PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାବୁଲ ସ୍ଥିତ ଏକ ମସଜିଦ୍‌ରେ ଭୟଙ୍କର ବିସ୍ଫୋରଣ , ବିସ୍ଫୋରଣରେ ୨୦ ମୃତ , ୪୦ ଆହତ , ଆହତଙ୍କୁ ନିଆଯାଉଛି ହସ୍ପିଟାଲ
  • ||
  • ଭୁବନେଶ୍ବର : ରାଜ୍ୟରେ ଆଉ ୪ ଦିନ ଏଭଳି ବନ୍ୟା ସ୍ଥିତି ରହିବ, ଆଗାମୀ ୨୪ ଘଣ୍ଟା ଆମ ପାଇଁ ଗୁରୁତ୍ୱପୂର୍ଣ୍ଣ ବୋଲି ଏସଆରସିଙ୍କ ସୂଚନା
  • ||
  • ବୌଦ୍ଧ : ବୌଦ୍ଧ ଜିଲ୍ଲା ଭେଜିଗୋରା ଗ୍ରାମରେ ପାଣି ଘେରରେ ଥିବା ଗର୍ଭବତୀ ମହିଳା ଓ ଅନ୍ୟ ଜଣେ ମହିଳାଙ୍କୁ ଉଦ୍ଧାର କରିଛନ୍ତି ଅଗ୍ନିଶମ କର୍ମଚାରୀ
  • ||
  • ଭଦ୍ରକ : ଭଦ୍ରକ ଜିଲ୍ଲା ଧାମନଗର ବ୍ଲକ କାସିମପୁର ପଞ୍ଚାୟତ ହେମେନ୍ଦ୍ର ନାଥ ହାଇସ୍କୁଲରେ କ୍ଲାସ ରୁମ୍‌ରେ ପଶିଲା ବନ୍ୟା ପାଣି, ବାତିଲ ହେଲା ପରୀକ୍ଷା
  • ||
  • ସୋର : ବାଲେଶ୍ବର ଜିଲ୍ଲା ନୀଳଗିରି ଅଧିନ ଔପଦା ବ୍ଲକର ବିଡ଼ିଓ ଅଭିଷେକ ଦାସଙ୍କର ବଦଳିକୁ ନେଇ ବୁଧବାର ଔପଦା ବ୍ଲକ୍ ସମ୍ମୁଖରେ ସରପଞ୍ଚ, ସମିତି ସଭ୍ୟ/ସଭ୍ୟା, ବୁଦ୍ଧିଜୀବୀ, ଔପଦାର ଜନସାଧାରଣଙ୍କ ଧାରଣା
  • ||
  • ଜଗତସିଂହପୁର : ତିର୍ତ୍ତୋଲ ବ୍ଲକର ଗୋତିଆକୁଦ ଗାଁରେ ହଠାତ ପାଣି ବଢିଯିବାରୁ ଗୋଟିଏ ପରିବାରର ୩ ଜଣ ଫଶି ରହିଥିଲେ, ବୁଧବାର ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କରିଛି
  • ||
  • କଟକ : ମୁଣ୍ଡଳୀରେ କମୁଛି ଜଳସ୍ତର, ତଥାପି ଵିପଦ ସଙ୍କେତ ଉପରେ ମହାନଦୀ
  • ||
  • ବାଲିପାଟଣା : ଧନୁଆ ନଦୀରେ ବନ୍ୟା, ବାଲିପାଟଣା ବ୍ଲକ୍‌ର ୫ଟି ପଞ୍ଚାୟତର ବିଭିନ୍ନ ଗାଁ ଜଳମଗ୍ନ
  • ||
  • ବାରିପଦା : ଆଇଟିଆଇ କଲେଜରେ ଆଦିବାସୀ ଛାତ୍ରଙ୍କୁ ମାଡ ଘଟଣା, ୧୨ ଘଣ୍ଟିଆ ମୟୁରଭଞ୍ଜ ବନ୍ଦ ଡାକରା
  • ||
  • କଣାସ : ମକରା ନଦୀରେ ୫୦ ଫୁଟର ଘାଇ, ୨୦ ରୁ ଅଧିକ ଗାଁରେ ପଶିଲା ବନ୍ୟାଜଳ
  • ||
  • ଜଳେଶ୍ବର : ତ୍ରୀର୍ଥଯାତ୍ରୀ ବସ୍‌କୁ ପିଟିଲା ମାଲବାହୀ ଟ୍ରକ୍, ଜଣେ ମୃତ ଓ ୪ ଗୁରୁତର
  • ||

କହ୍ନେୟାଲାଲଙ୍କ ଭଳି ଅନ୍ୟ ଦୁଇ ଜଣଙ୍କୁ ଗୋଟିଏ ଦିନରେ କରାଯାଇଥାନ୍ତା ହତ୍ୟା, ହେଲେ ହତ୍ୟାକାରୀଙ୍କ ଷଡଯନ୍ତ୍ର ଏହି କାରଣରୁ ଫେଲ୍‌ ମାରିଥିଲା

