ପ୍ରମୂଖ ଖବର
  • ଜୟଦେବ ବିହାର-ନନ୍ଦନକାନନ ଏଲିଭେଟେଡ୍‌ ରୋଡ୍‌ କରିଡର, ଦୁଇଥାକିଆ ରାସ୍ତା ପାଇଁ ହେବ ସାନି ଟେଣ୍ଡର
  • ||
  • ବ୍ରହ୍ମପୁର : ସଦର ଥାନା ଅନ୍ତର୍ଗତ ବୁଢ଼ୀଘରା ନିକଟରେ ଭାରସାମ୍ୟ ହରାଇ ଓଲଟିଲା ଅଟୋ, ଜଣେ ମୃତ ୪ ଆହତ
  • ||
  • ଚିନ୍ତା ବଢ଼ାଇଛି କରୋନାର ନୂଆ ଭାରିଆଣ୍ଟ: ସିଙ୍ଗାପୁର, ହଂକଂରେ ବଢ଼ିଲା ସଂକ୍ରମଣ, ଚୀନ୍‌ ଓ ଥାଇଲାଣ୍ଡକୁ ଆଲର୍ଟ ଜାରି
  • ||
  • IPL 2025 : ଆଜି ସୁପରକିଙ୍ଗ୍‌ସ-ରାଜସ୍ଥାନ ରୟାଲ୍ସ ମୁକାବିଲା
  • ||
  • ଯୁଦ୍ଧବିରତି ପାଇଁ ରାଜି ହେଲା ଋଷ; ପୁଟିନ ଓ ଟ୍ରମ୍ପଙ୍କ ମଧ୍ୟରେ ହେଲା ଫୋନରେ ବାର୍ତ୍ତାଳାପ
  • ||
  • ଆସନ୍ତା ୨୧ରୁ ୨୩ ଯାଏ ବଢ଼ିବ କାଳବୈଶାଖୀ, ଆଜି ୧୮ ଜିଲ୍ଲାକୁ ଆଲର୍ଟ ଜାରି: ଉପକୂଳ ଗରମ ଓ ଗୁଳୁଗୁଳି ଜାରି
  • ||

ଟିଭି ଚ୍ୟାନେଲ ଗୁଡ଼ିକୁ ସତର୍କ କରାଇଲେ ହରିଆଣାର ମନ୍ତ୍ରୀ ; କହିଲେ ବାରମ୍ୱାର ସାଇରନ୍‌ ବଜାନ୍ତୁ ନାହିଁ, ଯଦି ଅସଲରେ ବାଜି ଯାଏ ତ ...

Published By : Prameya | May 9, 2025 6:35 PM

ଚଣ୍ଡିଗଡ଼ : ଭାରତ –ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ମଧ୍ୟରେ ହରିଆଣାର ମନ୍ତ୍ରୀ ତଥା ବିଜେପିର ବରିଷ୍ଠ ନେତା ଅନିଲ ଭିଜ୍‌ ସବୁ ଟିଭି ଚ୍ୟାନେଲ ଗୁଡ଼ିକୁ କରିଛନ୍ତି ସତର୍କ। କହିଛନ୍ତି ନିଜର ଶୋ’ ଗୁଡ଼ିକରେ ବାରମ୍ୱାର ସାଇରନ ବଜାନ୍ତୁ ନାହିଁ। ଏମିତି ନହେଉ କି ଅସଲ ସାଇରନ ବାଜିବା ବେଳେ ଲୋକେ ଟିଭି ଚ୍ୟାନେଲ୍‌ର ସାଇରନ ଭାବି ଭୁଲ୍ କରି ବସିବେ। ସେ ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି , ସବୁ ଚ୍ୟାନେଲ୍ ଗୁଡ଼ିକୁ ଅନୁରୋଧ କରାଯାଉଛି କି , ସେ ନିଜ ଚ୍ୟାନେଲ୍‌ ଗୁଡ଼ିକ ଉପରେ ବାରମ୍ୱାର ବିପଦର ସାଇରନ ବଜାନ୍ତୁ ନାହିଁ , କାରଣ ଯଦି କେବେ ଅସଲ ସାଇରନ ବାଜିଯାଏ ତ ଲୋକେ ଏହାକୁ ମଧ୍ୟ ଟିଭିର ସାଇରନ ଭାବି , ଯେଉଁ ସୁରକ୍ଷା ପଦକ୍ଷେପ ନେବା କଥା ,ତାହା ନେଇ ପାରିବେ ନାହିଁ।

