PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆପଡା ସାଲେଭଟା ଛକରେ ରକ୍ତାକ୍ତ ଅବସ୍ଥାରେ ଯୁବକ-ଯୁବତୀ ଉଦ୍ଧାର
  • ||
  • ହାଇଦ୍ରାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସୁରକ୍ଷାରେ ଗୁରୁତର ତ୍ରୁଟି, ହେଲିକପ୍ଟର ଉଡାଣ ଭରିବା କ୍ଷଣି ମଝି ଆକାଶରେ ଦେଖାଗଲା କଳା ବେଲୁନ୍, ୪ କଂଗ୍ରେସ କର୍ମୀ ଗିରଫ
  • ||
  • ବିଧାନସଭା ଭିତରକୁ ଧସେଇ ପଶିବାକୁ ଉଦ୍ୟମ ବେଳେ ପୋଲିସ-ଛାତ୍ର କଂଗ୍ରେସ ମଧ୍ୟରେ ଧସ୍ତାଧସ୍ତି
  • ||
  • ନୂଆପଡା ଉଦ୍ୟାନବନ୍ଧ କ୍ରିଷ୍ଣା ଛକରେ ଟ୍ରକ ଧକ୍କାରେ ୪ ଜଣଙ୍କ ମୃତ୍ୟୁ
  • ||
  • ବୌଦ୍ଧ : କଣ୍ଟାମାଳ ବ୍ଲକ୍ ମନମୁଣ୍ଡା ରେଞ୍ଜ୍ ଅନ୍ତର୍ଗତ ରତାଖଣ୍ଡି ସଂରକ୍ଷିତ ଜଙ୍ଗଲରେ ଫାଶରେ ପଡ଼ି ଏକ ଭାଲୁର ମୃତ୍ୟୁ
  • ||
  • କୋଲକାତା : ମାତ୍ର ୭୫ ଟଙ୍କା ପାଉଣା ଫେରସ୍ତ ଦାବିରେ ଦେଖାଦେଇଥିଲା ଅଶାନ୍ତି, ନମାଜ ପଢ଼ି ଫେରିବା ବାଟରେ ବୃଦ୍ଧଙ୍କୁ ପିଟିପିଟି ହତ୍ୟା
  • ||
  • ଭୁବନେଶ୍ବର : ୨୦୧୯ ରୁ ୨୦୨୨ ମଧ୍ୟରେ ରାଜ୍ୟରେ ପଞ୍ଜିକୃତ ହୋଇଛି ୧୦ ହଜାର ୧୨୯ ଦୁଷ୍କର୍ମ ମାମଲା : ଗୃହରାଷ୍ଟ୍ର ମନ୍ତ୍ରୀ
  • ||
  • ଭୁବନେଶ୍ବର : ଜୁଲାଇ ୬ରେ ମାଟ୍ରିକ ପରୀକ୍ଷା ଫଳ ଘୋଷଣା । ଦିନ ୧ଟାରେ ପ୍ରକାଶ ପାଇପ ରେଜଲ୍ଟ । ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ସୂଚନା ।
  • ||
  • ଗୋଚ୍ଛାପଡ଼ା/ଫୁଲବାଣୀ : ବହୁଚର୍ଚ୍ଚିତ ଯୋଡ଼ାମୁଣ୍ଡ ଶିଶୁ ଜଗାର ଖପୁରି ୩ ବର୍ଷ ମଧ୍ୟରେ ପ୍ରତିରୋପଣ କରାଯିବ । ଦିଲ୍ଲୀ ଏମସ୍‌ ନ୍ୟୁରୋ ସର୍ଜରୀ ଡାକ୍ତର ଦୀପକ ଗୁପ୍ତାଙ୍କ ସୂଚନା ।
  • ||
