ଫିରିଙ୍ଗିଆ,୨୦/୦୫: ମୋବାଇଲ୍ ନେଟଓ୍ବାର୍କରୁ ବଞ୍ଚିତ ଆଦିବାସୀ ଅଞ୍ଚଳର ଲୋକେ । ନେଟଓ୍ବର୍କ ନଥିବାରୁ କୌଣସି ଅନଲାଇନ୍ କାର୍ଯ୍ୟ ହେଇପାରୁନାହିଁ । ଫଳରେ ପ୍ରତିଦିନ ଅନେକ ସମସ୍ୟାରେ ସମ୍ମୁଖୀନ ହେଉଛନ୍ତି ଗ୍ରାମବାସୀ । ଏଭଳି ଅଭିଯୋଗ ଆସିଛି କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ୍ ପବିଙ୍ଗିଆ ପଞ୍ଚାୟତର ବବଡିଙ୍ଗିଆ ଗାଁରୁ । ଏଠାରେ ୭୦ରୁ ଉର୍ଦ୍ଧ୍ବ ପରିବାର ବସବାସ କରୁଥିଲେ ମଧ୍ୟ ଗାଁରେ ମୋବାଇଲ ନେଟଓ୍ବର୍କର ସୁବିଧା ନାହିଁ । ଏନେଇ ବାରମ୍ବାର ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ । ତେଣୁ ଶୀଘ୍ର ଏହି ସମସ୍ୟାର ସମାଧାନ କରାନଗଲେ ରାଜରାସ୍ତା ଓହ୍ଲାଇବେ ବୋଲି ଗାଁ ଲୋକେ ଚେତାବନୀ ଦେଇଛନ୍ତି ।
ଛାତ୍ରଛାତ୍ରୀ ପାଠପଢା ଠାରୁ ଚାକିରି ଆଦି କ୍ଷେତ୍ରରେ ନେଟୱର୍କ ଆବଶ୍ୟକ ହେଉଛି । ମାତ୍ର ଏଠାରେ ନେଟୱର୍କ ସମସ୍ୟା ରହିଥିବାରୁ ଏସବୁ କାମ ବାଧାପ୍ରାପ୍ତ ହେଉଛି । ଏପରି କି ବ୍ୟାଙ୍କ ଠାରୁ ସରକାରୀ କାମ ପାଇଁ ଆସୁଥିବା ବିଭିନ୍ନ ଲୋକ ଅସୁବିଧା ଭୋଗୁଛନ୍ତି । ତେଣୁ ବବଡିଙ୍ଗିଆ ଗାଁରେ ମୋବାଇଲ୍ ନେଟୱର୍କ ସ୍ଥାପନ ନିମନ୍ତେ ଗ୍ରାମବାସୀ ଦାବି କରିଛନ୍ତି । ଏହି ବବଡିଙ୍ଗିଆ ଗାଁ ଦୁଇ ନମ୍ବର ଉଆଢରେ ରହିଥିବା ବେଳେ ବବଡିଙ୍ଗିଆ,କାମ୍ବାପଡା, ବେଙ୍ଗସିପଦର, ଜେନାପଡ଼ା, ତେଣ୍ଡି ପଡ଼ା, ପାଙ୍ଗାପଡା, ବାଡିପଦର, ପିଢ଼ାପଡ଼ା ଭଳି ୮ଟି ସାହି ନେଟୱର୍କ ସମସ୍ୟା ଘେରରେ ରହୁଛନ୍ତି । ଆଗାମୀ ଦିନରେ ଯଦି ନେଟୱର୍କ ସ୍ଥାପନ ନ ହୁଏ ତାହା ହେଲେ ରାଜରାସ୍ତାକୁ ଓହ୍ଲାଇବେ ବୋଲି ଗାଁ ଲୋକେ ଚେତାବନୀ ଦେଇଛନ୍ତି । ତେଣୁ ପ୍ରଶାସନ ଏଥିପ୍ରତି ଦୃଷ୍ଟି ଆକର୍ଷଣ କରିବା ସହ ଜିଓ ନେଟୱର୍କ ସ୍ଥାପନ ନିମନ୍ତେ ଗ୍ରାମବାସୀ ଶ୍ରୀବତ୍ସ ଦିଗାଲ, ନରେଶ ପ୍ରଧାନ, ଶୁଶିଳ ସାହୁ, ରାଜୁ ରଣା, ହେମନ୍ତ କୁମାର ସାହୁ, ନିରଞ୍ଜନ ରଣା, ଅଜିତ୍ ପ୍ରଧାନ, ଗୋପବନ୍ଧୁ ସାହୁ, ଦିବ୍ୟ ଲୋଚନ ସାହୁ, ସମେତ ଅଞ୍ଚଳବାସୀ ଦାବି କରିଛନ୍ତି ।
