ନୂଆଦିଲ୍ଲୀ ୨୯/୦୫: ଶୁକ୍ର ଗ୍ରହ ମେ ୩୦ ରେ ଚନ୍ଦ୍ରଙ୍କ ରାଶି କର୍କଟରେ ପ୍ରବେଶ କରିବେ। ଯାହାର ପ୍ରଭାବ ସମସ୍ତ ୧୨ ଟି ରାଶି ଉପରେ ପଡିବ। ଶୁକ୍ର ଗ୍ରହକୁ ଧନ ଏବଂ ବିଳାସର କାରକ ବୋଲି ବିବେଚନା କରାଯାଏ। ଏହି ରାଶି ପରିବର୍ତ୍ତନ ଅନେକ ରାଶିର ବ୍ୟକ୍ତିଙ୍କୁ ଧନ ଲାଭ ବ୍ୟତୀତ ବୈବାହିକ ସୁଖ ପ୍ରଦାନ କରିବ। ଶୁକ୍ର ବର୍ତ୍ତମାନ ମିଥୁନ ରାଶିରେ ବସିଛନ୍ତି। ଚନ୍ଦ୍ରଙ୍କ ରାଶି କର୍କଟରେ ମେ ୩୦ ସନ୍ଧ୍ୟା ୭.୫୧ ରେ ପ୍ରବେଶ କରିବେ। ଯାହା ୩ ଟି ରାଶି ଉପରେ ସିଧାସଳଖ ପ୍ରଭାବ ପକାଇବ। ଏମାନଙ୍କ ପାଇଁ ଧନ ଲାଭ ହେବାର ଯୋଗ ରହିଛି। ଆସନ୍ତୁ ଜାଣିବା ସେହି ୩ ରାଶି ବିଷୟରେ।

ମିଥୁନ : ଶୁକ୍ର ଗ୍ରହ ମିଥୁନ ରାଶିରୁ କର୍କଟ ରାଶିରେ ପ୍ରବେଶ କରିବାକୁ ଯାଉଛନ୍ତି। ଏହି କାରଣରୁ ମିଥୁନ ରାଶିର ଲୋକଙ୍କୁ ଜବରଦସ୍ତ ଫାଇଦା ହେବ। ପୈତୃକ ସମ୍ପତ୍ତିରୁ ଲାଭ ମିଳିବ। ଏହା ବ୍ୟତୀତ ମିଥୁନ ରାଶିର ଲୋକଙ୍କୁ ସେମାନଙ୍କର ବୁଦ୍ଧି ବଳରେ ଧନ ରୋଜଗାର କରିବାରେ ସଫଳତା ମିଳିବ।

କର୍କଟ : ଶୁକ୍ର ଗ୍ରହ କର୍କଟ ରାଶିରେ ପ୍ରବେଶ କରିବାକୁ ଯାଉଛନ୍ତି। ଏହି କାରଣରୁ କର୍କଟ ରାଶିର ଲୋକଙ୍କ ପାଇଁ ରୋଜଗାରର ସମସ୍ତ ଦ୍ୱାର ଖୋଲିବ। ହଠାତ୍ ମୁଦ୍ରା ଲାଭ ହେବାର ସମ୍ଭାବନା ରହିବ। ଆୟର ଉତ୍ସ ବୃଦ୍ଧି ପାଇବ।

କନ୍ୟା : ଶୁକ୍ରଙ୍କ ରାଶି ପରିବର୍ତ୍ତନ କନ୍ୟା ରାଶିର ବ୍ୟକ୍ତିଙ୍କୁ ମଧ୍ୟ ଲାଭବାନ କରାଇବ। ମା ଲକ୍ଷ୍ମୀଙ୍କ କୃପା ରହିବ ଏବଂ ଧନ ସମ୍ବନ୍ଧୀୟ ପ୍ରତ୍ୟେକ ସମସ୍ୟା ଶେଷ ହେବ। ଏହା ସହିତ, ଦରମା ବୃଦ୍ଧି ଏବଂ ପ୍ରମୋସନ ହେବାର ସମ୍ଭାବନା ମଧ୍ୟ ରହିଛି।