PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି : ସୁକ୍ଷାବାହିନୀ ଏବଂ ନକ୍ସଲଙ୍କ ମଧ୍ୟରେ ଗୁଳି ବିନିମୟ, ୪ ହାର୍ଡକୋର ମାଓବାଦୀ ନିହତ
  • ||
  • ସମ୍ଵଲପୁର : ମୌର୍ଯ୍ୟ ରେସିଡେନ୍ସରୁ ଚୋରି ଅଭିଯୋଗ, ସିସିଟିଭି ତାଡ଼ି ନେଇଗଲେ ଲୁଟେରା
  • ||
  • ଭୁବନ : ଚୋରା କୋଇଲା ବୋଝେଇ ୪୦୭ ଜବତ, ଡ୍ରାଇଭର୍ ଓ ହେଲପର ଗିରଫ
  • ||
  • କେନ୍ଦୁଝର : କେନ୍ଦୁଝର ରାଜ ଉଆସରୁ ୨ଟି ବିରାଟକାୟ ଅଜଗର ସାପ ଉଦ୍ଧାର
  • ||

୭୦ ଫୁଟ ଗଭୀର ବୋରୱେଲ ଭିତରୁ ଶିଶୁ ଉଦ୍ଧାର

ଭୋପାଳ,୨୭ ।୧(ଏଜେନ୍ସି):ମଧ୍ୟପ୍ରଦେଶର ସିଙ୍ଗରୌଲି ଜିଲା ଅନ୍ତର୍ଗତ କେରହର ଗ୍ରାମରେ ରବିବାର ସକାଳେ ୭୦ ଫୁଟ ଗଭୀର ଏକ ବୋରୱେଲ ଭିତରେ ପଡିଯାଇଥିବା ଦୁଇ ବର୍ଷର ଏକ ଶିଶୁକୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ଆଜି ସକାଳ ୮ଟା ସମୟରେ ପିଲାଟି ବୋରୱେଲ ନିକଟରେ ଖେଳୁଥିଲାବେଳେ ତା’ ଭିତରେ ପଡିଯାଇଥିଲା । ଏ ସମ୍ପର୍କରେ ସୂଚନା ମିଳିବା ପରେ ପ୍ରଶାସନିକ ଅଧିକାରୀ ଏବଂ ଉଦ୍ଧାରକାରୀ ଦଳ ୪୫ ମିନିଟ ଭିତରେ ସେଠାରେ ପହଞ୍ଚଥିଲେ । ସେତେବେଳେ ପିଲାଟି ସୁରକ୍ଷିତ ଥିଲା ଏବଂ କଥାର ଜବାବ ଦେଉଥିଲା । ତେଣୁ ପିଲାଟି ସହିତ ତା’ର ପରିବାର ଲୋକଙ୍କୁ କଥାବାର୍ତ୍ତା ଜାରି ରଖିବାକୁ ପ୍ରଶାସନ ତରଫରୁ କୁହାଯାଇଥିଲା । ସେପଟେ ସେଇ ବୋରୱେଲ ଠାରୁ ୧୦ ଫୁଟ ଦୂରରେ ତୁରନ୍ତ ଆଉ ଏକ ଗର୍ତ୍ତ ଖୋଳାଯାଇଥିଲା । ଏହା ମଧ୍ୟ ଦେଇ ଉଦ୍ଧାରକାଳୀ ଦଳ ତଳକୁ ଯାଇଥିଲେ । ତା’ ପରେ ସେମାନେ ସମାନ୍ତରାଳ ଭାବେ ୧୦ଫୁଟ ଯାଏଁ ଖୋଳାଯାଇଥିବା ଅନ୍ୟ ଏକ ଗର୍ତ୍ତ ଦେଇ ବୋରୱେଲ ଭିତରକୁ ଯାଇଥିଲେ ଏବଂ ଶିଶୁଟିକୁ ଉଦ୍ଧାର କରିଥିଲେ । ଶିଶୁଟି ପୂରା ସୁରକ୍ଷିତ ଅଛି । ହେଲେ ସତର୍କତାମୂଳକ ପଦକ୍ଷେପ ଭାବେ ତା’କୁ ହସ୍ପିଟାଲ ନିଆଯାଇ ତା’ର ସ୍ୱାସ୍ଥ୍ୟାବସ୍ଥାର ଯାଞ୍ଚ କରାଯାଇଛି ।

ସମ୍ବନ୍ଧିତ ଖବର