PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : ମେଲାଣି ନେବେ ମା’, ଟ୍ଵିନ୍ ସିଟିରେ ମୁତୟନ ହେବେ ୧୭ ପ୍ଲାଟୁନ ଫୋର୍ସ
  • ||
  • କୋଲକାତା : ଦୁର୍ଗା ଭସାଣି ବେଳେ ଫ୍ଲାସ ଫ୍ଲଡ୍, ୭ ମୃତ, ୪୦ ନିଖୋଜ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୪୯ ପଜିଟିଭ୍ ଚିହ୍ନଟ
  • ||

ସମ୍‌ରେ ଜଟିଳ ଅସ୍ତ୍ରୋପଚାର

ଭୁବନେଶ୍ୱର,୧୨ ।୩(ବ୍ୟୁରୋ): ସମ୍‌ ହସ୍ପିଟାଲରେ ଆଉ ଏକ ବିରଳ ଅସ୍ତ୍ରୋପଚାର ହୋଇଛି । ଜଣେ ୩୯ ବର୍ଷୀୟା ମହିଳାଙ୍କ ଫୁସଫୁସ୍‌ କାର୍ସିନଏଡ୍‌ ଟ୍ୟୁମରର ସଫଳ ଅସ୍ତ୍ରୋପଚାର କରିଛନ୍ତି ହସ୍ପିଟାଲର ଅଙ୍କୋଲୋଜି ବିଭାଗ ଡାକ୍ତର ।
ମହିଳା ଜଣଙ୍କ ବାମପାଶ୍ୱର୍ ଫୁସଫୁସରେ କାର୍ସିନଏଡ୍‌ ଟ୍ୟୁମର ହୋଇଥିଲା । ରୋଗ ଚିହ୍ନଟ ହେବା ପରେ ମହିଳା ଜଣକ ଅନେକ ହସ୍ପିଟାଲକୁ ଯାଇଥିଲେ । ସବୁଆଡ଼ୁ ନିରାଶ ହେବା ପରେ ଶେଷରେ ସମ୍‌ ହସ୍ପିଟାଲକୁ ଆସିଥିଲେ । ପରୀକ୍ଷା ପରେ ସ୍ପଷ୍ଟ ହୋଇଥିଲା, ମହିଳାଙ୍କ ବାମ ପାଶ୍ୱର୍ ଫୁସଫୁସର ଅଧା ଭାଗକୁ ଲୋୱର ଗ୍ରେଡ୍‌ ଟ୍ୟୁମର ବ୍ୟାପିଥିଲା । ଏଥିପାଇଁ ଅସ୍ତ୍ରୋପଚାରର ଆବଶ୍ୟକତା ଥିଲା । ତେଣୁ ଡାକ୍ତରୀ ଟିମ୍‌ ନ୍ୟୁମୋନେକ୍‌ଟୋମୀ କରିବାକୁ ନିଷ୍ପତ୍ତି ନେଇଥିଲେ । ଏହାଦ୍ୱାରା ତାଙ୍କର ସଂପୂର୍ଣ୍ଣ ବାମପାଶ୍ୱର୍ର ଫୁସଫୁସକୁ ସଫଳତାର ସହ କାଢି ବାହାର କରାଯାଇଥିଲା ।
ହସ୍ପିଟାଲର ଅଙ୍କୋ ସର୍ଜରୀ ବିଭାଗର ଡାକ୍ତର ସୁନିଲ୍‌ ଅଗ୍ରୱାଲ ଅସ୍ତ୍ରୋପଚାରର ନେତୃତ୍ୱ ନେଇଥିଲେ । ଅସ୍ତ୍ରୋପଚାର ଟିମ୍‌ରେ ଅନ୍ୟ ମାନଙ୍କ ମଧ୍ୟରେ ଡାକ୍ତର ଅମିତାଭ ଜେନା, ଡା.ପ୍ରଦ୍ୟୁମ୍ନ ସାହୁ, ଡା.ସୌରଭ ମିଶ୍ର, ନିଶ୍ଚେତକ ବିଭାଗର ଶ୍ରୀହର୍ଷ ଶତପଥୀ ଓ ଡା. ସୁଦୀପ ସାମିଲ ଥିଲେ । ଡା.ରାଜେଶ ଲେଙ୍କା, ଡା. ଏସ ଏନ ମହାନ୍ତି ଓ ଦେବୀ ମହାନ୍ତି ଏଥିରେ ସହଯୋଗ କରିଥିଲେ ।
ଡା.ଅଗ୍ରୱାଲ ସୂଚନା ଦେଇ କହିଛନ୍ତି, ରୋଗୀ ଜଣକ ଏବେ ସଂପୂର୍ଣ୍ଣ ସୁସ୍ଥ ଅଛନ୍ତି । ଏଭଳି ଅସ୍ତ୍ରୋପଚାର ସମ୍‌ ହସ୍ପିଟାଲରେ ସଫଳତାର ସହ କରାଯାଉଛି । ତେଣୁ କ୍ୟାନ୍‌ସର ଆକ୍ରାନ୍ତ ରୋଗୀ ଭୟଭୀତ ନହୋଇ ସମ୍‌ ହସ୍ପିଟାଲକୁ ଆସନ୍ତୁ ।