ଆଜିଠୁ ସ୍ୱାଭାବିକ ଭାବେ ଚାଲିବ ପୁରୀ-ହାଓଡା ବନ୍ଦେ ଭାରତ ଏକ୍ସପ୍ରେସ୍

ଭୁବନେଶ୍ୱର,୨୩/୦୫: ମଙ୍ଗଳବାରଠୁ ସ୍ୱାଭାବିକ ଭାବେ ଚାଲିବ ପୁରୀ-ହାଓଡା ବନ୍ଦେ ଭାରତ ଏକ୍ସପ୍ରେସ୍‌ । ରବିବାର କାଳବୈଶାଖୀ ଯୋଗୁଁ ରେଳ ଧାରଣାରେ ବିଦ୍ୟୁତ ତାର ଉପରେ ଗଛ ଡାଳ ପଡି ବିଦ୍ୟୁତ ସରବରାହ ପ୍ରଭାବିତ ହୋଇଥିଲା । ଫଳରେ, ଘଣ୍ଟାପ୍ରତି ୧୩୦ କିମି ବେଗରେ ଯାଉଥିବା ପୁରୀ-ହାଓଡା ବନ୍ଦେ ଭାରତ ଏକ୍ସପ୍ରେସ ମଧ୍ୟ ପ୍ରଭାବିତ ହୋଇଥିଲା । ବିଦ୍ୟୁତ ନଥିବା ଯୋଗୁଁ ଏହା ବିଳମ୍ୱିତ ହୋଇଥିଲା । ତେବେ ବର୍ତ୍ତମାନ ହାଓଡ଼ା-ପୁରୀ ବନ୍ଦେ ଭାରତ ଏକ୍ସପ୍ରେସ ସେବା ପ୍ରଦାନ କରିବା ପାଇଁ ପ୍ରସ୍ତୁତ ହୋଇ ରହିଛି ବୋଲି ପୂର୍ବତଟ ରେଳପଥର ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।