ନୂଆଦିଲ୍ଲୀ,୩୧/୦୭: ବର୍ମିଂହାମରେ ଚାଲିଥିବା ୱାର୍ଲ୍ଡ ଚାମ୍ପିଅନସିପ୍ ଅଫ୍ ଲିଜେଣ୍ଡସରେ ଭାରତ ଓ ପାକିସ୍ତାନ ମଧ୍ୟରେ ସେମି ଫାଇନାଲ ଖେଳାଯାଇଥାନ୍ତା । କିନ୍ତୁ ଏହି ମ୍ୟାଚ୍ ଭାରତ ଖେଳିବ ନାହିଁ ବୋଲି ମନା କରି ଦେଇଥିଲା । ଭାରତ ନଖେଳିବାରୁ ପାକିସ୍ତାନ ଫାଇନାଲରେ ପ୍ରବେଶ କରିଛି ।
ଭାରତୀୟ ଦଳର ଶିଖର ଧାୱନ, ଯୁବରାଜ ସିଂ, ହରଭଜନ ସିଂ, ଇରଫାନ ପଠାନ ଓ ସୁରେଶ ରାଇନା ପ୍ରମୁଖ ଖେଳାଳି ପାକିସ୍ତାନ ବିପକ୍ଷରେ ଖେଳିବାକୁ ମନା କରିଦେଇଥିଲେ । ପହଲଗାମରେ ପାକିସ୍ତାନୀ ଆତଙ୍କବାଦୀଙ୍କର ଆକ୍ରମଣକୁ ବିରୋଧ କରି ଭାରତୀୟ ଖେଳାଳି ଏବଂ ଟୁର୍ଣ୍ଣାମେଣ୍ଟର ପ୍ରାୟୋଜକ ଇଜମାଇ ଟ୍ରିପ୍ ଏହି ନିଷ୍ପତ୍ତି ନେଇଥିଲା ।
ଗ୍ରୁପ୍ ପର୍ଯ୍ୟାୟର ଅନ୍ତିମ ମ୍ୟାଚ୍ରେ ୱେଷ୍ଟଇଣ୍ଡିଜକୁ ପରାଜିତ କରି ଭାରତ ସେମି ଫାଇନାଲରେ ପ୍ରବେଶ କରିଥିଲା । ଇଣ୍ଡିଜ ଦେଇଥିବା ବିଜୟ ଲକ୍ଷ୍ୟକୁ ଦଳ ୧୩.୨ ଓଭରରେ ହାସଲ କରିନେଇଥିଲା । ଟୁର୍ଣ୍ଣାମେଣ୍ଟର ପ୍ରାୟୋଜକ ଇଜମାଇ ଟ୍ରିପ୍ର ସହ ପ୍ରତିଷ୍ଠାତା ନିଶାନ୍ତ ପିଟ୍ଟି କହିଛନ୍ତି, ‘ଦେଶ ଆଗ ବେପାର ପଛ । ଡବ୍ଲ୍ୟୁସିଏଲ୍ରେ ଭାରତ-ପାକିସ୍ତାନ ମ୍ୟାଚ୍ରେ ଆମେ ଜଡ଼ିତ ହେବୁ ନାହିଁ ।
