ବିରାଟ କୋହଲି ସେୟାର କଲେ ଦଶମ ମାର୍କସିଟ୍, ଗଣିତରେ ରଖିଥିଲେ କମ୍ ନମ୍ବର…

ନୂଆଦିଲ୍ଲୀ ୩୧/୩: ମଇଦାନରେ ଚୌକା-ଛକା ମାରି ସମସ୍ତଙ୍କ ହୃଦୟ ଜିତୁଥିବା ବିରାଟ କୋହଲି ସୋସିଆଲ ମିଡିଆରେ ନିଜ ୧୦ମ ମାର୍କସିଟ୍ ସେୟାର କରିଛନ୍ତି । ସେୟାର କରିବା ପରେ ଏହି ମାର୍କସିଟ୍ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସେ ସୋସିଆଲ ମିଡିଆ ପ୍ଲାଟଫର୍ମ କୁରେ ନିଜ ମାର୍କସିଟ୍ ସେୟାର କରିଛନ୍ତି । ଏହା ଦେଖିବାମାତ୍ରେ ଆପଣ ଆଶ୍ଚର୍ଯ୍ୟ ହୋଇଯିବେ । କ୍ୟାପ୍ସନରେ କିଙ୍ଗ୍ କୋହଲି ଲେଖିଛନ୍ତି କି –ଏହା ବହୁତ ମଜାଦାର କି କୌଣସି ଜିନିଷ ଯାହା ଆପଣଙ୍କ ମାର୍କସିଟରେ ସବୁଠାରୁ କମ୍ ଯୋଡୁଥିବ କିନ୍ତୁ ତାହା ଆପଣଙ୍କ ଚରିତ୍ରରେ ସବୁଠାରୁ ଅଧିକ ଯୋଡୁଥିବ । ବିରାଟ କୋହଲି ୩୦ ମାର୍ଚ୍ଚରେ ଏହି ପୋଷ୍ଟ ସେୟାର କରିଛନ୍ତି । ଏହାକୁ ୟୁଜର୍ସ ଖୁବ୍ ପସନ୍ଦ କରୁଛନ୍ତି ।

କିଙ୍ଗ୍ କୋହଲି ଯେଉଁ ମାର୍କସିଟ୍ ସେୟାର କରିଛନ୍ତି ସେଥିରେ ସମୁଦାୟ ୫ ସବଜେକ୍ଟ ରହିଛି । ଇଂରାଜୀରେ ସେ ୮୩ ନମ୍ବର ରଖିଛନ୍ତି । ହିନ୍ଦୀରେ ୭୫ ନମ୍ବର, ଗଣିତରେ ସବୁଠାରୁ କମ୍ ୫୧, ବିଜ୍ଞାନରେ ୫୫, ସାମାଜିକ ବିଜ୍ଞାନରେ ୮୧ ନମ୍ବର, ବୈକଳ୍ପିକ ବିଷୟରେ ସେ ସମୁଦାୟ ୭୪ ନମ୍ବର ରଖିଛନ୍ତି ।

କୋହଲି ଦେଶର ତଥା ବିଶ୍ୱର ଜଣେ ଜଣାଶୁଣା କ୍ରିକେଟର । କଠିନ ପରିଶ୍ରମ କରି ସେ ନିଜର ଏକ ଅଲଗା ପରିଚୟ ସୃଷ୍ଟି କରିପାରିଛନ୍ତି । ବିଶ୍ୱର ଅନେକ କ୍ରିକେଟର୍ସ ତାଙ୍କଠାରୁ ପ୍ରଭାବିତ ହୁଅନ୍ତି । ତେବେ ତାଙ୍କ ୧୦ମ ମାର୍କସିଟ୍ ସୋସିଆଲ ମିଡିଆରେ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ଏହି ପୋଷ୍ଟରେ ଅନେକ ୟୁଜର୍ସଙ୍କ କମେଣ୍ଟ୍ସ ଦେଖିବାକୁ ମିଳୁଛି । ଜଣେ ୟୁଜର କମେଣ୍ଟ କରି ଲେଖିଛନ୍ତି କି ଆପଣଙ୍କଠୁ ଅନେକ ଲୋକ ମୋଟିଭେଟ୍ ହୁଅନ୍ତି । ସେହିଭଳି ଅନ୍ୟ ଜଣେ ୟୁଜର କମେଣ୍ଟରେ ଲେଖିଛନ୍ତି କି ମାର୍କସିଟ୍ ଦେଖି ଲାଗୁଛି ଆପଣ ଭଲ ପାଠ ପଢୁଥିଲେ ।