ୱାଶିଂଟନ – ଆମେରିକୀୟ ରାଷ୍ଟ୍ରପତି ଜୋ ବାଇଡେନ ଏକ ବଡ଼ ସଙ୍କଟରେ ଫସିବା ନଜର ଆସୁଛି। ବାଇଡେନଙ୍କ ଉପରେ ୟୁକ୍ରେନର ଏକ କମ୍ପାନୀରୁ ୫ ମିଲିୟନ ( ୫୦ ଲକ୍ଷ ଟଙ୍କା) ଡଲାରର ଲାଞ୍ଚ ନେବାର ଅଭିଯୋଗ ହୋଇଛି । ଫକ୍ସ ନ୍ୟୁଜର ଏକ ରିପୋର୍ଟରେ ଦାବି କରାଯାଇଛି କି ରାଷ୍ଟ୍ରପତି ବାଇଡେନଙ୍କୁ ଲାଞ୍ଚ ଭାବେ ୟୁକ୍ରେନୀୟ ଗ୍ୟାସ କମ୍ପାନୀ ବରିସ୍ମା ହୋଲଡିଂସର ଜଣେ କାର୍ଯ୍ୟକାରୀ ଅଧିକାରୀଙ୍କ ଠାରୁ ୫ ମିଲିୟନ ଡଲାରର ପେମେଣ୍ଟ ମିଳିଥିଲା। ସୂଚନା ଯେ, ଏ ସେହି କମ୍ପାନୀ ଯେଉଁଠି ଜୋ ବାଇଡେନଙ୍କ ପୁଅ ହଣ୍ଟର ବାଇଡେନ ବୋର୍ଡ ସଦସ୍ୟ ଥିଲେ। ହଣ୍ଟର ବାଇଡେନ ଏହି କମ୍ପାନୀରେ ଦୀର୍ଘ ସମୟ ଯାଏ କାମ କରୁଥିଲେ ।
ରିପୋର୍ଟରେ ଦାବି କରାଯାଇଛି କି ଏହି ଗ୍ୟାସ ଫାର୍ମର କାର୍ଯ୍ୟକାରୀ ଅଧିକାରୀଙ୍କ ବିରୋଧରେ ଯାଞ୍ଚ ଚାଲିଛି। ୟୁକ୍ରେନୀର ଓକିଲ ଭିକ୍ଟର ଶାକିନ ଏହାର ଯାଞ୍ଚ କରୁଛନ୍ତି । ଦୁର୍ନୀତିର ଅଭିଯୋଗର ସାମନା କରୁଥିବା ଏହି କାର୍ଯ୍ୟକାରୀ ଅଧିକାରୀ ଜୋ ବାଇଡେନଙ୍କ ଠାରୁ ସାହାଯ୍ୟ ମାଗି ଥିଲେ , କାରଣ କମ୍ପାନୀ ଅଭିଯୋଗ କାରଣରୁ ନିବେଶ କରିବାରେ ଅସମର୍ଥ ଥିଲା। ଖବର ମୁତାବିକ , ଦୁର୍ନୀତିର ଯାଞ୍ଚକୁ ସମାପ୍ତ କରିବା ପାଇଁ ଜୋ ବାଇଡେନକୁ ୫୦ ଲକ୍ଷ ଡଲାରର ପେମେଣ୍ଟ କରାଯାଇ ଥିଲା ।
ପୁଟିନ୍-ଜିନପିଙ୍ଗ୍ଙ୍କ ବନ୍ଧୁତା ଉଡାଇଲା ବାଇଡେନ୍ଙ୍କ ନିଦ!
ଏଫବିଆଇକୁ ଏ ବିଷୟରେ ଜୁନ୍ ୨୦୨୦ରେ ଏକ ଗୋପନୀୟ ସୂତ୍ରରୁ ଜଣାପଡ଼ି ଥିଲା । ସୂତ୍ର ସଙ୍କେତ ଦେଇଥିଲା କି ଜୋ ବାଇଡେନ ଓ ଜଣେ ବିଦେଶୀ ବ୍ୟକ୍ତି କଥିତ ଭାବେ ଏକ ଅପରାଧିକ ଲାଞ୍ଚ ମାମଲାରେ ସାମିଲ ଥିଲେ। ମିଡ଼ିଆ ରିପୋର୍ଟରେ ଏକ FBI FD -1023 ଫାର୍ମ କଥା କୁହାଯାଇଛି, ଯାହାର ବ୍ୟବହାର ଏଫବିଆଇ ଏଜେଣ୍ଟଙ୍କ ଦ୍ୱାରା ଗୋପନୀୟ ସୂତ୍ର ଦ୍ୱାରା ପ୍ରଦାନ କରାଯାଇ ଥିବା ଅସତ୍ୟାପିତ ସୂଚନାକୁ ଦର୍ଶାଇବା ପାଇଁ କରାଯାଏ। ଏଫବିଆଇ ଫାର୍ମରେ ଇଣ୍ଟରଭ୍ୟୁ କରାଯାଇ ଥିବା ସୋର୍ସ ବିଷୟରେ ଅଛି , ଯାହାକୁ ଅତ୍ୟଧିକ ବିଶ୍ୱସନୀୟ କୁହାଯାଇଛି।
ରିପୋର୍ଟ ମୁତାବିକ , ଏହି ଏଫବିଆଇ କାଗଜପତ୍ରରେ କଥିତ ଭାବେ ସବୁ ସୂଚନା ଲେଖା ଯାଇଛି କି କେମିତି ଜଣେ ୟୁକ୍ରେନୀ ଓକିଲଙ୍କୁ ହଟେଇବା ପାଇଁ ଜୋ ବାଇଡେନଙ୍କୁ ୫୦ ଲକ୍ଷ ଡଲାର ଦିଆଯାଇ ଥିଲା ସେହି ଟଙ୍କା ୟୁକ୍ରେନୀ ତୈଳ କମ୍ପାନୀ ବରିସ୍ମା ହୋଲ୍ଡିଂସର ମାଲିକଙ୍କ ପକ୍ଷରୁ ହିଁ ଆସିଥିଲା ।
