ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ଗାଡ଼ି କିଣିବା ନାଁରେ ୨ କୋଟି ବ୍ୟାଙ୍କ ଋଣ ନେଇ ଚମ୍ପଟ୍, ଲାଲବଜାର ଗୋଇନ୍ଦା ଜାଲରେ ୭ ସଦସ୍ୟ

କୋଲକାତା,୨୭/୦୫: ୧୮ଟି ଗାଡି କିଣିବା ନାଁରେ ପାଖାପାଖି ୨ କୋଟି ଟଙ୍କା ନେଇ ବ୍ୟାଙ୍କ ଋଣ ନେଇ ଫେରାର ହୋଇଯାଇଛନ୍ତି । ଏମାନେ କୋଲକାତାରେ ବଡ ଠକେଇର ରିଙ୍ଗମାଷ୍ଟର । ଲାଲବଜାର ଗୋଇନ୍ଦା ଏହି ଠକେଇର ୭ ଜଣ ସଦସ୍ୟଙ୍କୁ ଗିରଫ କରିଛି ।

ପୁଲିସ ସୂଚନାନୁସାରେ, ଗିରଫ ବ୍ୟକ୍ତିଙ୍କ ମଧ୍ୟରୁ ଜଣେ ଗାଡି ଡିଲର କମ୍ପାନି ନାମରେ ଅନେକ ବ୍ୟାଙ୍କ ଆକାଉଣ୍ଟ ଖୋଲିଥିଲେ । ଏହା ପରେ ଦକ୍ଷିଣ କୋଲକାତାର ଭବାନୀପୁରର ଏକ ରାଷ୍ଟ୍ରାୟତ୍ତ ବ୍ୟାଙ୍କରୁ ୧୫ଟି, ଲୋୟର ସର୍କୁଲାର ରୋଡ୍‌ ଶାଖାରୁ ଦୁଇଟି, ହାତିବାଗାନ ବ୍ୟାଙ୍କରୁ ଗୋଟିଏ ଗାଡ଼ି ଋଣ ନେଇଥିଲେ । ଏହି ଋଣର ପରିମାଣ ହେଉଛି ୧ କୋଟି ୭୮ ଲକ୍ଷ ୨୫ ହଜାର ଟଙ୍କା । ସେଥିପାଇଁ ଜାଲିଆତିମାନେ ଅନେକ ନକଲି ଡକ୍ୟୁମେଣ୍ଟ ଦାଖଲ କରିଥିଲେ । ଦୁଇ ଅଭିଯୁକ୍ତଙ୍କ ନାମରେ ଗାଡି ଋଣ ନିଆଯାଇଥିଲା । ଅନ୍ୟ ଦୁଇଜଣ ଏହାକୁ ପାଇବାରେ ସାହାଯ୍ୟ କରିଥିଲେ । ପାଖାପାଖି ୨ କୋଟି ଟଙ୍କା ଋଣ ନେଇ ଅଭିଯୁକ୍ତ ନିଖୋଜ ହୋଇଯାଇଥିଲେ । ଟଙ୍କା ଫେରସ୍ତ ନକରିବାରୁ ବ୍ୟାଙ୍କ ପୁଲିସ ନିକଟରେ ଅଭିଯୋଗ କରିଥିଲା । ଗୋଇନ୍ଦାମାନେ ବ୍ୟାଙ୍କ ଖାତାର ଉତ୍ସକୁ ଆଧାର କରି ଅନୁସନ୍ଧାନ କରି ୭ ଜଣଙ୍କୁ ଗିରଫ କରିଛନ୍ତି । ସେମାନଙ୍କୁ ଗିରଫ କରିବା ପରେ ପୁଲିସ କହିଛି, ଗ୍ୟାଙ୍ଗର ଅବଶିଷ୍ଟ ସଦସ୍ୟଙ୍କୁ ଖୋଜା ଚାଲିଛି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.