PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାବୁଲ ସ୍ଥିତ ଏକ ମସଜିଦ୍‌ରେ ଭୟଙ୍କର ବିସ୍ଫୋରଣ , ବିସ୍ଫୋରଣରେ ୨୦ ମୃତ , ୪୦ ଆହତ , ଆହତଙ୍କୁ ନିଆଯାଉଛି ହସ୍ପିଟାଲ
  • ||
  • ଭୁବନେଶ୍ବର : ରାଜ୍ୟରେ ଆଉ ୪ ଦିନ ଏଭଳି ବନ୍ୟା ସ୍ଥିତି ରହିବ, ଆଗାମୀ ୨୪ ଘଣ୍ଟା ଆମ ପାଇଁ ଗୁରୁତ୍ୱପୂର୍ଣ୍ଣ ବୋଲି ଏସଆରସିଙ୍କ ସୂଚନା
  • ||
  • ବୌଦ୍ଧ : ବୌଦ୍ଧ ଜିଲ୍ଲା ଭେଜିଗୋରା ଗ୍ରାମରେ ପାଣି ଘେରରେ ଥିବା ଗର୍ଭବତୀ ମହିଳା ଓ ଅନ୍ୟ ଜଣେ ମହିଳାଙ୍କୁ ଉଦ୍ଧାର କରିଛନ୍ତି ଅଗ୍ନିଶମ କର୍ମଚାରୀ
  • ||
  • ଭଦ୍ରକ : ଭଦ୍ରକ ଜିଲ୍ଲା ଧାମନଗର ବ୍ଲକ କାସିମପୁର ପଞ୍ଚାୟତ ହେମେନ୍ଦ୍ର ନାଥ ହାଇସ୍କୁଲରେ କ୍ଲାସ ରୁମ୍‌ରେ ପଶିଲା ବନ୍ୟା ପାଣି, ବାତିଲ ହେଲା ପରୀକ୍ଷା
  • ||
  • ସୋର : ବାଲେଶ୍ବର ଜିଲ୍ଲା ନୀଳଗିରି ଅଧିନ ଔପଦା ବ୍ଲକର ବିଡ଼ିଓ ଅଭିଷେକ ଦାସଙ୍କର ବଦଳିକୁ ନେଇ ବୁଧବାର ଔପଦା ବ୍ଲକ୍ ସମ୍ମୁଖରେ ସରପଞ୍ଚ, ସମିତି ସଭ୍ୟ/ସଭ୍ୟା, ବୁଦ୍ଧିଜୀବୀ, ଔପଦାର ଜନସାଧାରଣଙ୍କ ଧାରଣା
  • ||
  • ଜଗତସିଂହପୁର : ତିର୍ତ୍ତୋଲ ବ୍ଲକର ଗୋତିଆକୁଦ ଗାଁରେ ହଠାତ ପାଣି ବଢିଯିବାରୁ ଗୋଟିଏ ପରିବାରର ୩ ଜଣ ଫଶି ରହିଥିଲେ, ବୁଧବାର ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କରିଛି
  • ||
  • କଟକ : ମୁଣ୍ଡଳୀରେ କମୁଛି ଜଳସ୍ତର, ତଥାପି ଵିପଦ ସଙ୍କେତ ଉପରେ ମହାନଦୀ
  • ||
  • ବାଲିପାଟଣା : ଧନୁଆ ନଦୀରେ ବନ୍ୟା, ବାଲିପାଟଣା ବ୍ଲକ୍‌ର ୫ଟି ପଞ୍ଚାୟତର ବିଭିନ୍ନ ଗାଁ ଜଳମଗ୍ନ
  • ||
  • ବାରିପଦା : ଆଇଟିଆଇ କଲେଜରେ ଆଦିବାସୀ ଛାତ୍ରଙ୍କୁ ମାଡ ଘଟଣା, ୧୨ ଘଣ୍ଟିଆ ମୟୁରଭଞ୍ଜ ବନ୍ଦ ଡାକରା
  • ||
  • କଣାସ : ମକରା ନଦୀରେ ୫୦ ଫୁଟର ଘାଇ, ୨୦ ରୁ ଅଧିକ ଗାଁରେ ପଶିଲା ବନ୍ୟାଜଳ
  • ||
  • ଜଳେଶ୍ବର : ତ୍ରୀର୍ଥଯାତ୍ରୀ ବସ୍‌କୁ ପିଟିଲା ମାଲବାହୀ ଟ୍ରକ୍, ଜଣେ ମୃତ ଓ ୪ ଗୁରୁତର
  • ||

