ନୂଆଦିଲ୍ଲୀ,୨୮/୦୩; ଆଇପିଏଲ ୨୦୨୬ର ଉତ୍ସାହ ଆରମ୍ଭ ହେବାକୁ ଯାଉଛି । ଆଉ କିଛି ଘଣ୍ଟାର ଅପେକ୍ଷା । ଆରମ୍ଭ ହେବ ଫଟାଫଟ କ୍ରିକେଟ ମହାକୁମ୍ଭ ଇଣ୍ଡିଆନ ପ୍ରିମିୟର ଲିଗ୍ ସିଜିନ୍ ୧୯ । ପ୍ରଥମ ମ୍ୟାଚରେ ମୁହାଁମୁହିଁ ହେବେ ଡିଫେଣ୍ଡି ଚାମ୍ପିଅନ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ବନାମ ସନରାଇଜର୍ସ ହାଇଦ୍ରାବାଦ । ସନ୍ଧ୍ୟାରେ ବେଙ୍ଗାଲୁରୁର ଏମ. ଚିନ୍ନାସ୍ୱାମୀ ଷ୍ଟାଡିୟମରେ ଖେଳାଯିବ ଉଦଘାଟନୀ ମ୍ୟାଚ୍ ଖେଳିବ। ଟୁର୍ଣ୍ଣାମେଣ୍ଟର ଫାଇନାଲ୍ ୩୧ ମେରେ ଖେଳାଯିବ । କ୍ରିକେଟ ପ୍ରେମୀ ୧୦ ଦଳ ମଧ୍ୟରେ ମୋଟ ୭୪ ମ୍ୟାଚ୍ ଦେଖିବେ । ପ୍ଲେଅଫ୍ ମ୍ୟାଚ୍ ପାଇଁ କାର୍ଯ୍ୟସୂଚୀ ଏପର୍ଯ୍ୟନ୍ତ ଘୋଷଣା କରାଯାଇନାହିଁ । ତେବେ ଏଥର ଆଇପିଏଲ ସିଜିନରେ କଣ ସ୍ୱତନ୍ତ୍ର ଜାଣନ୍ତୁ ଏହି ରିପୋର୍ଟରେ ।
ନୂଆ ସ୍ଥାନ ଏବଂ ଘରୋଇ ଗ୍ରାଉଣ୍ଡ- ଏହି ସିଜିନରେ କିଛି ଦଳ ଦୁଇଟି ଘରୋଇ ଗ୍ରାଉଣ୍ଡ ବ୍ୟବହାର କରିବେ । ଆରସିବି ରାୟପୁରର ସହିଦ ବୀର ନାରାୟଣ ସିଂହ ଷ୍ଟାଡିୟମରେ ଏହାର ଦୁଇଟି ଘରୋଇ ମ୍ୟାଚ୍ ଖେଳିବ । ପଞ୍ଜାବ କିଙ୍ଗସ୍ ନ୍ୟୁ ଚଣ୍ଡିଗଡ଼ରେ ୪ଟି ଏବଂ ଧର୍ମଶାଳାରେ ୩ଟି ମ୍ୟାଚ୍ ଖେଳିବ । ରାଜସ୍ଥାନ ରୟାଲ୍ସ ମଧ୍ୟ ଜୟପୁରରେ ୪ଟି ଏବଂ ଗୌହାଟୀରେ ୩ଟି ମ୍ୟାଚ୍ ଖେଳିବ।
