ନୂଆଦିଲ୍ଲୀ: ଦେଶରେ ପୁରୁଷଙ୍କ ତୁଳନାରେ ମହିଳାଙ୍କର ଅଧିକ ସେକ୍ସ ପାର୍ଟନର ବା ଯୌନ ସାଥୀ । ଅର୍ଥାତ ଦେଶରେ ଏକାଧିକ ମହିଳା ନିଜ ଆଡ଼ୁ ଅନେକ ପୁରୁଷଙ୍କ ସହ ଯୌନ ସମ୍ପର୍କ ରଖିବାକୁ ଇଚ୍ଛା କରୁଛନ୍ତି। ଆଉ ଏହି ସଂଖ୍ୟା ଅଧିକ ଦେଶର ୧୧ ଟି ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳରେ ରହିଛି। ସେହିପରି ଏମିତି ୪ ପ୍ରତିଶତ ପୁରୁଷ ଅଛନ୍ତି, ଯେଉଁମାନେ ଅନ୍ୟ ମହିଳାଙ୍କ ସହ ଯୌନ ସମ୍ପର୍କ ରଖୁଛନ୍ତି ଯେଉଁମାନେ କି ତାଙ୍କର ସ୍ତ୍ରୀ ନୁହନ୍ତି କି ଚିହ୍ନା ପରିଚିତ ନୁହନ୍ତି। ଅର୍ଥାତ ସଂଯୋଗ ବସତଃ ସେମାନେ ଅଚିହ୍ନା ମହିଳାଙ୍କ ସହ ସମ୍ପର୍କ ରଖୁଛନ୍ତି।

ଯଦି ଆମେ ଦେଶରେ ମୋଟ ମହିଳାଙ୍କ ସଂଖ୍ୟା ଦେଖିବା ତେବେ ସେମାନଙ୍କ ମଧ୍ୟରେ ୦.୫ ପ୍ରତିଶତ ମହିଳା  ଏକାଧିକ ସେକ୍ସ ପାର୍ଟନର ରଖୁଛନ୍ତି। ଜାତୀୟ ପରିବାର ସ୍ଵାସ୍ଥ୍ୟ ସର୍ଭେ ଏପରି ଆଶ୍ଚର୍ଯ୍ୟଜନକ ସର୍ଭେ ରିପୋର୍ଚ ପ୍ରକାଶ କରିଛି। ଏହି ସର୍ଭେ ୧.୧ ଲକ୍ଷ ମହିଳା ଏବଂ ଏକ ଲକ୍ଷ ପୁରୁଷଙ୍କୁ ନେଇ କରାଯାଇଥିଲା। ସର୍ଭେରୁ ଜଣା ପଡିଛି ଯେ, ଅନେକ ରାଜ୍ୟରେ ପୁରୁଷଙ୍କ ତୂଳନାରେ ମହିଳାଙ୍କ ଅଧିକ ସେକ୍ସ ପାର୍ଟନର ଅଛନ୍ତି।

ଏହି ରାଜ୍ୟଗୁଡିକ ହେଉଛି ରାଜସ୍ଥାନ, ହରିୟାଣା, ଚଣ୍ଡିଗଡ, ଜାମ୍ମୁ-କାଶ୍ମୀର, ଲଦାଖ, ମଧ୍ୟ ପ୍ରଦେଶ, ଆସାମ, କେରଳ, ଲାକ୍ଷାଦ୍ଵୀପ, ପୁଡୁଚେରୀ ଏବଂ ତାମିଲନାଡୁ। ତେବେ ଏହି ସବୁ ରାଜ୍ୟ ତାଲିକାରେ ଶୀର୍ଷରେ ରହିଛି ରାଜସ୍ଥାନ । ଯେଉଁଠି ମହିଳାଙ୍କ ହାରାହାରି ୩.୧ ପାର୍ଟନର ଥିବା ବେଳେ ପୁରୁଷଙ୍କ ହାରାହାରି ୧.୮ ପାର୍ଟନର ଅଛନ୍ତି। ଅନ୍ୟ ରାଜ୍ୟରେ ଏମିତି ପୁରୁଷ ସଂଖ୍ୟା ୪ ପ୍ରତିଶତ ରହିଛି, ଯେଉଁମାନେ ଅନ୍ୟ ମହିଳାଙ୍କ ସହ ସମ୍ବନ୍ଧ ରଖିଛନ୍ତି, ସେମାନେ ତାଙ୍କର ପତ୍ନୀ ନୁହନ୍ତି କି ଲିଭ୍ ଇନରେ ମଧ୍ୟ ରହୁ ନାହାନ୍ତି।