ପ୍ରମୂଖ ଖବର
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ଜୀବାଣୁରୁ ନିର୍ମିତ ପ୍ଲାଷ୍ଟିକ୍‌

ପ୍ଲାଷ୍ଟିକର ବହୁଳ ବ୍ୟବହାର ଏବେ ଚିନ୍ତାର କାରଣ ସାଜିଛି । ତେଣୁ ଏହି ସମସ୍ୟାର ସମାଧାନ ପାଇଁ ବୈଜ୍ଞାନିକମାନେ ପ୍ଲାଷ୍ଟିକର ବିକଳ୍ପ କାଢ଼ିବାରେ ବ୍ୟସ୍ତ । ଏପରିସ୍ଥଳେ ସେମାନେ ଆବିଷ୍କାର କରିଛନ୍ତି ଏପରି ଏକ ଜୀବାଣୁ ଯାହା ଉନ୍ନତଧରଣର ପ୍ଲାଷ୍ଟିକ ବିକଳ୍ପ ପ୍ରଦାନ କରିପାରିବ । ସାମୁଦ୍ରିକ ଘାସ ଖାଇ ଜୀବନଧାରଣ କରୁଥିବା ଏହି ଜୀବାଣୁ ବ୍ୟବହାର କରି ବାୟୋଡିଗ୍ରେଡେବଲ୍‌ ବା ମାଟିରେ ମିଶି ପାରୁଥିବା ପ୍ଲାଷ୍ଟିକ୍‌ ନିର୍ମିତ ହୋଇପାରିବ ବୋଲି ବୈ÷ଜ୍ଞାନିକମାନେ ସ୍ପଷ୍ଟ କରିଛନ୍ତି । ଏହି ଜୀବାଣୁ ଘାସ ଖାଇସାରିବା ପରେ ଯେଉଁ ମଳ ନିଷ୍କାସନ କରିଥାନ୍ତି ସେଥିରୁ ହିଁ ପ୍ଲାଷ୍ଟିକ ନିର୍ମାଣ କରାଯିବ । ଏହି ମଳ ସମ୍ପୂର୍ଣ୍ଣ ରୂପେ ବିଷାକ୍ତ ମୁକ୍ତ ହୋଇଥିବା ବେଳେ ଏଥିରେ ଥିବା ରସାୟନ ପ୍ଲାଷ୍ଟିକ ପ୍ରସ୍ତୁତ କରିବା ପାଇଁ ଉପଯୋଗୀ ବୋଲି ବୈଜ୍ଞାନିକମାନେ କହିଛନ୍ତି । ଏହି ପ୍ରକ୍ରିୟାରେ ନିର୍ମିତ ପ୍ଲାଷ୍ଟିକ ସାଧାରଣରେ ନିର୍ମିତ ପ୍ଲାଷ୍ଟିକଠାରୁ କୌଣସି ଗୁଣରେ କମ୍‌ ହୋଇ ନଥିବା ବେଳେ ଏହା ସହଜରେ ମାଟିରେ ମିଳେଇ ପାରିବ । ଯାହା ଫଳରେ ପ୍ଲାଷ୍ଟିକ ଦ୍ୱାରା ପରିବେଶକୁ ପହଞ୍ଚୁଥିବା ହାନିରୁ ଅନେକ ମାତ୍ରାରେ ରକ୍ଷା ମିଳି ପାରିବ । ବିଭିନ୍ନ କ୍ଷେତ୍ରରେ ପ୍ଲାଷ୍ଟିକଟିର ସଫଳ ପରୀକ୍ଷଣ ସରିଲାଣି ବର୍ତ୍ତମାନ ଏହି ଜୀବାଣୁର ଉପଲବ୍ଧତା ପ୍ଲାଷ୍ଟିକ ବିକଳ୍ପର ଚାହିଦା ପୁରଣ କରି ପାରିବ କି ନାହିଁ ବୋଲି ପ୍ରଶ୍ନ ଉଠିଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.