  • ନୂଆଦିଲ୍ଲୀ : ଆନ୍ଧ୍ରପ୍ରଦେଶ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଅଲ୍ଲୁରୀ ସୀତାରାମ ରାଜୁଙ୍କ ପ୍ରତିମୂର୍ତ୍ତି କରିବେ ଉନ୍ମୋଚନ
  • ||
  • କୋଟପାଡ଼ : କୋଟପାଡ଼ ମୀନାବଜାରରେ ଦୋଳି ଖେଳୁଥିବା ବେଳେ ଜଣେ ନାବଳିକାଙ୍କ ହୃଦ୍‌ଘାତରେ ମୃତ୍ୟୁ
  • ||
  • ମୁମ୍ବାଇ: ମହାରାଷ୍ଟ୍ର ରାଜନୀତିରେ ପୁଣିଥରେ ଏକନାଥଙ୍କ ବାଜିମାତ୍। ଫ୍ଳୋର ଟେଷ୍ଟରେ ବହୁମତ ହାସଲ କରିଛନ୍ତି ସିନ୍ଦେ। ସିନ୍ଦେଙ୍କୁ ୧୬୪ ସଦସ୍ୟ ସମର୍ଥନ କରିଥିବା ସୂଚନା।
  • ||
  • ଧର୍ମଗଡ଼ : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଚଞ୍ଚରମୁଣ୍ଡା ଛକ ବିଜୁ ଏକ୍ସପ୍ରେସ୍ ରାସ୍ତା କଡ଼ରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ନୂଆଦିଲ୍ଲୀ : ହିମାଚଳ ପ୍ରଦେଶର କୁଲ୍ଲୁରେ ବସ୍ ଦୁର୍ଘଟଣା, ସ୍କୁଲ ପିଲାଙ୍କ ସମେତ ୧୬ଜଣଙ୍କର ମୃତ୍ୟୁ ଆଶଙ୍କା
  • ||
  • ନୂଆଦିଲ୍ଲୀ : ମିସ୍ ଇଣ୍ଡିଆ ୱାର୍ଲ୍ଡ ୨୦୨୨ : ବିଜୟ ମୁକୁଟ ପିନ୍ଧିଲେ ସିନି ଶେଟ୍ଟୀ
  • ||
  • ନୂଆଦିଲ୍ଲୀ : ଭାଙ୍ଗିଗଲା ଆଲପାଇନ୍ ଗ୍ଲାସିୟରର ବିଶାଳ ଖଣ୍ଡ, ୫ ମୃତ
  • ||
  • ଭୁବନେଶ୍ବର : ମାଟ୍ରିକ୍ ରେଜଲ୍ଟ ପ୍ରକାଶ ନେଇ ବୋର୍ଡର ସମସ୍ତ ପ୍ରସ୍ତୁତି ଶେଷ, ସଚିବାଳୟରେ ଆଜି ନିଆଯିବ ଚୂଡ଼ାନ୍ତ ନିଷ୍ପତ୍ତି
  • ||
  • ବାଲିପାଟଣା : ବାଲିଘାଟକୁ କେନ୍ଦ୍ର କରି ଯୁବକଙ୍କୁ ଖଣ୍ଡାମାଡ଼, ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି
  • ||
  • ନୂଆଦିଲ୍ଲୀ : ଆଇସିୟୁରେ ଭର୍ତ୍ତି ହେଲେ ଲାଲୁ ଯାଦବ, ପଡ଼ିଯିବା କାରଣରୁ ହୋଇଥିଲେ ଆହତ
  • ||
  • ଡେନମାର୍କ : ଡେନମାର୍କର ସପିଂ ମଲରେ ଫୁଟିଲା ଗୁଳି, ୩ଜଣଙ୍କର ମୃତ୍ୟୁ
  • ||

