ନୂଆଦିଲ୍ଲୀ,୧୨/୦୧: ଅଭିନେତ୍ରୀ କଙ୍ଗନା ରାଣାୱତଙ୍କ ଫିଲ୍ମ 'ଏମର୍ଜେନ୍ସି' ଆସନ୍ତା ୧୭ରେ ରିଲିଜ ହେବାକୁ ଯାଉଛି। ଏନେଇ ଅଭିନେତ୍ରୀ ଫିଲ୍ମ ପ୍ରମୋସନ ପାଇଁ ଲାଗି ପଡ଼ିଛନ୍ତି । ଆଉ ଏହାରି ମଧ୍ୟରେ କଙ୍ଗନା ନାଗପୁରରେ କେନ୍ଦ୍ରମନ୍ତ୍ରୀ ନୀତିନ ଗଡକରୀଙ୍କ ପାଇଁ ଏକ ସ୍ୱତନ୍ତ୍ର ସ୍କ୍ରିନିଂର କରିଥିଲେ ଆୟୋଜନ। ଯାହାର ଫଟୋ ଅଭିନେତ୍ରୀ ସୋସିଆଲ ମିଡିଆରେ ସେୟାର କରିଛନ୍ତି।
ତେବେ ସେହି ଫଟୋରେ କଙ୍ଗନା ରାଣାୱତଙ୍କୁ ଥିଏଟର ଭିତରେ ନୀତିନ ଗଡକରୀ ଓ ଅନୁପମ ଖେରଙ୍କ ସହ ଦେଖିବାକୁ ମିଳିଛି। ଏଥିସହ ନୀତିନଙ୍କୁ ଫିଲ୍ମଟି ବହୁତ ପସନ୍ଦ ଆସିଥିବା ଫଟୋରେ ଜଣାପଡୁଛି। ଫଟୋରେ ଅଭିନେତ୍ରୀ ଶାଢ଼ି ପିନ୍ଧିଥିବାର ନଜର ଆସିଛନ୍ତି। କଙ୍ଗନା ପ୍ରଶଂସକମାନଙ୍କୁ ଏକ ସୂଚନା ଦେଇଥିଲେ ଯେ ସେ ନାଗପୁରରେ ନୀତିନ ଗଡକରୀଙ୍କ ପାଇଁ ଏକ ସ୍ୱତନ୍ତ୍ର ସ୍କ୍ରିନିଂର ବ୍ୟବସ୍ଥା କରିଛନ୍ତି। କିଛି ଦିନ ପୂର୍ବରୁ କଙ୍ଗନା ଅନୁପମ ଖେରଙ୍କ ମାଆ ଦୁଲାରୀଙ୍କୁ ଭେଟିଥିଲେ। ଅନୁପମ ଏହି ସମୟର ଏକ ଭିଡିଓ ସେୟାର କରିଥିଲେ। ଏଥିରେ ଲେଖାଯାଇଥିଲା ଯେ କଙ୍ଗନା ଏବଂ ଦୁଲାରୀ: ପାହାଡ଼ର ଦୁଇ ଶକ୍ତିଶାଳୀ ମହିଳା। ତେବେ ଫିଲ୍ମ 'ଏମରଜେନ୍ସି' ରେ କଙ୍ଗନା ରାଣାୱତଙ୍କୁ ଦେଖିବାକୁ ମିଳିବ । ଏହି ଫିଲ୍ମ ଚଳିତ ମାସ ଜାନୁଆରୀ ୧୭ରେ ରିଲିଜ ହେବାକୁ ଯାଉଛି । ଏହି ଚଳଚ୍ଚିତ୍ରରେ କଙ୍ଗନାଙ୍କ ସମେତ ଅନୁପମ ଖେର, ଶ୍ରେୟସ ତଲପଡେ, ଦିବଙ୍ଗତ ଅଭିନେତା ସତୀଶ କୌଶିକ, ମିଲିନ୍ଦ ସୋମାନ, ମହିଲା ଚୌଧୁରୀ ଏବଂ ବିଶାକ ନାୟର ନଜର ଆସିବେ । ଏହି ଚଳଚ୍ଚିତ୍ରରେ କଙ୍ଗନା ଅଭିନୟ ସହ ନିର୍ଦ୍ଦେଶନା ଦେଇଛନ୍ତି ।
