ନୂଆଦିଲ୍ଲୀ : ଯେବେ ସୋସିଆଲ ମିଡ଼ିଆ ପ୍ଲାଟଫର୍ମ ଟ୍ୱିଟରକୁ ଏଲନ ମସ୍କ କିଣିବାକୁ ନିଷ୍ପତ୍ତି ନେଇଥିଲେ , ସେବେ ଠାରୁ ଖବରର ବଜାର ପୂରା ସରଗରମ୍‌ ହୋଇ ଉଠିଛି। ଏହି ଭିତରେ ସବୁଠୁ ଅଧିକ ଚର୍ଚ୍ଚା ଟ୍ୱିଟରରେ ଭେରିଫାଏଡ ଆକାଉଣ୍ଟ ଓ ଏହାକ ସବ୍ସକ୍ରିପ୍ସନ ଚାର୍ଜ ବିଷୟରେ ହେଉଛି। ଗତ ୯ ନଭେମ୍ୱରରେ ଟ୍ୱିଟର ଟ୍ୱିଟର ବ୍ଲୁ ନାମରେ ଏକ ସବ୍ସକ୍ରିପ୍ସନ ସର୍ଭିସ ଲଞ୍ଚ କରିଛି , ଯେଉଁଥିରେ ଆପଣ କିଛି ଟଙ୍କା ଦେଇ ନିଜର ଟ୍ୱିଟର ଆକାଉଣ୍ଟକୁ ଭେରିଫାଇ କରି ପାରିବେ। ବର୍ତ୍ତମାନ ସମୟରେ ଏହି ସବ୍ସକ୍ରିପ୍ସନ ମଡେଲର ଆରମ୍ଭ ଆମେରିକା, କାନାଡା , ଅଷ୍ଟ୍ରେଲିଆ ,ନ୍ୟୁଜିଲାଣ୍ଡ ଓ ବ୍ରିଟେନରେ ହୋଇଛି। ହେଲେ ଅନେକ ଫେକ୍‌ ଆକାଉଣ୍ଟ ଭେରିଫାଇଡ୍‌ ହେବାର କାରଣରୁ ଏହାକୁ ବନ୍ଦ କରିବାକୁ ପଡ଼ିଥିଲା। ଏବେ ଆଉ ଥରେ କମ୍ପାନୀ ନୂଆ ପ୍ଲାନ୍‌ ସହ ଏହି ଫିଚରକୁ ଲଞ୍ଚ କରିବାକୁ ଯାଉଛି।

୯ ନଭେମ୍ୱରରେ ଟ୍ୱିଟର ବ୍ଲୁ ନାମରେ ସବ୍ସକ୍ରିପ୍ସନ ସର୍ଭିସ୍‌ ଲଞ୍ଚ ହେବାର କିଛି ଦିନପରେ ଏହାକୁ ବନ୍ଦ କରିବାକୁ ପଡ଼ିଥିଲା । ଏହାର ସବୁଠୁ ବଡ଼ କାରଣ ଫେକ୍‌ ଆକାଉଣ୍ଟସ୍‌ ଭେରିଫାଇଡ୍‌ ହୋଇଯିବା କୁହାଯାଉଛି। ଏହାପରେ ଟ୍ୱିଟର ଏହି ସବ୍ସକ୍ରିପ୍ସନ ମଡେଲକୁ ଆଉ ଥରେ ୨୯ ନଭେମ୍ୱରରେ ରିଲଞ୍ଚ କରିବାର ନିଷ୍ପତ୍ତି ନେଇଛନ୍ତି । ହେଲେ ଏହାର ସବ୍ସକ୍ରାଇବରଙ୍କ ପାଇଁ କଣ କ୍ରାଇଟେରିଆ ଅଛି, ଏହା ଏବେ ସ୍ପଷ୍ଟ କରାଯାଇ ନାହିଁ। ବର୍ତ୍ତମାନ ଏହି ଫିଚରର ଲାଭ କେବଳ ଆଇଓଏସ ଡିଭାଇସ ବ୍ୟବହାର କରୁଥିବା ଲୋକ ହିଁ ଉଠାଇ ପାରିବେ ଅର୍ଥାତ୍‌ ଯେଉଁ ଲୋକ ଆଇଫୋନ ବା ଆଇପ୍ୟାଡ୍‌ ବ୍ୟବହାର କରିଥାନ୍ତି।

{"width":859,"height":484}

ବ୍ଲୁ ଟିକ୍‌ ପାଇଁ ସବ୍ସକ୍ରାଇବ କରିବାର ସବୁଠୁ ସହଜ ଉପାୟ –

୧- ଟ୍ୱିଟର ଆପ୍‌ ଓପେନ କରନ୍ତୁ ।

୨- ଆପ୍‌ ଓପେନ କରିବା ପରେ ପ୍ରୋଫାଇଲ ପିକଚର୍‌ ରେ ଟ୍ୟାପ୍‌ କରନ୍ତୁ ।

୩- ଏହାପରେ ଟ୍ୱିଟର ବ୍ଲୁ ଅପସନରେ ଟ୍ୟାପ୍‌ କରନ୍ତୁ ।

୪- ଏହାପରେ ସବ୍ସକ୍ରାଇବ୍‌ ବଟନ୍‌ରେ କ୍ଲିକ୍‌ କରନ୍ତୁ ।

ଅନେକ ରିପୋର୍ଟରେ କୁହାଯାଉଛି କି ନୂଆ ଟ୍ୱିଟର ୟୁଜରଙ୍କୁ ସବ୍ସକ୍ରାଇବ୍‌ କରିବାର ୯୦ ଦିନ ପରେ ବ୍ଲୁଟିକ୍‌ ଦିଆଯିବ । ଆପଣଙ୍କୁ କହି ରଖୁଛୁ କି ଏହି ସର୍ଭିସ ଏବେ ଭାରତରେ ଆରମ୍ଭ ହୋଇନାହିଁ ।