ଅନିଲ ଭିଜ୍‌ କହିଛନ୍ତି , ଯୁଦ୍ଧ ତ ହେଉଛି ଏବଂ ପାକିସ୍ତାନ କାନ୍ଦୁଛି। ଆଗକୁ ଆଗକୁ ଦେଖ କଣ ହେଉଛି...ଦେଶବାସୀ ସବୁ ଏକାଠି ହୋଇ ପିଏମ୍‌ ମୋଦିଙ୍କ ପଛରେ ଠିଆ ହୋଇଛନ୍ତି , ପିଏମ୍‌ ମୋଦି ଏହି ଲଢେଇର ନାୟକ ଏବଂ ଦେଶବାସୀ ଆମର ସେନା ସହ ମଧ୍ୟ ଠିଆ ହୋଇଛନ୍ତି। ସେ ଗୁରୁବାର ସନ୍ଧ୍ୟାରେ ପାକିସ୍ତାନ ଦ୍ୱାରା ସୀମାବର୍ତ୍ତୀ ସହର ଗୁଡ଼ିକରେ ଡ୍ରୋନ୍‌ ଓ ମିସାଇଲ ମାଡ଼ କରାଯିବା ଉପରେ କହିଛନ୍ତି କି, ସେ ସବୁ ଚାଇନିଜ୍‌ ଖେଳନା ଥିଲା। ଯେବେ ଚାଇନିଜ୍‌ ଖେଳନା ଚାଲୁନି ତ ଡ୍ରୋନ୍‌ କେଉଁଠୁ ଚାଲିବ, ଏହା ତ ଆମର ପିଲାଙ୍କୁ ପଚାରି ନିଅ। 

କହି ରଖୁଛୁ କି , ଗତ ମାସ ୨୨ ଅପ୍ରେଲରେ ପହଲଗାମରେ ହୋଇଥିବା ଆତଙ୍କୀ ହମଲା ପରେ ଭାରତ ମଙ୍ଗଳବାର ( ୬ମେ)ର ଅଧ ରାତିରେ ପାକିସ୍ତାନ ଓ ପିଓକେରେ ପଶି ୯ ଆତଙ୍କୀ ସ୍ଥାନ ଉପରେ ମିସାଇଲ ଆଟାକ୍‌ କରିଥିଲା, ଯେଉଁଥିରେ ପାକିସ୍ତାନ ବିଚଳିତ ହୋଇ ଯାଇଛି। ଏହାପରେ ପାକିସ୍ତାନ ବୁଧବାର ଓ ଗୁରୁବାର ଭାରତର ସୀମାବର୍ତ୍ତୀ ସହର ଓ ସାମରିକ ସ୍ଥାନ ଉପରେ ହମଲା କରିଥିଲା। ଗୁରୁବାର ପାକିସ୍ତାନ , ଜମ୍ମୁ-କାଶ୍ମୀର , ପଞ୍ଜାବ , ରାଜସ୍ଥାନ ଓ ଗୁଜରାଟର ନିକଟବର୍ତ୍ତୀ ୩୦ଟି ସହରରେ ୬୦୦ରୁ ଅଧିକ ଡ୍ରୋନ୍‌ ଆକ୍ରମଣ କରିଛି। 

ଏମିତି ହମଲା ଓ ବିପଦକୁ ଚିହ୍ନଟ କରି ସରକାରୀ ଓ ସୁରକ୍ଷା ଏଜେନ୍ସି ଗୁଡ଼ିକ ସାଇରନ ବଡ ବଜାଇ ଲୋକଙ୍କୁ ସତର୍କ କରିଥାନ୍ତି , ଯାହାକି ଲୋକେ ନିଜକୁ ସୁରକ୍ଷିତ ସ୍ଥାନରେ ପହଞ୍ଚାଇ ପାରିବେ ଏବଂ ସହରରେ ବ୍ଲାକ୍‌ଆଉଟ୍‌ କରି ପାରିବେ। ଏହି ମଧ୍ୟରେ ଅନେକ ଟିଭି ଚ୍ୟାନେଲ ମଧ୍ୟ ଏହିପରି ରିପୋର୍ଟିଂ କରି ସାଇରନ ବଜାଉଛନ୍ତି। ହରିଆଣାର ମନ୍ତ୍ରୀ ଏଥିପାଇଁ ଚ୍ୟାନେଲ ଗୁଡ଼ିକୁ ବିଶେଷ ଅପିଲ୍‌ କରିଛ୍ତି ।

 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.