ନୂଆଦିଲ୍ଲୀ,୦୬/୦୬: ପଳାତକ ବ୍ୟବସାୟୀ ବିଜୟ ମାଲ୍ୟା ଭାରତ ଆସିବାକୁ ଯୋଜନା କରୁଛନ୍ତି । ଏ ନେଇ ବିଜୟ ମାଲ୍ୟାଙ୍କ ପକ୍ଷରୁ ସରକାରଙ୍କ ଆଗରେ କିଛି ସର୍ତ୍ତ ରଖାଯାଇଛି । ନିକଟରେ ମାଲ୍ୟା ଏକ ପୋଡ଼କାଷ୍ଟରେ ସାମିଲ ହୋଇଥିଲେ । ଯେଉଁଥିରେ ଦୁର୍ନୀତି ଅଭିଯୋଗଠୁ ନେଇ ପଳାତକ ସମେତ ପ୍ରସଙ୍ଗରେ ଖୋଲାଖୋଲି କଥା ହୋଇଥିଲେ । ୨୦୧୬ରେ ଭାରତରୁ ଫେରାର ହୋଇଥିଲେ ବିଜୟ ମାଲ୍ୟା । ତାଙ୍କୁ ଭାରତ ଆଣିବାକୁ ଯୋଜନା ଚାଲିଛି ।
ଏକ ପୋଡ଼କାଷ୍ଟରେ ବିଜୟ ମାଲ୍ୟାଙ୍କୁ ପଚରାଯାଇଥିଲା ଯଦି ଶୁଶାଣି ନିରପେକ୍ଷ ହୁଏ, ତେବେ କଣ ତୁମେ ଭାରତ ଆସିବାକୁ ଚାହିଁବ । ଏହା ଉପରେ ସେ କହିଥିଲେ, 'ଯଦି ମୋତେ ଭରସା ଦିଆଯିବ ତେବେ ନିଶ୍ଚିନ୍ତ ଏହା ଉପରେ ଗମ୍ଭୀରତାର ସହ ବିଚାର କରିବି । କିଛି ଅନ୍ୟ ଲୋକ ଅଛନ୍ତି ଯାହାଙ୍କୁ ସରକାର ବ୍ରିଟେନ୍ରୁ ପ୍ରତ୍ୟାର୍ପଣ କରିବାକୁ ଟାର୍ଗେଟ କରୁଛନ୍ତି ।'
ସେ ଆହୁରି କହିଛନ୍ତି, '୨୦୧୬ ପରେ ଭାରତ ନଯିବାରୁ ମୋ ପଳାତକ କୁହାଗଲା । ମୁଁ ଆଗରୁ ଭାରତରୁ ଆସିଥିଲି । ଏହା ସତ ଯେ ମୁଁ ସେହି କାରଣକୁ ଆଉ ଭାରତ ଯାଇନାହିଁ । ଯାହା ମୋତେ ବୈଧ ଲାଗେ । ଏମିତିରେ ଯଦି ମୋତେ ତୁମେ ପଳାତକ କହିବାକୁ ଚାହୁଁଛ ତେବେ କରିପାର । ହେଲେ ଚୋରର କହିବାର ମାନେ କଣ କେଉଁଠି ଚୋରି ହୋଇଛି ?'
ବିଜୟ ମାଲ୍ୟା ଭାରତୀୟ ବ୍ୟାଙ୍କରୁ କିଙ୍ଗଫିସର ଏୟାରଲାଇନ୍ସକୁ ଦିଆଯାଇଥିବା ୯ ହଜାର କୋଟିରୁ ଅଧିକ ଋଣ ପରିଶୋଧ ନକରିବାର ଅଭିଯୋଗ ରହିଛି । ୨୦୧୬ରୁ ସେ ବ୍ରିଟେନ୍ରେ ରହୁଛନ୍ତି । ଏବେ ସେ ଭାରତ ଫେରିବାକୁ ନେଇ ବଡ଼ ବୟାନ ଦେଇଛନ୍ତି । ୨୦୧୭ରେ ଭାରତ ବ୍ରିଟେନ୍କୁ ପ୍ରତ୍ୟାର୍ପଣ ନେଇ ଦାବି କରିଥିଲା । ୨୦୧୮ରେ ଲଣ୍ଡନ କୋର୍ଟ ଏ ନେଇ ମଞ୍ଜୁରୀ ଦେଇଥିଲେ । ୨୦୧୯ରେ ବ୍ରିଟେନ୍ ହୋମ୍ ସେକ୍ରେଟାରୀ ଏହାକୁ ମଞ୍ଜୁର କରିଥିଲେ । ଏହାପରେ ବିଜୟ ମାଲ୍ୟାଙ୍କ ଅପିଲ ପରେ ମାମଲା ଏବେ ଆଇନ୍ଗତ ମାମଲାରେ ଫସି ରହିଛି ।