ମ୍ୟାଚ୍ ଟାଇମିଂ ଏବଂ ଫର୍ମାଟ୍- ଏହି ୧୦ଟି ଦଳକୁ ୫ଟି ଲେଖାଏଁ ଦୁଇଟି ଗ୍ରୁପରେ ଭାଗ କରାଯାଇଛି । ଗ୍ରୁପ ଏ ରେ ଚେନ୍ନାଇ ସୁପର କିଙ୍ଗସ୍, କୋଲକାତା ନାଇଟ୍ ରାଇଡର୍ସ, ରାଜସ୍ଥାନ ରୟାଲ୍ସ, ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ପଞ୍ଜାବ କିଙ୍ଗସ୍ ଅଛନ୍ତି । ଗ୍ରୁପ ବି ରେ ମୁମ୍ବାଇ ଇଣ୍ଡିଆନ୍ସ, ସନରାଇଜର୍ସ ହାଇଦ୍ରାବାଦ, ଗୁଜରାଟ ଟାଇଟାନ୍ସ, ଦିଲ୍ଲୀ କ୍ୟାପିଟାଲ୍ସ ଏବଂ ଲକ୍ଷ୍ନୌ ସୁପର ଜାଏଣ୍ଟ୍ସ ଅଛନ୍ତି । ଦଳଗୁଡ଼ିକ ପରସ୍ପର ସହିତ ଥରେ ଏବଂ ଅନ୍ୟ ଗ୍ରୁପର ଦଳଗୁଡ଼ିକ ସହିତ ୨ଥର ଖେଳିବେ। ମ୍ୟାଚ୍ ସମୟ ଦୃଷ୍ଟିରୁ, ସନ୍ଧ୍ୟା ୭:୩୦ ରେ ଆରମ୍ଭ ହେବ, ଅପରାହ୍ନ ମ୍ୟାଚ୍ ଅପରାହ୍ନ ୩:୩୦ରେ ଆରମ୍ଭ ହେବ ।
ଏହା ବି ପଢନ୍ତୁ...ଜମିବ ଖେଳ, ଉଛୁଳିବ ଷ୍ଟାଡିୟମ୍: ଆଜିଠୁ ଆଇପିଏଲ୍ ଟକ୍କର,ରୟାଲ ଚ୍ୟାଲେଞ୍ଜର୍ସ - ସନରାଇଜର୍ସ ଉଦ୍ଘାଟନୀ ମୁକାବିଲା
ବଡ଼ କାରବାର ଏବଂ ନିଲାମ ପରେ ପରିବର୍ତ୍ତନ- ଏଥର ନିଲାମ ପୂର୍ବରୁ ଅନେକ ବଡ଼ କାରବାର ହୋଇଥିଲା । ରବିନ୍ଦ୍ର ଜାଡେଜା ଏବଂ ସାମ କରାନଙ୍କ ବଦଳରେ ସଞ୍ଜୁ ସାମସନଙ୍କୁ ରାଜସ୍ଥାନ ରୟାଲ୍ସରୁ ଚେନ୍ନାଇ ସୁପର କିଙ୍ଗସକୁ ନିଆଯାଇଛି । ସନରାଇଜର୍ସ ହାଇଦ୍ରାବାଦରୁ ଲକ୍ଷ୍ନୌ ସୁପର ଜାଏଣ୍ଟସକୁ ମହମ୍ମଦ ଶାମି, ରାଜସ୍ଥାନରୁ ଦିଲ୍ଲୀ କ୍ୟାପିଟାଲ୍ସକୁ ନୀତିଶ ରାଣା, କୋଲକାତା ନାଇଟ୍ ରାଇଡର୍ସରୁ ମୁମ୍ବାଇ ଇଣ୍ଡିଆନ୍ସକୁ ମୟଙ୍କ ମାର୍କଣ୍ଡେ ଏବଂ ମୁମ୍ବାଇରୁ ଲକ୍ଷ୍ନୌକୁ ଅର୍ଜୁନ ତେନ୍ଦୁଲକର ସାମିଲ ।
