ବେଆଇନ କାଠ ବୋଝେଇ ଗାଡି ଜବତ, ୨ ଗିରଫ
ନୀଳଗିରି,୨୮/୧(ଆ.ପ୍ର):ବେଆଇନ କାଠ ବୋଝେଇ ହୋଇ ଯାଉଥିବା ପିକଅପ ଭ୍ୟାନକୁ ନୀଳଗିରି ବନବିଭାଗ ଜବତ କରିଛି । ବଣସୀମା ଅଞ୍ଚଳରେ କିଛି କାଠ ବୋଝେଇ ହୋଇ ଆସୁଥିବା ଖବର ନୀଳଗିରି ରେଞ୍ଜର ଆଇସା ଏ ନିଶା ବିଶେଷ ସୂତ୍ରରୁ ଖବର ପାଇଥିଲେ। ପରେ ଏସିଏଫ ଦିଗନ୍ତ ଚାନ୍ଦଙ୍କ ନିର୍ଦେଶରେ ନୀଳଗିରି ରେଞ୍ଜର ଅନ୍ୟ କର୍ମଚାରୀକୁ ନେଇ ଅଚାନକ ଚଢ଼ାଉ କରିଥିଲେ। ଗାଡିଟିକୁ ଗୋହିରା ଅଞ୍ଚଳରୁ ପିଛା କରି ନୀଳଗିରି ଘାଟଘରସାହି ଅଞ୍ଚଳରେ ଜବତ କରିଥିବା ଜଣାପଡିଛି। ପିକଅପରୁ ୭୧ ସିଫ୍ଟ ସିମୁଳି କାଠ ଜବତ ହୋଇଥିବା ବେଳେ ଦୁଇ ଜଣଙ୍କୁ ବନବିଭାଗ ଗିରଫ କରିଛି। ସେମାନେ ହେଲେ କାହାଳିଆ ଅଞ୍ଚଳର ରାଜୁ ସିଂ ଓ ରଞ୍ଜିତ ସିଂ। ଏନେଇ ନୀଳଗିରି ରେଞ୍ଜରେ ଏକ ମାମଲା ରୁଜୁକରି ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛନ୍ତି।
