କୋଲକାତା,୨୬।୫: ପଶ୍ଚିମବଙ୍ଗ ରାଜନୀତିରୁ ସାମ୍ନାକୁ ଆସିଛି ଏକ ଚକିତ କରିଦେବା ଭଳି ଖବର। ବିଧାନସଭା ନିର୍ବାଚନରେ ଶୋଚନୀୟ ପରାଜୟ ପରେ ତୃଣମୂଳ କଂଗ୍ରେସକୁ ଆଉ ଏକ ବଡ଼ ଝଟକା। ବାରସାତର ଶକ୍ତିଶାଳୀ ଟିଏମସି ସାଂସଦ କାକୋଲି ଘୋଷ ଦସ୍ତିଦାର ମଙ୍ଗଳବାର କଲ୍ୟାଣୀରେ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କ ଦ୍ୱାରା ଆୟୋଜିତ ଏକ ହାଇ ପ୍ରୋଫାଇଲ୍ ପ୍ରଶାସନିକ ବୈଠକରେ ଯୋଗ ଦେଇଥିଲେ। ଏକ ରିପୋର୍ଟ ଅନୁଯାୟୀ, କାକୋଲିଙ୍କ ସହିତ ଉତ୍ତର ୨୪ ପରଗନାର ଅନ୍ୟ ଦୁଇ ଜଣ ଟିଏମସି ବିଧାୟକ ମଧ୍ୟ ଥିଲେ। ଟିଏମସି ସହ ଲଗାତାର ବଢୁଥିବା ଦୂରତ୍ବ ଏବଂ ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀଙ୍କ ସହ ଏହି ସାକ୍ଷାତ ବଙ୍ଗଳା ରାଜନୀତିରେ ଦଳବଦଳର ସଫା ସଙ୍କେତ ଦେଇଛି।
ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ମଙ୍ଗଳବାର କଲ୍ୟାଣୀରେ ଉତ୍ତର ୨୪ ପରଗନା, ନଦିଆ ଏବଂ ହୁଗଲି ଜିଲ୍ଲାର ଉଚ୍ଚ ପ୍ରଶାସନିକ ଅଧିକାରୀଙ୍କ ସହିତ ଏକ ଗୁରୁତ୍ୱପୂର୍ଣ୍ଣ ସମୀକ୍ଷା ବୈଠକ କରୁଥିଲେ। ବୈଠକରେ ଟିଏମସି ସାଂସଦ କାକୋଲି ଘୋଷ ଦସ୍ତିଦାରଙ୍କ ହଠାତ୍ ଉପସ୍ଥିତି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା। ସରକାର ଗଠନ କରିବା ପରେ, ମୁଖ୍ୟମନ୍ତ୍ରୀ ଶୁଭେନ୍ଦୁ ଅଧିକାରୀ ଘୋଷଣା କରିଥିଲେ ଯେ ରାଜ୍ୟର ବିକାଶ ପାଇଁ ବିରୋଧୀ ଦଳର ଜନପ୍ରତିନିଧିମାନଙ୍କୁ ପ୍ରଶାସନିକ ବୈଠକକୁ ସେ ନିମନ୍ତ୍ରଣ କରିବେ। ଏହି ନିଷ୍ପତ୍ତିର ଏକ ଅଂଶ ଭାବରେ କାକୋଲିଙ୍କୁ ନିମନ୍ତ୍ରଣ କରାଯାଇଥିଲା। କିନ୍ତୁ ସେ ବୈଠକରେ ପହଁଞ୍ଚିବା ଟିଏମ୍ସି ପାଇଁ ବଡ଼ ଝଟକା ବୋଲି ମନେକରାଯାଉଛି।
ଏହି ପ୍ରଶାସନିକ ବୈଠକର ସବୁଠାରୁ ଖାସ୍ ଏବଂ ଆଶ୍ଚର୍ଯ୍ୟଜନକ କଥା ଏହା ଥିଲା ଯେ କେବଳ ସାଂସଦ କାକୋଲି ଘୋଷ ଦସ୍ତିଦାର ନୁହନ୍ତି, ବରଂ ଉତ୍ତର ୨୪ ପ୍ରଗଣା ଜିଲ୍ଲାର ଦୁଇ ଜଣ ତୃଣମୂଳ କଂଗ୍ରେସ ବିଧାୟକ ମଧ୍ୟ ନୀରବରେ ଯୋଗ ଦେଇଥିଲେ। ବଙ୍ଗଳା ମୁଖ୍ୟମନ୍ତ୍ରୀଙ୍କ ବୈଠକରେ ଏହି ବିଧାୟକମାନଙ୍କ ଉପସ୍ଥିତି ଟିଏମସି ଶିବିର ମଧ୍ୟରେ ହଇଚଇ ସୃଷ୍ଟି କରିଛି। ନିର୍ବାଚନରେ ପରାଜୟ ପରେ, ଟିଏମସି ଅସ୍ଥିର ହୋଇପଡ଼ିଛି। ତୃଣମୂଳ କର୍ମୀ ଏବଂ ଅନେକ ପ୍ରମୁଖ ନେତା ଏବେ ମମତା ବାନାର୍ଜୀଙ୍କୁ କରି ବିଜେପି ଏବଂ ଶୁଭେନ୍ଦୁ ଅଧିକାରୀଙ୍କୁ ସମର୍ଥନ କରିଛନ୍ତି।
