ନୂଆଦିଲ୍ଲୀ,୨୫।୫: ରାଷ୍ଟ୍ରୀୟ ସ୍ବଂୟସେବକ ସଂଘ(ଆରଏସଏସ୍)ର ମୁଖ୍ୟ ମୋହନ ଭାଗବତ ଭାରତର ରାଷ୍ଟ୍ରୀୟ ସୁରକ୍ଷାକୁ ନେଇ ସ୍ପଷ୍ଟ ଗମ୍ଭୀର ଆକଳନ କରିଛନ୍ତି। ସେ କହିଛନ୍ତି ଭାରତ ପାଖରେ ଶକ୍ତିଶାଳୀ ହେବା ଅପେକ୍ଷା ଆଉ କୌଣସି ବିକଳ୍ପ ନାହିଁ। ତାଙ୍କର ବୟାନ ଏଭଳି ସମୟରେ ଆସିଛି ଯେତେବେଳେ ସଂଘ ନିଜର ଶତବାର୍ଷୀକି ପାଇଁ ପ୍ରସ୍ତୁତି କରୁଛି। ନିକଟରେ ପାକିସ୍ତାନ ବିରୋଧରେ ସଫଳତାପୂର୍ବକ ‘ଅପରେସନ୍ ସିନ୍ଦୂର’ ସରିଛି।
ଏକ ସାକ୍ଷାତକାରରେ ଭାଗବତ କହିଛନ୍ତି, ଆମେ ବିଶ୍ବ ବ୍ୟାପାର ଉପରେ ପ୍ରଭୂତ୍ବ ରକ୍ଷା କରିବା ପାଇଁ ଶକ୍ତିଶାଳୀ ହେବାକୁ ଚାହୁଁନୁ। ବଂର ଏଥିପାଇଁ ସମସ୍ତେ ଶାନ୍ତିପୂର୍ଣ୍ଣ, ସୁସ୍ଥ ଓ ସଶକ୍ତ ଜୀବନ ବଞ୍ଚୁଛନ୍ତି। ଆମର ସୀମାରେ ଖରାପ ଶକ୍ତି ସକ୍ରିୟ ଅଛନ୍ତି। ତେଣୁ ଆମକୁ ଶକ୍ତି ଅର୍ଜିତ କରିବାକୁ ହେବ ବିଶ୍ବ ସ୍ତରରେ ଯେପରି ଅଜେୟ ହୋଇପାରିବୁ। ପ୍ରକୃତ ଶକ୍ତି ଆଭ୍ୟନ୍ତରୀଣ ହୋଇଥାଏ। ରାଷ୍ଟ୍ରୀୟ ସୁରକ୍ଷା ପାଇଁ ଆମକୁ ଅନ୍ୟ ଉପରେ ନିର୍ଭର କରିବା ଉଚିତ ନୁହେଁ। ଯେ କୌଣସି ଶକ୍ତି, ଯେପରିକି ତାହା ବହୁ ଦେଶର ମିଳିତ ଶକ୍ତି ହେଉ, ତାହା ବକୁ ପରଜିତ ନକରି ପାରୁ। ଆମେ ଯୁଦ୍ଧର କାମନା କରୁନୁ, କିନ୍ତୁ ଯୁଦ୍ଧ ନହେଉ ତା’ର ପ୍ରସ୍ତୁତି କରୁ।’
ଭାଗବତ କହିଛନ୍ତି, ସୁରକ୍ଷା କେବଳ ସରକାର କିମ୍ବା ସେନା ନୁହେଁ, ବଂର ପୁରା ସମାଜରୁ ଆରମ୍ଭ ହୋଇଥାଏ। ସେ ହିନ୍ଦୁ ସମାଜକୁ ଆତ୍ମରକ୍ଷା କରିବା ପାଇଁ ପ୍ରସ୍ତୁତ ରହିବାକୁ ପରାମର୍ଶ ଦେଇଛନ୍ତି। ସେ କହିଛନ୍ତି, ଆପଣଙ୍କୁ ନିଜୁ ନିଜର ରକ୍ଷା କରିବାକୁ ହେବ। ଅନ୍ୟର ଅପେକ୍ଷା କରନ୍ତୁ ନାହିଁ। ଯେତେବେଳେ ହିନ୍ଦୁ ପୁରା ମଜବୁତ ହୋଇ ଠିଆ ହୁଏ ସେତେବେଳେ ଦୁନିଆ ତାକୁ ଗମ୍ଭୀରତାର ସହ ନିଏ।’