ନିଲାମର ମୁଖ୍ୟାଂଶ- ନିଲାମରେ ସବୁଠାରୁ ମହଙ୍ଗା ବିଦେଶୀ ଖେଳାଳି ଥିଲେ କ୍ୟାମେରନ ଗ୍ରୀନ, ଯାହାଙ୍କୁ କୋଲକାତା ନାଇଟ୍ ରାଇଡର୍ସ ୨୫.୨ କୋଟି ରେ କିଣିଥିଲା । କେକେଆର ମାଥିଶା ପାଥିରାନାଙ୍କୁ ୧୮ କୋଟିରେ ଚୁକ୍ତି କରିଥିଲା । ଗତ ସିଜନରେ ୨୩.୭୫କୋଟିରେ କେକେଆର ଯାଇଥିବା ଭେଙ୍କଟେଶ ଆୟର ମାତ୍ର ୭ କୋଟିରେ ଆରସିବିକୁ ଯାଇଥିଲେ । ୨୦ ବର୍ଷୀୟ ସ୍ପିନ୍ ଅଲରାଉଣ୍ଡର ପ୍ରଶାନ୍ତ ବୀର ଏବଂ ୧୯ ବର୍ଷୀୟ ୱିକେଟକିପର-ବ୍ୟାଟର କାର୍ତିକ ଶର୍ମାଙ୍କୁ ସିଏସକେ ୧୪.୨ କୋଟି ରେ କିଣିଥିଲା । ଜମ୍ମୁ ଏବଂ କାଶ୍ମୀର ଦ୍ରୁତ ବୋଲର ଆକିବ ନବିଙ୍କୁ ୮.୪କୋଟିରେ ଦିଲ୍ଲୀ କିଣିଛି ।
ଆହତ ସମସ୍ୟା ବଢାଇଲା ଟିମର ଟେନସନ୍- ଆଘାତ କିମ୍ବା ଅନ୍ୟାନ୍ୟ କାରଣରୁ ଅନେକ ପ୍ରମୁଖ ଖେଳାଳି ଉପଲବ୍ଧ ନାହାନ୍ତି । କେକେଆରର ହର୍ଷିତ ରାଣା ଏବଂ ଆକାଶ ଦୀପ ସମ୍ପୂର୍ଣ୍ଣ ଟୁର୍ଣ୍ଣାମେଣ୍ଟରୁ ବାହାରେ ଅଛନ୍ତି । ପାଥିରାଣା ଏପ୍ରିଲ ମଧ୍ୟଭାଗରୁ ଉପଲବ୍ଧ ହେବେ। ଏସଆରଏଚ ଅଧିନାୟକ ପ୍ୟାଟ୍ କମିନ୍ସ ପ୍ରଥମାର୍ଦ୍ଧରେ ଖେଳିବେ ନାହିଁ, ତାଙ୍କ ସ୍ଥାନରେ ଇଶାନ କିଶାନ ଅଧିନାୟକତ୍ୱ କରିବେ। ଆରସିବିର ଜୋସ୍ ହାଜେଲଉଡ୍ ପ୍ରାରମ୍ଭିକ ମ୍ୟାଚ୍ ଖେଳିବେ ନାହିଁ । ପଞ୍ଜାବ କିଙ୍ଗସର ଲକି ଫର୍ଗୁସନ୍ ମଧ୍ୟ ପ୍ରଥମ କିଛି ମ୍ୟାଚ୍ ଖେଳିବେ ନାହିଁ । ଦିଲ୍ଲୀର ବେନ୍ ଡକେଟ ମଧ୍ୟ ତାଙ୍କ ଇଂଲଣ୍ଡ କ୍ୟାରିୟରକୁ ପ୍ରାଥମିକତା ଦେବା ଯୋଗୁଁ ବାଦ୍ ପଡ଼ିଛନ୍ତି ।
