PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବରଗଡ଼ : ପୂର୍ବତନ କ୍ୟାବିନେଟ ମନ୍ତ୍ରୀ ବିଜୟ ରଞ୍ଜନ ସିଂ ବାରିହାଙ୍କ ପରଲୋକ, ଚିକିତ୍ସାଧିନ ଅବସ୍ଥାରେ ମୃତ୍ୟ
  • ||
  • ଧର୍ମଗଡ଼ : ଭବାନୀପାଟଣାରେ ଛତରଯାତ୍ରା ପାଳିତ, ରକ୍ତରଞ୍ଜିତ ହେଲା ମା’ ମାଣିକେଶ୍ଵରୀଙ୍କ ପୀଠ
  • ||

ଗାଁ ଶିବ ମନ୍ଦିରରୁ ମହିଳାଙ୍କ ମୃତଦେହ ଉଦ୍ଧାର: ଦେଢଶୂର ଶାବଳରେ ମାରି ହତ୍ୟା କରିଥିବା ଅଭିଯୋଗ

ସାନଖେମୁଣ୍ଡି ୧୬/୦୮: ଗାଁ ଶିବ ମନ୍ଦିର ପରିସରରୁ ମହିଳାଙ୍କ ମୃତଦେହ ଉଦ୍ଧାର । ଏହି ଭଳି ଅଭାବନୀୟ ଘଟଣା ଆସିକା ବ୍ଲକ୍ ହରଡାପଦର ଗାଁ ଘଟିଛି। ମୃତ ମହିଳାଙ୍କ ଦେଢଶୂର ଶାବଳରେ ହାଣି ହତ୍ୟା କରିଥିବା ଅଭିଯୋଗ ହୋଇଛି। ଘଟଣାସ୍ଥଳରେ ପହଞ୍ଚି ପୋଲିସ ତଦନ୍ତ ଆରମ୍ଭ କରିଛି । ମହିଳାଙ୍କ ମୁଣ୍ଡରେ ଆଘାତ ଲାଗିଥିବା ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିବା ପ୍ରଥମିକ ତଦନ୍ତରୁ ଜଣାପଡିଛି। ପୁଲିସ ମୃତ ଦେହକୁ ଜବତ କରିବା ସହ ବ୍ୟବଚ୍ଛୋଦ ପାଇଁ ପଠାଇଥିବା ସୂଚନା ମିଳିଛି।

ସୂଚନାଯୋଗ୍ୟ ଯେ, ଗଞ୍ଜାମ ଜିଲ୍ଲା ଆସିକା ବ୍ଲକ୍ ହରଡାପଦର ଗ୍ରାମ ଶିବ ମନ୍ଦିର ପରିସରରେ ମହିଳାଙ୍କୁ ହତ୍ୟା କରାଯାଇଛି । ମହିଳା ଜଣଙ୍କ ହେଲେ ରଞ୍ଜିତା ନାୟକ । ତାଙ୍କ ବୟସ ୪୨ ବର୍ଷ । ମହିଳାଙ୍କ ଘର ସେହି ଗ୍ରାମର ହରିଜନ ସାହିରେ ବୋଲି ଜଣାପଡିଛି । ସକାଳୁ ମହିଳା ଜଣଙ୍କ ମନ୍ଦିରକୁ ଯାଇଥିଲେ । ସେଠି ପୂର୍ବରୁ ପ୍ରସ୍ତୁତ ହୋଇ ରହିଥିବା ତାଙ୍କ ଦେଢଶୁର ମହିଳାଙ୍କ ମୁଣ୍ଡକୁ ଏକ ଶାବଳରେ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇଯାଇଥିବା ଅଭିଯୋଗ ହୋଇଛି । ମହିଳା ଜଣଙ୍କର ଘଟଣାସ୍ଥଳରେ ମୁତ୍ୟୁ ହୋଇଛି । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।