ଆସନ୍ତା ୨ ଦିନ ଉପକୂଳ ଓଡ଼ିଶାରେ ଆହୁରି ବଢ଼ିବ ତାପମାତ୍ରା, ୨୯ରୁ ବଦଳିବ ପାଗ

ଭୁବନେଶ୍ୱର ୨୭/୦୧: ଏବେ ଦିନ ତାପମାତ୍ରା ଅଧିକ ରହିବ । ଉପକୂଳ ଓଡ଼ିଶାରେ ଆସନ୍ତା ଦୁଇ ଦିନରେ ଏହା ଆହୁରି ବଢ଼ିବ । ଆଗାମୀ ୫ ଦିନ ଯାଏଁ ଓଡିଶା ବିଭିନ୍ନ ଜିଲ୍ଲାରେ ସର୍ବନିମ୍ନ ରାତିର ତାପମାତ୍ରାରେ କୌଣସି ପରିବର୍ତ୍ତନ ହେବ ନାହିଁ। ଆଭ୍ୟନ୍ତରୀଣ ଦକ୍ଷିଣରେ ୧.୫ ଡିଗ୍ରୀ ବଢ଼ିପାରେ । ତେବେ ୨୯ ପରେ ପାଗ ବଦଳିପାରେ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ନିର୍ଦ୍ଦେଶକ ଡ. ସୁରେନ୍ଦ୍ରନାଥ ପଶୁପାଳକ କହିଛନ୍ତି ।

ରାଜ୍ୟକୁ ସାମୁଦ୍ରିକ ବାୟୁ ପ୍ରବେଶ କରିପାରୁନି । ଏଥିପାଇଁ ଦିନରେ ତାପମାତ୍ରା ଅଧିକ ରହୁଛି ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ବୈଜ୍ଞାନିକ ଉମାଶଙ୍କର ଦାଶ କହିଛନ୍ତି। ବାୟୁମଣ୍ଡଳରେ ଜଳୀୟବାଷ୍ପ ମାତ୍ରା କମିଛି । ଏଥିପାଇଁ ତାପମାତ୍ରା ବଢ଼ିଯାଇଛି ବୋଲି ସେ କହିଛନ୍ତି । ଉତ୍ତର ଭାରତରେ ପଶ୍ଚିମା ଝଡ଼ ଅଧିକ ସକ୍ରିୟ ହୋଇ ଓଡ଼ିଶା ଉପରେ ପ୍ରଭାବ ପକାଇବ ବୋଲି ଆକଳନ ଥିଲା । କିନ୍ତୁ ଆକଳନ ମୁତାବକ ଏହା ସକ୍ରିୟ ହେଉନି । ଏଥିପାଇଁ ୨୯ରୁ ରାଜ୍ୟରେ ପାଗ ବଦଳିବା ସମ୍ଭାବନା କମ୍‌ ବୋଲି ସେ କହିଛନ୍ତି ।