ଉଦୟପୁର ହତ୍ୟାକାଣ୍ଡ ଘଟଣାରେ ୨ ଅଭିଯୁକ୍ତଙ୍କ ରହିଛି ପାକିସ୍ତାନୀ ଆତଙ୍କୀ ସଂଗଠନ ISIS ଲିଙ୍କ୍, ପରବର୍ତ୍ତୀ ଟାର୍ଗେଟ୍ ଥିଲେ ଜଣେ ବ୍ୟବସାୟୀ

ଜୟପୁର ୩୦/ ୦୬: ରାଜସ୍ଥାନ ଉଦୟପୁରରେ ଘଟିଥିବା ବିଭତ୍ସ ହତ୍ୟାକାଣ୍ଡ ଦେଶବାସୀଙ୍କୁ ସ୍ତବ୍ଧ କରିଦେଇଥିଲା । କହ୍ନେୟା ଲାଲ୍‌ ନାମକ ଜଣେ ଟେଲରଙ୍କୁ ଦୋକାନ ଭିତରେ ପଶି ଅତି ବିଭତ୍ସ ଭାବେ ଆକ୍ରମଣ କରି ହତ୍ୟା କରିଥିଲେ ଦୁଇ ଅଭିଯୁକ୍ତ । ଘଟଣା ପରେ ଭିଡିଓ ମଧ୍ୟ ଜାରି କରିଥିଲେ । ଏହାର ଠିକ୍‌ କିଛି ସମୟ ପରେ ପୋଲିସ ସେମାନଙ୍କୁ କାବୁ କରିବାରେ ସକ୍ଷମ ହୋଇଥିଲା ।

ଏବେ ଗିରଫ ଅଭିଯୁକ୍ତଙ୍କ ବାବଦରେ ନୂଆନୂଆ ତଥ୍ୟ ସାମ୍ନାକୁ ଆସିବାରେ ଲାଗିଛି । ଅଭିଯୁକ୍ତ ଗୋସ୍‌ ମହମ୍ମଦ ଏବଂ ରିୟାଜ ଅଖତାରୀର ପାକିସ୍ତାନୀ ଆତଙ୍କବାଦୀ ସଂଗଠନ ଆଇଏସ୍‌ଆଇଏସ୍‌ ସହ ଲିଙ୍କ ଥିବା ଖବର ମିଳିଛି । କେବଳ ସେତିକି ନୁହେଁ ଗତ ମାର୍ଚ୍ଚ ୩୦ ତାରିଖରେ ଜୟପୁରରେ ହୋଇଥିବା ସିରିଏଲ୍‌ ବ୍ଲାଷ୍ଟ ଘଟଣାରେ ଏମାନଙ୍କ ସଂପୃକ୍ତି ଥିବା ଜାଣିବାକୁ ପାଇଛି ତଦନ୍ତକାରୀ ସଂସ୍ଥା ।

ପାକିସ୍ତାନୀ ଆତଙ୍କବାଦୀ ସଂଗଠନ ଦାଓ୍ବତ-ଇ-ଇସଲାମୀ ସହାୟତାରେ ଏହି ଦୁଇଜଣ ଅଲ୍-ସୁଫା ସହ ଯୋଗଯୋଗରେ ରହିଥିଲେ ଯାହାକି ISISର ଏକ ଅଂଶ ଭାବେ କାର୍ଯ୍ୟ କରୁଛି । ଶୁଣିବାକୁ ମିଳୁଛି ଗିରଫ ଅଭିଯୁକ୍ତଙ୍କ ମଧ୍ୟରୁ ଜଣେ ଉଦୟପୁର ଅଲ୍‌-ସୁଫା ସଂଗଠନର ମୁଖ୍ୟ ଭାବେ କାର୍ଯ୍ୟ କରୁଥିଲା । ସେ ISIS ଆତଙ୍କବାଦୀ ମୁଜୀବ ସହ ମଧ୍ୟ ରୀତିମତ ଭାବେ ସଂସ୍ପର୍ଶରେ ଥିବା ଜଣାପଡିଛି ।

