ଚନ୍ଦନେଶ୍ଵର,୨୩/୦୬: ବାଲେଶ୍ୱର ଜିଲ୍ଲା ଭୋଗରାଇର ନିମାତପୁର ପଞ୍ଚାୟତରେ ଦୀର୍ଘ ଦିନ ଧରି ଚାଲି ଆସୁଥିବା ବେଆଇନ ଚୋରା ମଦ ଦୋକାନ ଉଚ୍ଛେଦ ପାଇଁ ସୋମବାର ମହିଳା ମାନେ ଅଣ୍ଟା ଭିଡିଛନ୍ତି । ଏକ ସପ୍ତାହ ମଧ୍ୟରେ ଏହି ବେଆଇନ କାରବାର ବନ୍ଦ ନକଲେ ଆଇନକୁ ହାତକୁ ନେବେ ବୋଲି ଚେତାବନୀ ଦେଇଛନ୍ତି ।
ମିଳିଥିବା ସୂଚନା ଅନୁଯାୟୀ, ନିମାତପୁର ପଞ୍ଚାୟତରେ ୫ରୁ ଅଧିକ ବେଆଇନ ଚୋରା ମଦ ଦୋକାନ ସହିତ ବ୍ରାଉନ ସୁଗର କାରବାର ମଧ୍ୟ ଚାଲିଛି। ଗାଁଲୋକେ ପୁଲିସ ପ୍ରଶାସନଠାରୁ ଆରମ୍ଭ କରି ଅବକାରୀ ବିଭାଗକୁ ଜଣାଇ ଆସୁଥିଲେ ସୁଦ୍ଧା କୌଣସି କାର୍ଯ୍ୟାନୁଷ୍ଠାନ ହେଉନି । ଫଳରେ ସୋମବାର ନିମାତପୁର ପଞ୍ଚାୟତର ସରପଞ୍ଚ, ସମିତି ସଦସ୍ୟ ଓ ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ଏହାକୁ ଉଚ୍ଛେଦ ପାଇଁ ବାହାରିଛନ୍ତି।