ଅଭୟବୀର ଅଭିନନ୍ଦନ

ନୂଆଦିଲ୍ଲୀ,୨୮ା୨(ଏଜେନ୍ସି): ଭାରତୀୟ ବାୟୁସେନାର ୱିଙ୍ଗ୍‌ କମାଣ୍ଡର ଅଭିନନ୍ଦନ ବର୍ଦ୍ଧମାନଙ୍କ ଉପରେ ଏବେ ଦେଶବାସୀଙ୍କ ନଜର । କେବେ ତାଙ୍କୁ ପାକିସ୍ତାନ ମୁକ୍ତ କରିବ ଏବଂ କେବେ ତାଙ୍କୁ ଭାରତ ମାତାର କୋଳରେ ପୁଣି ଦେଖିବାକୁ ମିଳିବ, ସେଥିପାଇଁ ଏବେ ଭଗବାନଙ୍କ ନିକଟରେ ମଥା ପିଟୁଛନ୍ତି ଦେଶବାସୀ । ସମସ୍ତଙ୍କ ମୁହଁରେ ଏବେ ଗୋଟିଏ କଥା । ଅଭିନନ୍ଦନ ଫେରିବେ କେବେ? କେବଳ ପରିବାର ଲୋକ ନୁହଁ, ବରଂ ସାରା ଦେଶ ଅଭିନନ୍ଦନଙ୍କ ଫେରିବା ବାଟକୁ ଚାହିଁରହିଛି ।
ସେପଟେ ଶତ୍ରୁ ପକ୍ଷ ନିକଟରେ ବନ୍ଦୀ ଥାଇ ସୁଦ୍ଧା ଅଭିନନ୍ଦନ ବିଚଳିତ କି ଭୟଭୀତ ହୋଇନାହାନ୍ତି । ମନ ଭିତରେ ପ୍ରବଳ ଧୈର୍ଯ୍ୟ ଓ ସାହସକୁ ଏକଜୁଟ କରି ପାହାଡ଼ ଭଳି ମୁଣ୍ଡ ଟେକି ଠିଆ ହୋଇଛନ୍ତି । ତାଙ୍କର ଏଭଳି ସାହସକୁ ଦେଖି ପାକ୍‌ ସେନା ବି ଭୟଭୀତ ହୋଇଯାଇଛି । ଅଭିନନ୍ଦନଙ୍କୁ ମାଡ଼ ମାରି ଅକଥନୀୟ ଅତ୍ୟାଚାର ଦେଇଥିଲେ ସୁଦ୍ଧା ତାଙ୍କ ପାଟିରୁ ଗୋଟିଏ ହେଲେ ଶବ୍ଦ ବାହାର କରିପାରି ନାହିଁ ପାକ୍‌ ସେନା । ଅଭିନନ୍ଦନଙ୍କର ଏଭଳି ସାହସକୁ ପାକ୍‌ ଗଣମାଧ୍ୟମରେ ବି ପ୍ରଶଂସା କରାଯାଇଛି ।
ଅଭିନନ୍ଦନ ନିଖୋଜ ହୋଇ ପାକ୍‌ ହାତକୁ ଚାଲିଯିବା ପରେ ତାଙ୍କ ବିଷୟରେ ଭାରତ ନିକଟରେ କୌଣସି ସୂଚନା ନଥିଲା । କିନ୍ତୁ ପାକ୍‌ ଗଣମାଧ୍ୟମରେ ପ୍ରକାଶ ପାଉଥିବା ରିପୋର୍ଟ ଭାରତବାସୀଙ୍କୁ ଆଶ୍ୱସ୍ତି ଦେଇଛି । ପାକ୍‌ ଖବରକାଗଜ ଡନ୍‌ରେ ପ୍ରକାଶିତ ରିପୋର୍ଟରେ ଅଭିନନ୍ଦନଙ୍କ ବିଷୟରେ ଯାହା ଲେଖାଯାଇଛି ତାହାକୁ ପଢ଼ି ପ୍ରତ୍ୟେକ ଭାରତୀୟ ଆଜି ଗର୍ବ କରୁଛି । ବୀରତ୍ୱ, ସାହସ, ଧୈର୍ଯ୍ୟ, ଉପସ୍ଥିତ ବୁଦ୍ଧି ଏବଂ ପଛକୁ ନ ହଟିବାର ପ୍ରତିବଦ୍ଧତା ଆଜି ତାଙ୍କୁ ହିରୋ କରି ଦେଇଛି ।