ଉଦୟପୁର,୬।୭: ରାଜସ୍ଥାନର ଉଦୟପୁରରେ କହ୍ନେୟାଲାଲଙ୍କ ହତ୍ୟା ମାମଲାର ତଦନ୍ତ ଜାରି ରହିଛି। ପ୍ରତିଦିନ ଏହି ଷଡଯନ୍ତ୍ର ସମ୍ପର୍କରେ ନୂଆ ନୂଆ କଥା ସାମନାକୁ ଆସୁଛି। ତଦନ୍ତରେ ଏବେ ସାମନାକୁ ଆସିଛି ଯେ, ଯେଉଁ ଦିନ ଦରଜୀ କହ୍ନେୟାଲାଲଙ୍କ ଗଳା କାଟି ହତ୍ୟା କରାଯାଇଥିଲା ସେହି ଦିନ ଆଉ ଦୁଇ ଜଣଙ୍କୁ ତାଲିବାନୀ ଢଙ୍ଗରେ ହତ୍ୟା କରାଯିବାର ଯୋଜନା ଥିଲା। ସେହି ଦୁଇ ଜଣଙ୍କୁ ସଠିକ ଭାବରେ ରେକି କରିପାରିନଥିବା କାରଣରୁ ତାଙ୍କର ଜୀବନ ବଞ୍ଚିଯାଇଥିଲା। ଏହି ଦୁଇ ଜଣଙ୍କର ହତ୍ୟା ପାଇଁ ଅନ୍ୟ ୪ ଜଣଙ୍କୁ ଦାୟିତ୍ବ ଦିଆଯାଇଥିଲା। ଏହି ମାମଲାର ତଦନ୍ତ ଏନ୍‌ଆଇଏ କରୁଛି।

ତଦନ୍ତକାରୀ ଏଜେନ୍ସି ସୁତ୍ରରୁ ମିଳିଥିବା ସୂଚନା ଅନୁସାରେ, କହ୍ନେୟାଲାଲଙ୍କ ହତ୍ୟା ଷଡଯନ୍ତ୍ରକୁ ବଡ ରୂପ ଦେବାର ପ୍ରସ୍ତୁତି କରାଯାଇଥିଲା। ଏଥିପାଇଁ ଗୋଟିଏ ଦିନରେ ତିନିଜଣଙ୍କୁ ତାଲିବାନୀ ଢଙ୍ଗରେ ହତ୍ୟା କରିବାର ଷଡଯନ୍ତ୍ର ହୋଇଥିଲା। ଷଡଯନ୍ତ୍ରକାରୀ କହ୍ନେୟାଲାଲଙ୍କ ରେକି କରିବା ପରେ ତାଙ୍କୁ ହତ୍ୟା କରିବାରେ ସଫଳତା ପାଇଥିଲେ। ଅନ୍ୟ ଦୁଇଜଣଙ୍କୁ ଠିକ୍ ଭାବରେ ରେକି କରିନଥିବାରୁ ସେମାନେ ହତ୍ୟା କରିବାରେ ସଫଳ ହୋଇନଥିଲେ।

ତଦନ୍ତ ବେଳେ ଜଣାପଡିଥିଲା ଯେ, ନୂପୁର ଶର୍ମାଙ୍କୁ ନେଇ ସୋସିଆଲ ମିଡିଆରେ ଦିଆଯାଇଥିବା କମେଣ୍ଟ ପରେ ଏହି ପୁରା ଘଟଣାର ଷଡଯନ୍ତ୍ର କରାଯାଇଥିଲା। ୧୭ ଜୁନ୍‌ରେ ହତ୍ୟା କରିବା ନେଇ ଷଡଯନ୍ତ୍ରକାରୀ ବୈଠକ କରିଥିଲେ। ୨୦ ଜୁନ୍‌ରେ ଉଦୟପୁର ଜିଲ୍ଲାପାଳଙ୍କ ଅଫିସ ଆଗରେ ନୁପୂର ଶର୍ମାଙ୍କ ବିରୋଧରେ ପ୍ରଦର୍ଶନ କରାଯାଇଥିଲା। ଏହି ପ୍ରଦର୍ଶନ ପରେ ରିୟାଜ ଅନସାରୀ ଓ ମହମ୍ମଦଙ୍କ ହତ୍ୟା ଷଡଯନ୍ତ୍ରରେ ସାମିଲ ଅଳ୍ପ ଲୋକଙ୍କ ସହରର ମୁଖାର୍ଜୀ ସର୍କିଲରେ ବୈଠକ ହୋଇଥିଲା। ଏହି ବୈଠକରେ କେଉଁ ଢଙ୍ଗରେ ହତ୍ୟା କରାଯିବ ସେ ନେଇ ଚର୍ଚ୍ଚା କରି ଅନ୍ତିମ ନିଷ୍ପତ୍ତି ନିଆଯାଇଥିଲା।ଏହାପରେ ୨୮ ଜୁନ୍‌ରେ ଷଡଯନ୍ତ୍ର ସଫଳ ହୋଇଥିଲା।