ନୂଆଦିଲ୍ଲୀ,୨୦।୩: ଟିମ୍ ଇଣ୍ଡିଆର ସ୍ପିନ୍ର ଯୁଜବେନ୍ଦ୍ର ଚହଲ ଓ ଧନଶ୍ରୀ ବର୍ମାଙ୍କ ମଧ୍ୟରେ ବିବାହ ବିଚ୍ଛେଦ। ଦୁହିଁଙ୍କ ଛାଡପତ୍ର ମାମଲା ବାନ୍ଦ୍ରାର ଏକ ଫ୍ୟାମିଲି କୋର୍ଟରେ ଚାଲିଥିଲା। ତେବେ ଗୁରୁବାର ମଧ୍ୟାହ୍ନରେ ଛାଡପତ୍ର ନେଇ ଆସିଥିଲା କୋର୍ଟଙ୍କ ରାୟ। ଚହଲ ଓ ଧନଶ୍ରୀ ଡିସେମ୍ବର ୨୦୨୦ ରେ ବିବାହ କରିଥିଲେ। ଏବେ ବିହାର ପ୍ରାୟ ୪ ବର୍ଷ ପରେ ଦୁହେଁ ଔପଚାରିକ ଭାବରେ ଅଲଗା ହୋଇଯାଇଛନ୍ତି।
ଚହଲ ଓ ଧନଶ୍ରୀ ପରସ୍ପର ସହମତିରେ ଛାଡପତ୍ର ନେଇଛନ୍ତି। ସୋସିଆଲ ମିଡିଆ ଯୋଗେ ଉଭୟଙ୍କ କଥାବାର୍ତ୍ତା ଆରମ୍ଭ ହୋଇଥିଲା। ଏହାପରେ ଆରମ୍ଭ ହୋଇଥିଲା ବନ୍ଧୁତା। ପରେ ବନ୍ଧୁତାରୁ ବିବାହ ବନ୍ଧକରେ ହୋଇଥିଲେ ଆବଦ୍ଧ। କିନ୍ତୁ ଅଧିକ ଦିନ ପର୍ଯ୍ୟନ୍ତ ଚାଲିପାରିଲାନି ସମ୍ପର୍କ। ରିପୋର୍ଟ ଅନୁସାରେ, ଚହଲ ଆଲୁମିନି ବାବଦରେ ଧନଶ୍ରୀଙ୍କୁ ୪.୭୫ କୋଟି ଟଙ୍କା ଦେଇଛନ୍ତି।
ଚହଲ ଏକ ପୋଡକାଷ୍ଟରେ କହିଥିଲେ, ଧନଶ୍ରୀଙ୍କଠାରୁ ଡ୍ୟାନ୍ସ ଶିଖିବାକୁ ଚାହୁଁଥିଲେ। ତେଣୁ ସେ ଧନଶ୍ରୀଙ୍କ ସହ କଥା ହେବା ଆରମ୍ଭ କରିଥିଲେ। ଯୁଜବେନ୍ଦ୍ର ଓ ଧନଶ୍ରୀ ୨୨ ଡିସେମ୍ବର ୨୦୨୦ ରେ ଗୁଡଗାଓଁରେ ବିବାହ କରିଥିଲେ। କିନ୍ତୁ ଏହାର କିଛି ସମୟ ସମୟ ପରେ ଦୁହିଁଙ୍କ ମଧ୍ୟରେ ଦୂରତ୍ବ ବଢିବା ଆରମ୍ଭ ହୋଇଥିଲା। ଧନଶ୍ରୀ ଓ ଚହଲ କୋର୍ଟଙ୍କୁ କହିଛନ୍ତି ଦୁହେଁ ଜୁନ୍ ୨୦୨୨ ରୁ ଅଲଗା ଥିଲେ। ତେବେ ଅଲଗା ହେବାର କାରଣ ଦୁହେଁ କେବେ ଖୁଲାସା କରିନାହାନ୍ତି। ଧନଶ୍ରୀ କିଛି ମାସ ପୂର୍ବରୁ ନିଜର ଇନଷ୍ଟାଗ୍ରାମ ଆକାଉଣ୍ଟରୁ ଚହଲଙ୍କ ସରନେମ୍କୁ ହଟାଇ ଦେଇଥିଲେ। ଏହାପରେ ଦୁହିଁଙ୍କ ଭିତରେ ଛାଡପତ୍ର ଚର୍ଚ୍ଚା ଆରମ୍ଭ ହୋଇଥିଲା। ଚହଲ କିଛି ମାସ ପୂର୍ବରୁ ଇନଷ୍ଟାଗ୍ରାମ୍ରେ ଧନଶ୍ରୀଙ୍କ ସହ ସବୁ ଫଟୋକୁ ଡିଲିଟ୍ କରି ଦେଇଥିଲେ। ତେବେ ଧନଶ୍ରୀ ଏଭଳି କିଛି କରିନଥିଲେ। ଚହଲଙ୍କ ଏହି ପଦକ୍ଷେପ ପରେ ପୁଣିଥରେ ଛାଡପତ୍ର ଚର୍ଚ୍ଚା ଆରମ୍ଭ ହୋଇଯାଇଥିଲା। ଏହି ଦୁହେଁ ୫ ଫେବୃଆରୀରେ ଛାଡପତ୍ର କେସ୍ ଫାଇଲ କରିଥିଲେ।
