ସୁନ୍ଦରଗଡ଼, ୨୬/୦୮ : ବଢି ପାଣିରେ ଭାସିଗଲା କୋଇଲା ବୋଝେଇ ଟ୍ରେଲର। ସୁନ୍ଦରଗଡ଼ ଜିଲ୍ଲା ସାହାଜ ବାହାଲ ଝଣ୍ଟେଲ ବୁଡ଼ ନିକଟ ବ୍ରିଜ୍ରେ ଏକ ଟ୍ରେଲର ପାରି ହେଉଥିବା ବେଳେ ଏହି ଅଘଟଣ ଘଟିଛି। ଟ୍ରେଲର ଭିତରୁ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଆଉ ଜଣେ ନିଖୋଜ ଅଛନ୍ତି।
ସୂଚନାନୁଯାୟୀ, ଲଗାଣ ବର୍ଷରେ ନଦୀ ଜଳସ୍ତର ବୃଦ୍ଧି ପାଇବା ଯୋଗୁଁ ସାହାଜ ବାହାଲ ଝଣ୍ଟେଲ ବୁଡ଼ ନିକଟ ପୁରୁଣା ବ୍ରିଜ୍ ସମ୍ପୂର୍ଣ୍ଣ ବୁଡ଼ି ଯାଇଥିଲା। ଏହି ବ୍ରିଜ୍ ପାରି ହେଉଥିବା ବେଳେ ଏକ କୋଇଲା ବୋଝେଇ ଟ୍ରେଲର ଭାରସାମ୍ୟ ହରାଇ ନଦୀକୁ ଓଲଟି ପଡିଥିଲା। ପ୍ରଖର ଜଳସ୍ରୋତରେ ଟ୍ରେଲରଟି ଭାସି ଯାଇଥିଲା। ଟ୍ରେଲର ଭିତରୁ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଆଉ ଜଣେ ନିଖୋଜ ଅଛନ୍ତି। ଦୁର୍ଘଟଣା ବେଳର ଭୟାନକ ଭିଡିଓ ଏବେ ଭାଇରାଲ୍ ହେଉଛି। ସ୍ଥାନୀୟ ପୁଲିସ ଓ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଥିବା ଜଣାପଡ଼ିଛି।
