ମୁମ୍ବାଇ,୨୪/୦୫:ଖୁବଶୀଘ୍ର ରିଲିଜ ହେବାକୁ ଯାଉଛି 'ୱାର ୨'। ଆଉ ଏହାରି ମଧ୍ୟରେ ନିକଟରେ 'ୱାର ୨'ର ଟିଜର ରିଲିଜ୍ ହୋଇଥିବା ବେଳେ ଫିଲ୍ମର ନିର୍ଦ୍ଦେଶକ ଆୟନ ମୁଖାର୍ଜୀ ପ୍ରଥମ ଥର ପାଇଁ ଏହି ବହୁ ପ୍ରତୀକ୍ଷିତ ଆକ୍ସନ ଫିଲ୍ମ ବିଷୟରେ କହିଛନ୍ତି । ମେ ୨୩ ତାରିଖରେ, ଇନଷ୍ଟାଗ୍ରାମରେ, ଆୟନ ତାଙ୍କର ମୁଖ୍ୟ କଳାକାରଙ୍କ ସହିତ ସେଟରୁ ପରଦା ପଛର ଫଟୋ ପୋଷ୍ଟ କରି ତାଙ୍କ ଅଭିଜ୍ଞତା ସେୟାର କରିଛନ୍ତି।
ତେବେ ଜୁନିଅର ଏନଟିଆରଙ୍କ ଜନ୍ମଦିନରେ ନିର୍ମାତା 'ୱାର ୨'ର ଟିଜର ରିଲିଜ୍ କରିଥିଲେ । ଟିଜରଟିକୁ ଫ୍ୟାନ୍ସ ବେଶ ପସନ୍ଦ ମଧ୍ୟ କରିଥିଲେ । ଟିଜରକୁ ମିଳିଥିବା ଭଲପାଇବା ପାଇଁ ଆୟନ ସୋସିଆଲ ମିଡିଆରେ ପୋଷ୍ଟ କରି ଦର୍ଶକଙ୍କ ପ୍ରତି କୃତଜ୍ଞତା ପ୍ରକାଶ କରିଛନ୍ତି । ସେ କିଆରା,ହ୍ରିତିକ୍ ଏବଂ ଜୁନିଅର ଏନଟିଆରଙ୍କ ସହ ଫଟୋ ପୋଷ୍ଟ କରିଛନ୍ତି । ପୋଷ୍ଟ ସେୟାର କରି ସେ କ୍ୟାପସନରେ ଲେଖିଛନ୍ତି,'ଆମ ଫିଲ୍ମର ଟିଜର କିଛି ଦିନ ପୂର୍ବରୁ ରିଲିଜ୍ ହୋଇଥିଲା । ଆମର ବଡ଼ ଏବଂ ସୁନ୍ଦର ଫିଲ୍ମଟି ସିନେମା ହଲରେ ଆସିବାକୁ ଆଉ ୧୨ ସପ୍ତାହ ବାକି ଅଛି । ମୁଁ ଭାବୁଛି ଏହା ହିଁ ତୁମ ସହିତ କିଛି ସେୟାର କରିବା ପାଇଁ ସଠିକ୍ ସମୟ । ଆମ ଫିଲ୍ମରେ ଦର୍ଶକଙ୍କୁ ଦେଖାଇବାକୁ ବହୁତ କିଛି ଅଛି । ଆଜି ମୁଁ ଏହି କଥା ପ୍ରତି ଧ୍ୟାନ ଦେବାକୁ ଚାହୁଁଛି ଯେ ୱାର ୨ ମୋତେ ବହୁତ ପ୍ରେରଣା ଦିଏ ।'କିଆରାଙ୍କ ବିଷୟରେ ଆଲୋଚନା କରି ଆର୍ଯ୍ୟନ ଆହୁରି ଲେଖିଛନ୍ତି, 'ଏଠାରେ ମୋର ପ୍ରିୟ କିଆରା, ଯିଏ ଫିଲ୍ମରେ ସୂର୍ଯ୍ୟକିରଣ ଏବଂ ଆଜି ମୋ ଜୀବନରେ ଜଣେ ପ୍ରିୟ ବନ୍ଧୁ। କିନ୍ତୁ ବିଶେଷକରି ତିନୋଟି ପ୍ରମୁଖ ଶକ୍ତି ଯାହା ମୋତେ ଏହି ମହତ୍ୱାକାଂକ୍ଷୀ ଚଳଚ୍ଚିତ୍ର ତିଆରି କରିବା ପାଇଁ ମୂଳଦୁଆ ପକାଇଥିଲା ।' ସେ ଆଦିତ୍ୟ ଚୋପ୍ରା ବିଷୟରେ ମଧ୍ୟ କହିଥିଲେ । ଟିଜରକୁ ମିଳିଥିବା ଭଲପାଇବା ପାଇଁ ନିର୍ଦ୍ଦେଶକ ଦର୍ଶକଙ୍କୁ ଧନ୍ୟବାଦ ଜଣାଇଛନ୍ତି । 'ଆଗାମୀ ଦିନରେ ବହୁତ କିଛି ବାଣ୍ଟିବାକୁ ଅଛି, କିନ୍ତୁ ବର୍ତ୍ତମାନ ପାଇଁ, ଆମର ଟିଜର ଡ୍ରପ୍ ପାଇଁ ମୋର କୃତଜ୍ଞତା ପ୍ରକାଶ କରୁଛି ।'ଆମେ ଅଗଷ୍ଟ ୧୪, ୨୦୨୫ ଆସୁଛି ବୋଲି ଲେଖିଛନ୍ତି।'