ମନେ ପଡିବେ ବଡ଼ ନାମ- ଗ୍ଲେନ୍ ମ୍ୟାକ୍ସୱେଲ୍, ଫାଫ୍ ଡୁ ପ୍ଲେସିସ୍ ଏବଂ ମୋଇନ୍ ଅଲି ନିଲାମରେ ପ୍ରବେଶ କରି ନାହାଁନ୍ତି ଏବଂ ପାକିସ୍ତାନ ସୁପର ଲିଗ୍ ଖେଳୁଛନ୍ତି । ଆନ୍ଦ୍ରେ ରସେଲ୍ ମଧ୍ୟ ଆଇପିଏଲରୁ ଅବସର ନେଇସାରିଛନ୍ତି ଏବଂ ଏବେ କେକେଆରର ପାୱାରହାଉସ୍ ପ୍ରଶିକ୍ଷକ ଅଛନ୍ତି । ତେଣୁ, ଏହି ଷ୍ଟାର ଖେଳାଳିମାନଙ୍କୁ ଏଥର ପଡ଼ିଆରେ ଦେଖିବାକୁ ମିଳିବ ନାହିଁ ।
ଏମଏସ ଧୋନୀଙ୍କ ଶେଷ ସିଜିନ ହୋଇପାରେ- ଚେନ୍ନାଇ ସୁପର କିଙ୍ଗ୍ସରେ ସଞ୍ଜୁ ସାମସନଙ୍କ ଆଗମନ ପରେ ମଧ୍ୟ, ଏମ୍ଏସ୍ ଧୋନୀଙ୍କ ଭବିଷ୍ୟତ ବିଷୟରେ ସବୁଠାରୁ ବଡ଼ ପ୍ରଶ୍ନ ରହିଛି । ଏହା କ’ଣ ତାଙ୍କର ଶେଷ ସିଜିନ୍ ହେବ ? ଏହି ପୁରୁଣା ପ୍ରଶ୍ନ ପୁଣି ଥରେ ତାଙ୍କ ଫ୍ୟାନ୍ସଙ୍କ ମନରେ ଉଙ୍କି ମାରୁଛି । କେବଳ ଧୋନୀ ହିଁ ଏହାର ଉତ୍ତର ଦେଇପାରିବେ ।
ବିସିସିଆଇ ନୂଆ ନିୟମ-
.କୌଣସି ଆଇପିଏଲ ଦଳକୁ ମ୍ୟାଚ୍ ଦିନ ଅଭ୍ୟାସ କିମ୍ବା ପ୍ରଶିକ୍ଷଣ ଦେବାକୁ ଅନୁମତି ଦିଆଯିବ ନାହିଁ ।
.କୌଣସି ଦଳ ୨ ରୁ ଅଧିକ ଅଭ୍ୟାସ ମ୍ୟାଚ୍ ଖେଳିପାରିବେ ନାହିଁ ।
.କୌଣସି ଦଳ ଅଭ୍ୟାସ ନେଟ୍ ସେୟାର କରିବେ ନାହିଁ । ପ୍ରତ୍ୟେକ ଦଳ ପାଖରେ ଅଭ୍ୟାସ ପାଇଁ ଏକ ନୂତନ ନେଟ୍ ସେଟ୍ ରହିବ।
.ଘରୋଇ ଦଳ ଯେଉଁ ପିଚ୍ରେ ପ୍ରଥମ ମ୍ୟାଚ୍ ଖେଳିବ, ସେଠାରେ ୪ ଦିନ ପୂର୍ବରୁ ତାଲିମ କିମ୍ବା ଅଭ୍ୟାସ ପାଇଁ ଅନୁମତି ଦିଆଯିବ ନାହିଁ ।
.ଖେଳାଳିମାନଙ୍କ ସହିତ ପରିବାର ଏବଂ ବନ୍ଧୁମାନଙ୍କୁ ଯାତ୍ରା କରିବାକୁ ଅନୁମତି ଦିଆଯିବ ନାହିଁ ।
. ମ୍ୟାଚ ସମୟରେ ଖେଳାଳି ଏବଂ ସହାୟକ କର୍ମଚାରୀଙ୍କୁ ପଡ଼ିଆରେ LEB ବୋର୍ଡ ପାଖରେ ବସିବା ମନା ।
