ଭୁବନେଶ୍ୱର,୨୦/୦୯: ଶୁକ୍ରବାର ବିଳମ୍ବିତ ରାତିରେ ରାଜଧାନୀର ବମିଖାଲ ଓଭରବ୍ରିଜ ଉପରେ ଦୁଇଟି କାର୍ ମୁହାଁମୁହିଁ ଧକ୍କା ହୋଇଛି । ଦୁର୍ଘଟଣା ଏତେ ପ୍ରଚଣ୍ଡ ଥିଲା ଯେ ସ୍ଥାନୀୟ ଲୋକେ ଭୟଭିତ ହୋଇପଡ଼ିଥିଲେ । ଦୁର୍ଘଟଣାରେ ଉଭୟ କାର୍ରେ ଥିବା ୪ ଜଣ ଗୁରୁତର ଆହତ ହୋଇଥିଲେ । ଖବର ପାଇ ସହିଦନଗର ଥାନା ପୁଲିସ ଘଟଣାସ୍ଥରେ ପହଞ୍ଚି ଆହତଙ୍କୁ ଉଦ୍ଧାର କରି କ୍ୟାପିଟାଲ୍ ହସ୍ପିଟାଲ୍କୁ ସ୍ଥାନାନ୍ତର କରିଥିଲା ।
ଘଟଣାରୁ ଜଣାପଡ଼ିଛି, ରାତି ପ୍ରାୟ ୧୨ଟା ପାଖାପାଖି ସହିଦନଗର ମହର୍ଷି କଲେଜ୍ ପଟୁ ଓଭରବ୍ରିଜ୍ରେ ରସୁଲଗଡ଼ ଆଡକୁ ଏକ କଳାରଙ୍ଗର କାର ଯାଉଥିଲା । ଏହି ସମୟରେ ରସୁଲଗଡ଼ ପଟୁ ରଙ୍ଗ ସାଇଡ୍ରେ ଏକ ଧଳା ରଙ୍ଗର କାର୍ ଓଭରବ୍ରିଜ୍ ଦେଇ ସହିଦନଗରକୁ ଯାଉଥିଲା । ଏସ୍ପ୍ଲାନେଡ୍ ନିକଟରେ ଓଭରବ୍ରିଜ୍ରେ ଦୁଇ କାର୍ ମୁହାଁମୁହିଁ ଧକ୍କା ହୋଇଥିଲା । ଉଭୟ କାର୍ରେ ୨ ଜଣ ଲେଖାଏଁ ଥିଲେ । ଗୋଟିଏ କାର୍ରେ ଜଣେ ଯୁବତୀ ଥିଲେ । ଉଭୟ କାର୍ର ଏୟାରବ୍ୟାଗ୍ ଖୋଲି ଯିବାରୁ ଚାଳକ ଓ ଯାତ୍ରୀ ବଡ଼ ଦୁର୍ଘଟଣାରୁ ବର୍ତ୍ତି ଯାଇଛନ୍ତି ।