ଏମିତି ଥିଲା ତାଙ୍କ ବୀରତ୍ୱର କାହାଣୀ: ସ୍ଥାନୀୟ ପାକ୍‌ ଯୁବକଙ୍କ ବୟାନ ନେଇ ଡନ୍‌ ଛାପିଥିବା ଖବର ମୁତାବକ ଅଭିନନ୍ଦନ ମିଗ୍‌ ୨୧ ବିମାନରୁ ପାରାସୁଟ୍‌ ଯୋଗେ ଖସିପଡ଼ିବା ପରେ ପାକିସ୍ତାନ ମାଟିରେ ପଡ଼ିଯାଇଥିଲେ । ପିଠିରେ ପ୍ରବଳ ଆଘାତ ଲାଗିଥିବାରୁ ସେ ହଠାତ୍‌ କିଛି ଜାଣିପାରି ନଥିଲେ । ସେ କେଉଁଠି ଅଛନ୍ତି, ତାହା ବି ତାଙ୍କୁ ଜଣାନଥିଲା । ଏହି ସମୟରେ ତାଙ୍କୁ କିଛି ଅଜଣା ଯୁବକ ଘେରିଯାଇଥିଲେ । ସେମାନଙ୍କୁ ଅଭିନନ୍ଦନ ପ୍ରଥମେ ଜାଗାର ନାଁ ପଚାରିଥିଲେ । ସେମାନେ ଭାରତ ବୋଲି କହିଥିଲେ । କିନ୍ତୁ ବିଚକ୍ଷଣ ଅଭିନନ୍ଦନ ସେମାନଙ୍କ ଚାଲାକିକୁ ଠଉରାଇ ପାରିଥିଲେ । ସେମାନଙ୍କ ମୁହଁରୁ ସତ ଓଗାଳିବା ପାଇଁ ଅଭିନନ୍ଦନ ‘ଭାରତ ମାତା କୀ ଜୟ’ କହିଥିଲେ । ଯୁବକମାନେ ମଧ୍ୟ ଭାରତ ମାତା କୀ ଜୟ କହିଥିଲେ । ତଥାପି ତାଙ୍କ ସନ୍ଦେହ ଦୂରୀଭୂତ ନହେବାରୁ ସେ ଆଉ ଦୁଇଥର ଲଗାତର ଭାରତ ମାତା କୀ ଜୟ କହିଥିଲେ । ଏତିକିରେ ସମ୍ଭାଳି ନପାରି ଜଣେ ଯୁବକ ରାଗିଯାଇ ‘ପାକିସ୍ତାନ ଜିନ୍ଦାବାଦ୍‌’ କହି ଚିତ୍କାର କରିବା ସହ ତାଙ୍କୁ ଆକ୍ରମଣ କରିବାକୁ ଛୁଟିଆସିଥିଲା । ତାଙ୍କ ମୁହଁରୁ ପାକିସ୍ତାନ ଜିନ୍ଦାବାଦ୍‌ ଶୁଣିବା କ୍ଷଣି ଅଭିନନ୍ଦନ ପକେଟ୍‌ରୁ ରାଇଫଲ୍‌ କାଢ଼ି ଫାଙ୍କା ଗୁଳିଚାଳନା କରିଥିଲେ । ଏହାପରେ ଦୌଡ଼ିବାକୁ ଲାଗିଥିଲେ । ଜୀବନ ବଞ୍ଚାଇବାକୁ ସେ ଦୌଡ଼ିନଥିଲେ, ବରଂ ତାଙ୍କ ନିକଟରେ ଥିବା ଗୁରୁତ୍ୱପୂର୍ଣ୍ଣ ଦସ୍ତାବିଜ ଓ ମାନଚିତ୍ରକୁ ନଷ୍ଟ କରିବା ପାଇଁ ସେ ଖୁବ୍‌ ଜୋରରେ ଦୌଡ଼ିବାକୁ ଲାଗିଥିଲେ । ଯୁବକମାନେ ମଧ୍ୟ ତାଙ୍କୁ ଗୋଡ଼ାଇଥିଲେ । ଏହି ସମୟରେ ଅଭିନନ୍ଦନ ସେମାନଙ୍କୁ ଡରାଇବା ପାଇଁ ଜଣକ ଗୋଡ଼କୁ ଗୁଳି କରିଥିଲେ । ସେମାନେ ସାମାନ୍ୟ ପଛଘୁଞ୍ଚା ଦେବାରୁ ଅଭିନନ୍ଦନ ଦୌଡ଼ିଯାଇ ଅଧ କିଲୋମିଟର ଦୂରରେ ଥିବା ଏକ ପୋଖରୀରେ ପଶିଯାଇଥିଲେ ।
