ଜୀବନ ହାରିଥିବା ଅଭିଯୋଗ ହୋଇଛି । ବେକରେ ରଶି ଲଗାଇ ଛାତ୍ରୀ ଜଣକ ଆତ୍ମହତ୍ୟା କରିଛନ୍ତି । ଗତ ୨୦ ତାରିଖରେ ସେ ଆତ୍ମହତ୍ୟା କରିଥିଲେ । ଝିଅର ଆତ୍ମହତ୍ୟାର କାରଣ ବାବଦରେ ପ୍ରଥମେ ପରିବାର ଲୋକେ ଜାଣିପାରି ନଥିଲେ ବି ପରେ ଏକଥା ଜାଣି ରାଜ୍ୟପାଳ, ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ସମେତ ପୁଲିସ ଡିଜି, କେନ୍ଦ୍ରାପଡ଼ା ଏସ୍‌ପିଙ୍କ ପାଖକୁ ପତ୍ର ଲେଖି ନ୍ୟାୟ ପାଇଁ ନିବେଦନ କରିଛନ୍ତି ।

କେନ୍ଦ୍ରାପଡ଼ା ଜିଲ୍ଲା ପାଟକୁରା ଥାନା ମାର୍ଶାଘାଇ ବ୍ଲକ୍‍ ଅଧୀନ ଏକ ଗ୍ରାମରେ ଏଭଳି ଅଘଟଣ ଘଟିଛି । ସୋସିଆଲ ମିଡ଼ିଆରେ ଉକ୍ତ ହାଇସ୍କୁଲ ଛାତ୍ରୀଙ୍କ ଫଟୋକୁ ଏଡିଟ୍‌ କରି ଜଣେ ଯୁବକ ସହ ଯୋଡ଼ି ଭାଇରାଲ୍‌ କରାଯାଇଥିଲା । ଯେଉଁଥିରେ ଜଣେ ଯୁବକ ଉକ୍ତ ଛାତ୍ରୀଙ୍କୁ ପ୍ରେମ ନିବେଦନ କରୁଥିବାର ଦୃଶ୍ୟ ରହିଥିଲା । ଏହା ଅଞ୍ଚଳରେ ଚହଳ ପକାଇବା ପରେ ଛାତ୍ରୀ ଜଣକ ଚରମ ପଦକ୍ଷେପ ନେଇ ଜୀବନ ହାରିଥିବା ପରିବାର ଲୋକେ ଅଭିଯୋଗ କରିଛନ୍ତି । ପ୍ରାପ୍ତ ସୂଚନା ଅନୁଯାୟୀ, ଚଳିତ ବର୍ଷ ଛାତ୍ରୀ ଜଣକ ମାଟ୍ରିକ୍‍ ପରୀକ୍ଷା ଦେଇଥିଲେ । ପରୀକ୍ଷାଫଳ ପ୍ରକାଶନର ପୂର୍ବ ଦିନ ସେ ଆତ୍ମହତ୍ୟା କରିଥିଲେ । ତାଙ୍କ ଆତ୍ମହତ୍ୟାର କାରଣ ସଂପର୍କରେ ପ୍ରଥମେ ପରିବାର ଲୋକେ କିଛି ଜାଣି ପାରି ନଥିଲେ । ମାତ୍ର ଭାଇରାଲ୍‌ ଭିଡ଼ିଓ ଯୋଗୁଁ ମର୍ମାହତ ହୋଇ ଲଜ୍ଜାବୋଧ କରି ସେ ଆତ୍ମହତ୍ୟା କରିଥିବା ତାଙ୍କ ଭାଇ ପରେ ଜାଣିଥିଲେ ।

