ୟୁକ୍ରେନ ମାରିୟୁପୋଲରେ ପହଞ୍ଚିଲେ ରାଷ୍ଟ୍ରପତି ଭ୍ଲାଦିମିର ପୁଟିନ, ଗତ ବର୍ଷ ମେ’ରେ ଏହି ସହରକୁ ନିଜ କବ୍ଜାକୁ ନେଇଥିଲା ରୁଷ
ନୂଆଦିଲ୍ଲୀ: ୟୁକ୍ରେନର ସହର ମାରିୟୁପୋଲରେ ପହଞ୍ଚଛନ୍ତି ରାଷ୍ଟ୍ରପତି ଭ୍ଲାଦିମିର ପୁଟିନ। ୟୁକ୍ରିନ-ରୁଷ ଯୁଦ୍ଧର ଗୋଟିଏ ବର୍ଷ ପରେ ରାଷ୍ଟ୍ରପତି ଭ୍ଲାଦିମିର ପୁଟିନ ହଟାତ୍ ମାରିୟୁପୋଲରେ ପହଞ୍ଚଛନ୍ତି। ଗତ ବର୍ଷ ମେ’ରେ ମାରିୟୁପୋଲକୁ ରୁଷ ସେନା ନିଜ କବଜାକୁ ନେଇଥିଲା। ମାରିୟୁପୋଲ ହେଉଛି ଡେନେଟସ୍କ କ୍ଷେତ୍ରର ୟୁକ୍ରେନର ଗୋଟିଏ ସହର ।
ରୁଷର ସମାଚାର ଏଜେନ୍ସି ଟାସ୍ ଅନୁସାରେ ରାଷ୍ଟ୍ରପତି ପୁଟିନ ହେଲିକପ୍ଟର ଯୋଗେ ମାରିୟୁପୋଲ ପାଇଁ ଉଡାଣ ଭରିଥିଲେ ଏବଂ ପରେ ସେ ସହର ଅନେକ ଅଞ୍ଚଳରେ ନିଜେ ଗାଡି ଚଲାଇ ବୁଲିଥିଲେ । ଖବର ଅନୁସାରେ, ଏହି ସମୟରେ ରାଷ୍ଟ୍ରପତି ପୁଟିନ ସହରର ଅନେକ ଅଞ୍ଚଳ କାରରେ ବୁଲିବା ସହ ସ୍ଥାନୀୟ ଲୋକଙ୍କ ସହ କଥା ହୋଇଥିଲା । ତେବେ ବିଶେଷଜ୍ଞଙ୍କ କହିବା ଅନୁସାରେ ପୁଟିନ ଏପରି କରି ପାଶ୍ଚାତ୍ୟ ଦେଶର କଟକଣା ସତ୍ତ୍ୱେ ୟୁକ୍ରେନ ମାମଲାରେ ଦୃଢ ଏବଂ ସବୁ ଆହ୍ୱାନର ସାମନା କରିବାକୁ ପ୍ରସ୍ତୁତ ଥିବା ସନ୍ଦେଶ ଦେବାକୁ ଚାହିଁଛନ୍ତି ।
କ୍ରିମିୟା ଗସ୍ତର ଗୋଟିଏ ଦିନ ପରେ ରାଷ୍ଟ୍ରପତି ପୁଟିନ ମାରିୟୁପୋଲ ଯାତ୍ରା କରିଛନ୍ତି । ଗୋଟିଏ ଦିନ ପୂର୍ବେ ୟୁକ୍ରେନରୁ କ୍ରିମିୟା ଅଲଗାର ହେବାର ନଅ ବର୍ଷପୂର୍ତ୍ତି ପାଳନ କରିଥିଲା । ୨୦୧୪ ମସିହାରେ ୟୁକ୍ରେନଠାରୁ କ୍ରିମିୟାକୁ ଅଲଗା କରିଥିଲା ରୁଷ ।