ଉଦୟପୁର ଟେଲରଙ୍କ ହତ୍ୟାକାଣ୍ଡ ପରେ ଦୁଇ ଅଭିଯୁକ୍ତଙ୍କୁ କୌଶଳକ୍ରମେ ଗିରଫ କରିବାରେ ସଫଳ ହୋଇଥିଲା ରାଜସ୍ଥାନ ପୋଲିସର ସ୍ପେସାଲ ସ୍କ୍ବାଡ୍‌ । ତେବେ ଦୁଇ ଅଭିଯୁକ୍ତଙ୍କୁ ଧରିବା ପରେ ନୂଆ ନୂଆ ତଥ୍ୟ ସାମ୍ନାକୁ ଆସିବାରେ ଲାଗିଛି । ଉଭୟଙ୍କ ବିରୁଦ୍ଧରେ ଆତଙ୍କବାଦ କାର୍ଯ୍ୟକଳାପ ଏବଂ ଦେଶ ଭିତରେ ହିଂସାକାଣ୍ଡ ଘଟାଇବା ଅଭିଯୋଗକୁ ନେଇ ତଦନ୍ତ କରୁଛି ପୋଲିସ । ଦେଶଦ୍ରୋହ ମାମଲା ମଧ୍ୟ ରୁଜୁ କରାଯାଇପାରେ । କେନ୍ଦ୍ର ସରକାର ମଧ୍ୟ ଘଟଣାକୁ ଗୁରୁତର ସହ ନେଇ ଏନଆଇଏକୁ ତଦନ୍ତ ଭାର ଦେଇଛନ୍ତି ।

ପୋଲିସ କହିବା ମୁତାବକ, ଅଭିଯୁକ୍ତଙ୍କ ମଧ୍ୟରୁ ଜଣେ ଗୋସ୍‌ ମହମ୍ମଦ ୨୦୧୪ ମସିହାରେ ପାକିସ୍ତାନ ଯାଇଥିଲା । ସେଠାରେ ପ୍ରାୟ ୪୫ଦିନ ଧରି ରହିବା ସହିତ ଆତଙ୍କୀ ସଂଗଠନ ଦାଓ୍ବତ-ଇ-ଇସଲାମୀ ସଂଗଠନ ସହ ମିଶି ପ୍ରଶିକ୍ଷଣ ନେଇଥିଲା । କେବଳ ସେ ନୁହେଁ ତା ସହିତ ଆହୁରି ୩୦ ଜଣ ଯୁବକ ମଧ୍ୟ ପାକିସ୍ତାନ ଯାଇ ଆତଙ୍କବାଦୀ କାର୍ଯ୍ୟକଳାପ ପାଇଁ ଟ୍ରେନିଂ ନେଇଥିଲେ । ପାକିସ୍ତାନରୁ ଫେରିବାର ଦୀର୍ଘ ବର୍ଷ ପରେ ବି ଅଭିଯୁକ୍ତମାନେ ରୀତିମତ ଭାବେ ପାକିସ୍ତାନ ସହ ଯୋଗଯୋଗରେ ଥିଲେ । ପାକିସ୍ତାନର ୮ଟି ମୋବାଇଲ ନମ୍ବରକୁ ଏମାନେ ଫୋନ କରି ରୀତିମତ ଭାବେ କଥା ହେଉଥିଲେ ।

ପଚରାଉଚରା ବେଳେ ପୋଲିସ ଜାଣିବାକୁ ପାଇଛି ଯେ, ଅଭିଯୁକ୍ତମାନେ ଉଦୟପୁର ହତ୍ୟାକାଣ୍ଡ ଭଳି ଆଉ ଏକ ହତ୍ୟାକାଣ୍ଡ ଘଟାଇବାକୁ ଯୋଜନା କରିଥିଲେ । ଉଦୟପୁର ଟେଲର କହ୍ନେୟା ଲାଲ୍‌ଙ୍କ ହତ୍ୟା ପରେ ଜଣେ ବ୍ୟବସାୟୀଙ୍କୁ ଟାର୍ଗେଟ୍‌ କରିଥିଲେ ଏମାନେ । କିନ୍ତୁ ଏହା ପୂର୍ବରୁ ହିଁ ପୋଲିସ ଗିରଫ କରିବାରେ ସଫଳ ହୋଇଥିଲା । ଟେଲର ହତ୍ୟାକାଣ୍ଡ ଘଟଣାରେ ଆହୁରି ୫ ଜଣଙ୍କୁ ଉଠାଇ ନେଇ ପଚରାଉଚରା କରୁଛି ତଦନ୍ତକାରୀ ସଂସ୍ଥା ।