ପୋଖରୀରେ ପଶିଯିବା କ୍ଷଣି ଅଭିନନ୍ଦନ କାଳବିଳମ୍ବ ନକରି ପକେଟ୍‌ରୁ ସମସ୍ତ ଦସ୍ତାବିଜ କାଢ଼ି ଗିଳିବାକୁ ଲାଗିଥିଲେ । ବହୁ କଷ୍ଟରେ କିଛି ଗିଳି ପକାଇବା ପରେ ମାନଚିତ୍ର ଓ ଆଉ କିଛି ଦସ୍ତାବିଜକୁ ପଙ୍କ ଓ କାଦୁଅରେ ପୂରାଇ ନଷ୍ଟ କରିବାକୁ ଲାଗିଥିଲେ । ଇତିମଧ୍ୟରେ ଯୁବକମାନେ ଛୁଟିଆସି ତାଙ୍କ ଉପରକୁ ଆକ୍ରମଣ କରିଥିଲେ । ଢେଲାମାଡ଼ କରିବା ସହ ବିଧା, ଗୋଇଠା ବର୍ଷା କରିଦେଇଥିଲେ । ବେଳକୁ ବେଳ ସେମାନେ ଅଧିକ ନୃଶଂସ ହୋଇପଡ଼ୁଥିଲେ । ସେପଟେ ରାଇଫଲ୍‌ରୁ ଗୁଳି ସରିଯାଇଥିଲେ ହେଁ ଅଭିନନ୍ଦନଙ୍କ ମୁହଁଟାଣ ଯାଇନଥିଲା । ଏତେସଂଖ୍ୟକ ପାକ୍‌ ଯୁବକଙ୍କ ମଧ୍ୟରେ ଲହୁଲୁହାଣ ଅବସ୍ଥାରେ ଥାଇ ମଧ୍ୟ ସେ ସାହସ ବାନ୍ଧି ସଂଘର୍ଷ କରିଥିଲେ । ଏହାପରେ ପାକ୍‌ ସେନା ଆସି ତାଙ୍କୁ କାବୁ କରିନେଇଥିଲା ।
ପାକ୍‌ ଯୁବକଙ୍କ ସାମ୍ନା କରିବା ପରେ ଥକି ଯାଇନଥିଲେ ଅଭିନନ୍ଦନ । ପାକ୍‌ ସେନାର ମଧ୍ୟ ଜବାବ ଦେଇଥିଲେ । ତାଙ୍କ ମୁହଁରୁ ସତ ଓଗାଳିବା ପାଇଁ ପାକ୍‌ ସେନା ସବୁପ୍ରକାର ଉଦ୍ୟମ କରିଥିଲା । କିନ୍ତୁ ଅଭିନନ୍ଦନ କେବଳ ‘ସରି’ କହିଥିଲେ । ଯେତେ ଧମକାଇଲେ ବି ସେ ଡରିନଥିଲେ । ବହୁ କଷ୍ଟରେ ସେ କେବଳ ନିଜ ନାମ କହିଥିବା ପାକ୍‌ ଗଣମାଧ୍ୟମରୁ ଜଣାପଡ଼ିଛି । ନିଜ ନାମ ବ୍ୟତୀତ ସେ ନିଜର ଠିକଣା ବା ଅନ୍ୟ କୌଣସି ସୂଚନା ଦେବାକୁ ରୋକ୍‌ଠୋକ୍‌ ମନାକରିଦେଇଥିଲେ । ଏଥିରେ ନିରୁପାୟ ହୋଇ ପାକ୍‌ ସେନା ଶେଷରେ ଚୁପ୍‌ ହୋଇଯାଇଥିଲା । ପାକ୍‌ ଗଣମାଧ୍ୟମରେ ଅଭିନନ୍ଦନଙ୍କ ବୀରତ୍ୱ ଓ ସାହସିକତାକୁ ବେଶ୍‌ ପ୍ରଶଂସା କରାଯାଇଛି ।

ସମ୍ବନ୍ଧିତ ଖବର