ତାଙ୍କ ଭାଇଙ୍କ ଅଭିଯୋଗରୁ ଜଣାପଡିଛି ଯେ, ଭଉଣୀ ହାଇସ୍କୁଲ ବୋର୍ଡ ପରୀକ୍ଷା ଆଗରୁ ଫର୍ମ ଫିଲ୍‌ଅପ୍‍ କରିବା ବେଳେ ଆବଶ୍ୟକତା ଦୃଷ୍ଟିରୁ ପାସ୍‌ପୋର୍ଟ ଫଟୋ ଗାଁ ପାଖ ଏକ ଷ୍ଟୁଡ଼ିଓରେ ଉଠାଇଥିଲେ । ପରେ ସେ ସେଠାରୁ ଫଟୋ ବି ସଂଗ୍ରହ କରିଥିଲେ । ହେଲେ ପାସ୍‌ପୋର୍ଟ ଫଟୋ ଉଠାଇବା ବାହାନାରେ ଫଟୋଗ୍ରାଫର ଜଣକ ତାଙ୍କର କିଛି ଫୁଲ୍‍ ଫଟୋ ଉତ୍ତୋଳନ କରିଥିଲେ । ଯାହା ଜାଣି ପାରି ନଥିଲେ ଛାତ୍ରୀ ଜଣକ । ପରେ ଛାତ୍ରୀ ଜଣକ ଫଟୋ ନେଇ ସେଠାରୁ ପଳାଇ ଆସିବା ପରେ ଫଟୋଗ୍ରାଫର ଯେ କି ତାଙ୍କର ଜଣେ ପଡ଼ୋଶୀ, ଛାତ୍ରୀଙ୍କ ଫଟୋକୁ ଅନ୍ୟ ଜଣେ ଯୁବକଙ୍କ ସହ ଯୋଡ଼ି ଭାଇରାଲ୍‌ କରିଥିଲେ ।

ଜଣେ ଯୁବକ ଉକ୍ତ ଛାତ୍ରୀଙ୍କୁ ପ୍ରେମ ନିବେଦନ କରୁଥିବାର ଏକ ଫଟୋକୁ ଟିକ୍‌ଟିକ୍‍ ଆପ୍‌ ଜରିଆରେ ସଙ୍ଗୀତର ତାଳେତାଳେ ସେଟ୍‌ କରି ସେ ଭାଇରାଲ କରାଇଥିଲେ । କ୍ରମେ ସୋସିଆଲ୍‌ ମିଡ଼ିଆରେ ଏହି ଫଟୋ ଭାଇରାଲ୍‌ ହୋଇ ବୁଲିବା କଥା ଜାଣିବା ପରେ ଛାତ୍ରୀ ଜଣକ ମର୍ମାହତ ହୋଇ ଆତ୍ମହତ୍ୟା କରିଥିଲେ । ଭଉଣୀ ଆତ୍ମହତ୍ୟା କରିଥିବା ସଂକ୍ରାନ୍ତରେ ତାଙ୍କ ଭାଇ ଥାନାରେ ଅଭିଯୋଗ କରିଥିଲେ । ମାତ୍ର ଭିଡିଓ ଭାଇରାଲ ଯୋଗୁଁ ଭଉଣୀ ଆତ୍ମହତ୍ୟା କରିଥିବା କଥା ଜାଣିବା ପରେ ସେ ଘଟଣା ସଂକ୍ରାନ୍ତରେ ଥାନାରେ ଜଣାଇବା ସହ ଏ ବାବଦରେ କେନ୍ଦ୍ରାପଡ଼ା ଏସ୍‌ପି, ପୁଲିସ ଡିଜି, ରାଜ୍ୟପାଳ, ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ଜଣାଇ ତଦନ୍ତ ଦାବି କରିଛନ୍ତି । ଇତିମଧ୍ୟରେ ପୁଲିସ କିଛି କାର୍ଯ୍ୟାନୁଷ୍ଠାନ ନେଇ ନଥିବାରୁ ଅଭିଯୁକ୍ତ, ତାଙ୍କ ସହଯୋଗୀ ଉକ୍ତ ଛାତ୍ରୀଙ୍କ ପରିବାରକୁ ଧମକ ଦେଉଥିବା ଅଭିଯୋଗ ହୋଇଛି ।

ବିଳମ୍ୱରେ ଥାନାରେ ରିପୋର୍ଟ ସହ ମୃତ୍ୟୁର ୮ ଦିନ ପରେ ବି କୌଣସି କାର୍ଯ୍ୟାନୁଷ୍ଠାନ ନହେବା ତଦନ୍ତର ସ୍ୱଚ୍ଛତା ନେଇ ପ୍ରଶ୍ନ ଉଠାଇଛି । ପାଟକୁରା ଆଇଆଇସି ସୁଜିତ ପ୍ରଧାନ କହିଛନ୍ତି, ଅଭିଯୋଗ ପାଇବା ପରେ ଘଟଣାର ତଦନ୍ତ କରୁଛୁ । ଅଭିଯୁକ୍ତ ଫେରାର ଅଛି, ତାଙ୍କୁ ତୁରନ୍ତ ଧରାଯିବା ଲାଗି ଉଦ୍ୟମ ହେଉଛି । ମୃତା ଛାତ୍ରୀ ମାଟ୍ରିକ ପରୀକ୍ଷାରେ ଦ୍ୱିତୀୟ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି ।